Fever 達人文章分類

用心看HongKong - 大東山星空大放題+日出

4 Jan 2019

話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!當慢慢開始進入山路再抬頭望天,原來係超級勁爆清晰,有種螢光藍嘅感覺,係去台灣見到清澈星空嘅感覺!

是日出動鏡頭,20mm 1.8原本要黎影星芒太陽,後尾變咗影星神器。35mm 1.4、50mm 1.2及85mm 1.8,密牙設定XD(如果有認識車嘅朋友就知我講咩)

好啦好啦~廢話唔多講,開波!

上到山見到有條光柱,開頭以為係有人觀星,先射條laser上天。後尾同IG一位朋友傾計,先知原來係港珠澳大橋光柱,大煞風景!嗰陣時仲當條光柱係寶,要快啲影到條光柱加星空=.='' 打直影為咗IG出相!

dcf-travel-img-3755720mm iso1600 f2.5 20s

黎返張打橫先,我啲setting完全係台灣影星、影銀河設定,自覺認為最fit影呢個題材設定。大致上係咁,筆者影緊期間,亦不停是不同設定。因人而異,個人喜歡不同設定也可~最緊要影到!dcf-travel-img-3755920mm iso3200 f2.2 13s

到打卡例位,同一般作品並無分別,只在乎天氣質素。

dcf-travel-img-3756020mm iso2500 f2.5 15s

漫天星宿真係忍唔住影wide d! 又出絕招,打直影!擦擦擦擦擦!幾張夾埋一齊!

dcf-travel-img-3755820mm iso2500 f2.5 15s

繼續上山前進,另一個打卡位!遇到咁靚咁清澈星空,不忘自拍打卡!我係要大煞風景啊!吹咩XD 不過自拍設定有啲錯誤,要hold成15秒唔郁!

dcf-travel-img-3756120mm iso2500 f2.5 15s

好啦~唔阻大家欣賞例位星空!

dcf-travel-img-3756220mm iso2500 f2.5 15s

嗰日好多人都到大東山影日出,我哋係咁不斷搵屋仔,不斷喺度搵啱太陽位置構圖影日出,但係影得出之前先來返個夜景星空!

dcf-travel-img-3756320mm iso800 f2.8 25s

跟住個天起晒雲,濕氣急升,鏡頭、腳架都濕埋,冇心機影,直到日出magic hour~ 直倒!

dcf-travel-img-3756420mm iso64 f4 6s

打橫影先最有大景feel!

dcf-travel-img-3756520mm iso64 f4 4s

天色漸變,太陽即將出來,個天開始變黃!

dcf-travel-img-3756620mm iso64 f13 1.6s

35mm 出場!為咗突顯大東山特色,為咗強調曙光!所以換近少少焦距!由於枝鏡鍍膜變黃(係呢支神鏡通病),調色仍然在摸索中,故現在調色有點怪。

dcf-travel-img-3756735mm iso64 f11 0.6s

太陽出來了~係新一天的感覺啊!星芒太陽~
dcf-travel-img-3756820mm iso64 f16 1/50

感謝隊友,為我同接近百年歷史爛頭營大合照!

dcf-travel-img-3756985mm iso64 f4 1/400

隊友突然間有feel!叫我chok!交足戲㗎!相中的我,見到有趣構圖正在思考如何拍攝,用咩光圈、曝光,對焦距離... 想知呢張相用咩鏡影?不妨tick tick 神奇老鏡 - NIKKOR H Auto 85mm f1.8

dcf-travel-img-3757285mm iso64 f4 1/400

最後,我哋影完日出都有啲攰,準備喺山頭休息嘅時候,見到呢個突如其來小雲海~ 係嚟緊影雲海嘅先兆嗎?結果不出所料一星期之後... 用心看HongKong - 大帽山雲海大放題(上)用心看HongKong - 大帽山雲海大放題(下)^.^v
dcf-travel-img-3757135mm iso64 f8 1/400

