16mm法蘭距、55mm 大口徑機身加埋S Line鏡頭有幾靚在此唔多講了,睇完其他大大既試用報告之後相信大家已經有答案。 解像力同四角邊緣表現一流,如果大家對畫質有要求,中意影下日常生活相而又唔想帶大大部單反出街,呢部Z7真係一流 ?? 加上佢可以用返哂手頭上既Nikon鏡同燈,我都可以好肯定佢可以覆蓋到大部分既event job e.g記招、 影樓、 拍片 等等。
但我最關心都係究竟Z7可唔可以勝任運動攝影呢?老實說Nikon同廠方都講明Z7可能會令運動攝影師失望,佢並唔係一部針對運動攝影而推出既相機 (應該稍後既Z6會好一點),但點都要上場實戰過先可以下定論!今次多謝Nikon Hong Kong既安排令我地可以率先用Nikon Z7去試拍,早兩日就用Z7影左兩場足球比賽同三場籃球比賽。 因為未熟習新系統既關係,兩場港超比賽我基本上都係以Z7配合D5 +300mm F/2.8咁去用。
第一場影夜場,ISO推到4-5000, 以一部4500萬像既相機黎講表現其實唔差 ?? 但當然唔可以同D5比,D5太強,加上像數只有2000萬像。
至於對焦方面, 我明白點解Nikon話佢並唔係for sport喇,無論我用單點定係人臉追焦,對一D特如其來出現既畫面,例如爭頂角球又或者位置A, B及C球員同時衝去位置D (最後位置),而前方又有其他球員穿插既時候,對焦就顯得好吃力。 我未試過用其他牌子既無反去影足球,唔知係無反既先天限制定係我未用慣喇。除左以上既場合之外基本上對焦都問題不大, 只不過用開D5太快太爽了吧。
之後又試過影幾場籃球,可能因為球速較足球慢,對焦突然變得輕鬆好多,我諗影其他參與人數較少或者有固定軌跡及主體既運動如單車、賽車及劍擊等會比較易掌握。
講下個EVF,真係如Nikon所講花左好多心力去做,睇左成場波90分鐘都冇眼花或者倦既感覺,值得讚 ?? 但可能係限於無反既先天限制,用用下反Mon影相既時候,突然轉返用EVF會有delay (靜止黑畫面狀態到起動果下),呢樣同其他牌子一樣,我諗係EVF先天問題吧。
至於舊電,喺100% fully charged之下,影熱身至到90分鐘完場,前後約兩個半小時影足成千張相 (當中有大約30分鐘轉返用D5影但仍然power on stand by),到完場時仲有30%電,我認為合格有突 ??
總結經驗,Z7絕對唔會令一個運動攝影新手變成一個大師,但係佢係絕對可以勝任運動攝影的, 有一些畫面可能會因為對焦速度或EVF delay問題miss左而令你少左一D相,但你又會因為Z7既反MON同便攜性去創作多左新既作品。 加上畫質完勝,像數又夠大,Z7真係一部好全面既相機 ???
#shotcourt #sportsphotography #shotcourtphotography#nikonhongkong #nikon #nps #nikonz7 #z7