20180423拍攝哈薩克和俄羅斯的地鐵

俄羅斯首都莫斯科華麗的雲石地鐵站很多人都欣賞過, 但有冇留意過D車票呢, 其實是分單次車票和多次的儲值車票的,在2018年的4月除了有幸欣賞到莫斯科的地鐵外, 仲好彩也到訪了俄羅斯第二大城市聖比得堡的地鐵, 和鄰國哈薩克的阿拉木圖市的地鐵, 車站各有特色, 而單次車票的型狀和大小更是全不一樣, 因不識俄文和哈薩克文,英文在酒店外又用不著, 都有點困難才買到3個城市的車票, 最複雜又最好彩的車票是在阿拉木圖, 因為在哈薩克的阿拉木圖轉機, 航空公司提供一晚酒店加晚餐和早餐, 去到酒店後發現附近有個Zhibek Zholy地鐵站,問左酒店前台話想去換錢坐地鐵, 佢同我計算機計左好久, 話換30美元, 我話咁多, 佢話當地D野都好貴, 我多謝完就出發,見到個找換店燈箱就行入去, 點知是間是多, 要老闆娘帶我到傍邊不起眼個間先是, 入左找換店, 在窗口放低5張1美元的美金, 佢就放番低D哈薩克錢, 可能換得太少吧, Passport 都不用, 行到去地鐵站, 我記起在網上見過有個台灣人話佢用Google 翻譯中文成俄文 , 話佢想買張儲值咭回台灣作紀念, 結果成功買到,  我也同樣試一試, 但結果售票員話唔得, 但只好用身體語言, 最後都比我用約港幣$5買到張哈薩克儲值咭和港幣$2單次車票(80 哈薩克斯坦堅戈), 單次性入閘時把個黃色票放入部機, 我成個遊客樣, 未到個閘已有職員過來教我點用, 儲值咭就是入閘時拍咭, 兩種出閘時都是直行出來就得.  講番哈薩克呢條地鐵在1988年已開始起, 23年後的2011年先起好第一期,而阿拉木圖地鐵最新的莫斯科站也只是第9個站,就要去到2015的4月先落成, 全程約20分鐘, D站都好靚, 很適合遊客坐, 剩下的哈薩克錢就去商場買雪糕和其他食物. 

#1 阿拉木圖地鐵的儲值車票

#2 阿拉木圖地鐵Zhibek Zholy站的壁畫, 上面有長城, 我叫呢個做絲路站

#3 阿拉木圖地鐵的電梯

#4 阿拉木圖地鐵的列車

#5 阿拉木圖地鐵的車廂

#6 阿拉木圖地鐵最新的莫斯科站

#7 哈薩克的雪糕

後來到左聖比得堡, 遊覽聖母升天大教堂(喀山主教座堂)和滴血救世主教堂時, 有點時間便去參觀聖比得堡地鐵, 唔知點解Nevsky Prospect個站封左, 只好先參觀對面的書店, 轉頭個站真是開番, 又好彩買到車票, 買完車票便上車了, 車費約港幣$6一程,
#8 聖比得堡地鐵的儲值車票

#9 聖比得堡地鐵的電梯

#10 聖比得堡地鐵的人流

#11 聖比得堡地鐵的列車

#12 聖比得堡地鐵的車廂

 過兩天去到莫斯科後,在導遊帶領下去坐地鐵, 但好似鴨仔咁跟住枝旗仔走, 當然買不到車票哪, 只好第2天早上5時出去Angarskiye Prudy公園和 Khram Matrony Moskovskoy V Dmitrovskom 東正教堂跑步後, 再跑去Selingerskaya地鐵站先買到, 車費是55盧布(約港幣$8)一程, 今次用Visa的Paywave比錢的, 回港後發覺個價仲好過同導遊換個價少少, 很高興能一次過到訪3個城市的地鐵和買到3個城市的車票.

#13 莫斯科地鐵的儲值車票

#14 莫斯科地鐵的閘機

#15 莫斯科地鐵的電梯特別深

#16 莫斯科地鐵的列車

#17 莫斯科地鐵的車廂

#18 莫斯科地鐵的人流

#19 莫斯科地鐵的人流

#20 莫斯科地鐵的人流

#21 莫斯科地鐵的壁畫

#22 莫斯科Angarskiye Prudy公園晨早跑步時的景色

#23 買票可用Visa的Paywave比錢, 也很方便

#24 圖中的6張車票都係乘坐地下鐵的， 如果唔講，你估到係邊三個城市嗎? 左邊一套係哈薩克的阿拉木圖，中間一套係俄羅斯嘅聖彼得堡車票，右邊的一套係俄羅斯嘅莫斯科車票，上面三張係可以多次乘搭嘅儲值車票 ，下面三張係單次嘅車票

#25 聖彼得堡車票，俄羅斯, 阿拉木圖, 香港嘅的位置

#26 不同城市地鐵的比較

 #27 呢個30秒的縮時片段，裏面已包含數小時的光影變化，有露台晨曦，地鐵掠影和湖光日照

https://www.facebook.com/sunsphoto/videos/10214404468378922/

--- End ---