7 June 2019
話說今次小旅程，全因為上次行東澳古道，認識左當地原居民所致，我地已經約好左端午節前來。所以筆者5:00就起身，8:00就到大澳，準備影龍舟。今次一日遊，令我深深感受到大澳居民既nice、人情味同埋好客之道。
廢話唔多講，正式開始...
當日去到初時，天上面有好多雲，加上地理位置陽光仲未照到大澳。
一開波就用200mm XD
龍舟比賽尚未開始，試下用200mm，100米對焦距離威力試下街拍先！
小貓咪
好有節日氣氛
工作人員，負責打開橋樑。其間問左佢一d問題，好好客，答得非常詳細。
大概到九點幾十點，真正大澳藍天白雲終於出現。而且我哋今日個主題係影龍舟，陽光係影相魔法師，一張相有冇生氣充足嘅陽光功不可沒。龍舟們s會去到大澳楊侯古廟先拜神，因此我地都走去睇睇咩情況。
呢張相d龍舟頗為有層次
龍舟3散
拜完神準備出番碼頭比賽
Hi！加油努力呀師兄！
鼓手幾撚有型！
去拜神先～
遠一直橫shoot
俾d力！
香港周圍都有得影龍舟，但係最有本土情懷非大澳莫屬！簡單構圖，中間龍舟，後景屋仔。
因為有高船經過，所以…
好有情懐味啊！救命！
真係齊撚到呢！唔係比賽都咁俾力，值得加許！
獎杯們s 試下200mm散景威力
乳豬們s 試下200mm散景威力
人像照，佢地拉緊根，準備落場比賽。
又一型男！（大家唔好忘記，仲用緊200mm未轉過鏡）
佢地準備出船，但好似臨時加個人，哈哈！
係呀！有人影緊你地！
衝刺一刻
200mm好好用～
換個角度影衝刺
又黎街拍先～
海味店
靚仔！
買咩好呢～
200mm真係好有味道！哈哈！
終於捨得換鏡喇！鄧鄧鄧！傅聞阿汗富少女鏡弟弟出場Nikon ai 105mm 2.5！
問大家一個問題：陽光係影相既咩呢？
答案：魔法師！大家記住喇！XD
無聊試散景
令我勾起早前試微距鏡回憶！一時得意忘形，全開光圈，減低中fou率…
拍拍翅膀
中fou！
再中fou！
再再中fou！
曬咸蛋黃，光影有層次到呢！
話明能夠係呢個靚位係咁打卡，本人膽粗粗問果間屋既人，佢地極之好客地歡迎我！在此感謝佢地！除左借地方俾我影相之如，仲請我飲啤酒！食海鮮！
朋友黎左！再整多罐！
龍舟漸漸回行了～
呢張我好鍾意，因為龍舟同後面架船d旗好有層次！
用力！好齊！
兩條龍舟係咁窄河道，自不然打卡留念！
值得加許！比完賽都咁用力撐俾我地睇！
好大隻！哈哈～ 型呀！
冠軍隊伍！
Yeah!!!
雙龍出海
點解好似影過出過相咁既？？（check左真係行過兩次）
叫d人離開橋樑！
跟住怒氣沖沖咁加快步伐，好那型！
o靚仔都去撐龍舟！值得加許！
龍舟都番哂去，個人一靜低落黎，就想影風景！呢張相個天咁藍啲雲咁低，又郁得快，突然想起用ND1000，試試慢快門效果，最終設定2分鐘，由於想張相曝光更加完美，於是加塊GND 0.6 soft進一步降低雲嘅光差，使後製空間更大，最終完成...大澳之端午節藍天白雲大作！
16mm iso64 f22 137s (H&Y CPL + GND 0.6 soft + ND 1000 & Fotopro X-go Plus）
打卡咸蛋黃
影左成朝相都係時候食野喇！今餐係痴餐既，原因上次黎大澳識左位叔叔，上次第一次看面已經請我地食蝦，並且約定端午節再相見！影下有咩野食先！
馬豆糕好食！我啪左3～4件 哈哈！50mm 1.4出場
紅豆糯米糍，好q大件…食一件我個胃即刻飽左一半=.=''
呢個我都有食…食左1／3…浪費…
不願上鏡大叔，打包咁多野走，緊係唔想俾人影低罪證啦！哈哈！
Kai子笑啦！Yeah^.^V (Thank you隊友幫我留倩影）
食完野，話明大澳一日遊，當然唔少得行山影相影日落啦！大澳－虎山
在上山途中，見到整個大澳，加埋當日天氣藍天白雲，理所當然打卡留念。
大澳的天空
50mm iso64 f8 1/160 (Fotopro X-go plus)
200mm iso64 f8 1/400 (Fotopro X-go plus)
終於上到山既最高處
200mm iso64 f11 1/125
50mm iso64 f11 1/25 (H&Y Filter GND 0.6 soft & Fotopro X-go plus)
上到山吹住涼風，兩個麻甩佬吹水吹到日落再影相！男人既浪漫！
16mm iso64 f13 1/5 (H&Y Filter CPL + GND 0.6 soft & Fotopro X-go plus)
筆者最近才喜歡低角度構圖
16mm iso64 f10 1.6s (H&Y Filter CPL + GND 0.6 soft & Fotopro X-go plus)
竟然有少少曙光～
25mm iso64 f7.1 1.3s (H&Y Filter CPL + GND 0.6 soft & Fotopro X-go plus)
呢個位夜景冇咩野影，日落收皮後，我地就撤退。原本諗住搭巴士番東涌，但原來佢地仲有晚場…
很熱鬧！很有節日氣氛！呢份感覺城市人感受唔到！
小朋友亦都上台high埋一份！
Wow！睇下台下面觀眾幾投入！
人人都係歡樂中渡過！
又撞番上次位叔叔，佢又邀請我地坐低食飯！
由於筆者掛住食野，分心不下，所以終止拍攝。
以下係我隊友所影～
三人大合照！
總結
今次體驗非常難忘，出發前一晚已經瞓唔着。再一次感受到大澳人既nice，佢哋生活好簡單，唔似我哋城市人諗嘢咁複雜，時代變遷，呢啲古老漁村沒落係遲早嘅事。聽一位叔叔講，以前端午節，打鑼打鼓嘈到初五，而家已經大不如前。所以我哋要好好珍惜而家有嘅機會，我哋好有幸可以參與大澳居民端午節盛事，今次真係一個好難忘嘅經歷！再次多謝協助過我哋嘅大澳居民！謝謝！有機會再見面！
歡迎加ig交流！
instagram: andrewncy.images