最後,梗係測試神奇老鏡 - Nikkor N Auto 35mm f1.4散景!幫隊友留倩影!呢枝鏡頭嚟緊出動,筆者盡量每一次出動都會帶佢,以作測試之用,作為神奇老鏡文章做準備~

dcf-travel-img-3757635mm iso64 f1.4 1/8000

今次出動雖然沒有預測雲海,但有喜出望外星空大景!呢part真係加好多分!能夠喺香港見到咁清澈星空,有種台灣感覺,螢光藍星空,確實難得!我俾93分!比起雲海日出仲難得!而且當日影星設定,同去台灣影銀河設定無疑。如果時間啱影咗銀河中心嘅話,淨係影張相相機咁睇條銀河應該都出晒黎。再加埋後製,我諗條銀河都出埋黃色粒玉出嚟!筆者技術有限,只能在天氣極佳情況下,單張後製~
影完日出,小睡片刻後起程,又係隊友發癲時候xD 條友仔又唔想沿路落伯公坳走(害我行過船灣淡水湖一圈=_=''),係要行條難行啲路... 黃龍郊遊徑落山... 我實奉陪到底!雖然大家都落到媽媽聲!最終不過不失完成!呢度問隊友:你係咪好爽?係咪有一整個旅程feel?哈哈哈!隊友睇完篇文章答:試吓新路嘛!搵笨嘅咪一次,冇下次囉!我內心諗:睇下下次大少又點導我走難行路線... 其實心裏很enjoy xD

 

希望黎緊有機會或者有mood分享其他野,老鏡、新鏡頭又好,日常遇上大景出動經歷又好~唔知下次幾時,會遇咩大景又可以成個故仔咁呢^.^v

歡迎加ig交流!

instagram: andrewncy.images

多謝收看!多謝睇我分享!

分享感想
Andrewncyimages 的其它文章
編輯推薦
第一集 - 我的... 品味小作 Andrewncyimages 由於覺得近排天氣都不佳,所以有種發掘新攝點嘅睇法,多數唔係上高山,而係走古道或者比較平嘅山路~同埋影相影得越耐,筆者漸趨多元化,從前只影風景,淨係影風景都影到有d悶,而家咩都影一餐xD 最先筆者由於購... (繼續閱讀)
編輯推薦
用心看HongKong - 發現新攝點:陰澳行去東涌 Andrewncyimages 話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不... (繼續閱讀)
編輯推薦
用心看HongKong - 港島區之行:寶馬山>奇力山 Andrewncyimages 29 Feb 2020 四年先一次xD 話說出發前一晚,同隊友傾左好耐,原本諗住行大嶼山。但當睇到天文台app,話夜晚可能會有薄霧,故轉行程行港島區,博下影唔影到雲霧。又想方便搭車,減少上山步距,因此我哋喺紅磡過海隧... (繼續閱讀)
用心看HongKong - 重遊舊地:紅石門 Andrewncyimages 話說筆者早幾年曾經探過路,由於知道路程頗長難行,所以唔帶腳架,減輕負重,增加機動性。第一次去帶咗部菲林機FM2同埋一支輕巧鏡頭28-70mm f3.5-4.5。不過嗰陣時冇乜預到時間,去到嗰度又潮漲,時間又比較晏,冇... (繼續閱讀)
用心看HongKong - 大東山星空大放題+日出 Andrewncyimages 4 Jan 2019 話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!... (繼續閱讀)
編輯推薦
用心看HongKong - 大帽山雲海大放題(下) Andrewncyimages 11 Jan 2020 完咗呢日旅程成個幾禮拜,再唔出埋下集,真係擺到臭XD 太陽出來了,我們一起上學去。小學一篇文章,到而家50~60年後都仲記得⋯焦距180mm x2= 360mm,捕捉太陽升起個刻。果日呢個位,真係幾特別幾靚... (繼續閱讀)
編輯推薦
用心看HongKong - 大帽山雲海大放題(上) Andrewncyimages 11 Jan 2020 話說10號嗰晚10點幾,睇天文台預測,同埋我自己屋企望上天頂,疑似有雲海,已經蠢蠢欲動想上大山。不久,同IG有位師兄傾計,得到可靠情報,就更加確定上大帽山博雲海。結果吹雞成功,2:45齊齊打的。... (繼續閱讀)
神奇老鏡 - NIKKOR H Auto 85mm f1.8 Andrewncyimages 話說初初接觸攝影三四年前,好多時候淨係識用wide鏡影相影大景,越wide越好~開頭我影相只係對風景拍攝有興趣,逐漸覺得wide鏡影相無重要,開始進入35mm同50mm迷思,接觸左攝影兩三個星期,我就買入左Nikon 50mm ... (繼續閱讀)