Fever 達人文章分類

用心看HongKong - 香港地質岩石公園:荔枝莊

話說3~4年前,開始接觸攝影,最初只對風景拍攝有興趣,連影日出日落位每次都睇咩位置上落,先至出動到特定地方。除此之外,我仲對地質岩石產生興趣,本身無讀地理既我,參加左地質岩石導遊課程,呢個課程令我獲益良多,去過好多平時冇咩機會,甚至唔知有咁既地方,都一一拜訪,知道係咩一回事。今次,重遊舊地就係「荔枝莊」,它岩石體系主要係沉凝灰岩,即係火石爆發而噴出既灰燼或塵埃,經過長年累月沉積落湖下面。(詳細請上官網,我只係雞毛蒜皮識少少…)

正式開始…

當然去左西貢,食個飽飽先出發啦!

dcf-travel-img-35842

因為原本行程由白沙澳青年旅舍>荔枝莊>深涌>榕樹澳…但由於天氣太熱,加上前一日踩左單車,體能大打節扣,最終荔枝莊搭船走~我地乘搭小巴7號到起步地點…

dcf-travel-img-35805

沿路冇咩特別,一時好焗,一時有微風,行左唔知幾耐冇計時就到了目的地~

dcf-travel-img-35806

三年了!終於達陣!

dcf-travel-img-35804

質石公園打卡

dcf-travel-img-35807

狗狗訓係地擺post!

dcf-travel-img-35808

行多幾步又見到你!又擺post!成個佢係主場咁!

dcf-travel-img-35809

三年前影相角度,同今日比相當之唔同,宜家直頭貼住個地下影,特顯岩石紋理同埋氣勢!

dcf-travel-img-35810

再黎!陽光加持!

dcf-travel-img-35811

呢度沉凝灰岩d紋理好x正啊!

dcf-travel-img-35812

睇下d紋理

dcf-travel-img-35813

相信時候或者當年沉積物有所改變,所以變了呈深色狀態~

dcf-travel-img-35814

第二個角度

dcf-travel-img-35815

唔同顏色或類型既岩石~

dcf-travel-img-35816

呢個真係唔可唔提!荔枝莊岩石最大特色!『褶曲』呢種程況比較少見!因為要係沉積物開始變成岩石,而又未變得哂岩石,果pat野軟身又帶點硬,又凝固為固體之中,地殼產生輕微變動,導致呢pat野好似轉左個彎咁,轉完彎之後地殼就唔能夠再郁,再郁時候要成大塊岩板推上地面,我地先可以見到『褶曲』呢個模樣!

呢張係三年前,參加地質岩石班所影,當日天氣超級好,超級藍天白雲!

dcf-travel-img-35825

全新角度

dcf-travel-img-35817

低位影

dcf-travel-img-35818

『褶曲』

dcf-travel-img-35819

想影轉彎轉得急d xD

dcf-travel-img-35820

影到呢度好累冇力了,我地決定等6:00pm船,番大學。

dcf-travel-img-35821

馬鞍山

dcf-travel-img-35822

同隊友討論過後,決定放棄影日落。當天日落「焦」。

dcf-travel-img-35823

Magic hour最美時刻就當個變緊色時候,同埋d燈開哂著哂既時候!鄧鄧鄧!六角星芒!

dcf-travel-img-35824

今次重遊舊地,令我諗番不少往事同埋唔少野,個腦係度諗以前香港究竟發生咩事,地方點樣凌亂,呢度有火山,果度又話有火山。究竟果陣氣候又點架呢?果時既生物又係點既呢?一切只可以係個腦憑自己想像咁ff。香港咁細有咁多保貴地質資源,確是難能可貴,希望日後再有機會再來地質公園遊歷、拍攝,將見到既所見所聞分享俾大家。如以上資料有錯誤,請體諒。並歡迎講俾本人知,以作更改。

 

 

歡迎加ig交流!

instagram: andrewncy.images

 

 

 

 

Andrewncyimages 的其它文章
用心看HongKong - 發現新攝點:陰澳行去東涌 Andrewncyimages .3 月 17 日 話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不... (繼續閱讀)
用心看HongKong - 港島區之行:寶馬山>奇力山 Andrewncyimages .3 月 3 日 29 Feb 2020 四年先一次xD 話說出發前一晚,同隊友傾左好耐,原本諗住行大嶼山。但當睇到天文台app,話夜晚可能會有薄霧,故轉行程行港島區,博下影唔影到雲霧。又想方便搭車,減少上山步距,因此我哋喺紅磡過海隧... (繼續閱讀)
用心看HongKong - 重遊舊地:紅石門 Andrewncyimages 話說筆者早幾年曾經探過路,由於知道路程頗長難行,所以唔帶腳架,減輕負重,增加機動性。第一次去帶咗部菲林機FM2同埋一支輕巧鏡頭28-70mm f3.5-4.5。不過嗰陣時冇乜預到時間,去到嗰度又潮漲,時間又比較晏,冇... (繼續閱讀)
用心看HongKong - 大東山星空大放題+日出 Andrewncyimages 4 Jan 2019 話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!... (繼續閱讀)
用心看HongKong - 大帽山雲海大放題(下) Andrewncyimages 11 Jan 2020 完咗呢日旅程成個幾禮拜,再唔出埋下集,真係擺到臭XD 太陽出來了,我們一起上學去。小學一篇文章,到而家50~60年後都仲記得⋯焦距180mm x2= 360mm,捕捉太陽升起個刻。果日呢個位,真係幾特別幾靚... (繼續閱讀)
用心看HongKong - 大帽山雲海大放題(上) Andrewncyimages 11 Jan 2020 話說10號嗰晚10點幾,睇天文台預測,同埋我自己屋企望上天頂,疑似有雲海,已經蠢蠢欲動想上大山。不久,同IG有位師兄傾計,得到可靠情報,就更加確定上大帽山博雲海。結果吹雞成功,2:45齊齊打的。... (繼續閱讀)
神奇老鏡 - NIKKOR H Auto 85mm f1.8 Andrewncyimages 話說初初接觸攝影三四年前,好多時候淨係識用wide鏡影相影大景,越wide越好~開頭我影相只係對風景拍攝有興趣,逐漸覺得wide鏡影相無重要,開始進入35mm同50mm迷思,接觸左攝影兩三個星期,我就買入左Nikon 50mm ... (繼續閱讀)
用心看HongKong - 郊遊篇:麥理浩徑八段 Andrewncyimages 5 Nov 2019 筆者住大埔,由大埔出發上大帽山,已經變成筆者日常行山路線之一。沿途必經麥理浩徑8段,四方山沿途景色優美,又可登上全港最高山大帽山,沿途一路打卡,終點又有得影日落,下山路程近,又可以搭巴士... (繼續閱讀)