Fever 達人文章分類

用心看HongKong - 維港海霧+日常街拍

15 May 2019

話說當日,一朝早已經有海霧,但由於筆者懶,同埋覺得海霧都就快冇㗎啦,一直拖到1:30pm先出門口。搭車時候經過觀塘繞道,仲見到有海霧,以為有機,點知已經接近尾聲,影得一張...

是日出動鏡頭

dcf-travel-img-35938 

正式開始...

一落車第一步馬上搵開揚景觀,但當搵到時候,已經開始收收地皮...

dcf-travel-img-35933

160mm iso160 f11 1/400

之後,就去補食早餐,係步緊過去途中,拎住28-300試下街拍,原來呢枝鏡長焦時候,對焦距離都幾遠下,即係個散景距離都幾多下,不過由於係現代鏡又係變焦鏡,枝鏡果條對焦碼都唔知show緊幾多mm,故無從稽考對焦距離。

同埋用枝鏡都一段日子,係咁e share下我對呢枝鏡有咩感想同特點。變焦個range咁闊構圖的而且確好毑方便,同埋減少換鏡機會,好多時即場發生既事,都可以影到。不過佢都有缺點,筆者發現枝鏡影出黎偏暗,要比其他鏡推高1~2級iso,先至能夠keep番個快門時間或光度,同埋影夜景嘅時候,如果係好黑山頭或郊野地方,暗部位置更加暗,後製時候幾乎推唔番出嚟。日頭、去旅行呢枝鏡屬於出動頭三位,我評枝鏡有80分。28-300個range咁闊,有時唔使太講求質素,影到就贏!

言歸正傳... 去緊北角途中,發現有條長馬路,中間有安全島,最後有樓,用長焦300mm zoom埋去構圖應該可以。呢張坐左係路邊一陣,呆思左一陣,就有個人從右邊殺出黎,覺得啱timing 於是按下快門!

dcf-travel-img-35923

300mm iso320 f5.6 1/500

跟著,轉個街口又俾我見到有趣構圖,果刻好多車,車好有層次咁由最遠架車高去到最近最矮,好似層層疊砌Lego 咁,而且仲有一眾街拍愛好者,好鐘意影既紅的!理所當然,拎起相機chok番張~

dcf-travel-img-35927

200mm iso320 f5.6 1/320

一直行... 發現斜路上面開始有好多學生放學,開頭我都冇為意到有乜咁好影,啱行多兩步發現呢個構圖幾有趣,於是停低左一陣睇吓有冇特別野經過,點知有個老男人大肚腩食住支煙仔過馬路。

dcf-travel-img-35924

200mm iso320 f5.6 1/320

唉~一起身就搭車仆出嚟影海霧,早餐都未食,係時候要醫肚喇!自從我知道呢間野嘅存在之後,每次我經過北角,我都一定食呢間茶記。呢間茶記有個不成文規定,星期日休息... 但你話佢寸嘴又好,星期日唔休做又好,對鋪頭員工有人情味又好,人哋真係串得起,好生意,成日爆場,同埋真心好食!佢個瑞士雞髀出色到呢... 係dcfever呢度唔係三言兩語打幾隻字就可以形容得到,自己親身去試吓就知喇!佢真係好抵食,睇吓個餐牌, 配A+B+C、A+B+E、A+B+M咁多花款,今時今日仲係$4x ,咁多嘢食!仲要有埋杯嘢飲!真係抵屌到爆廠!紅豆冰加兩蚊咋大佬,抵屌!

dcf-travel-img-35934

我叫果個餐A+B+E,瑞士雞髀+吉列魚柳包+炭燒豬頸肉+餐肉炒蛋飯,加$2紅豆冰。由於太肚餓嘅關係,淨係影咗咁多~

dcf-travel-img-35936

食完野,一場嚟到諗起鬧市中有電車行走...春秧街~不過去春秧街之前,去個小便先,但茶記廁所有人,於是去咗北角體育館廁所,落嚟之後比我見到工人灑水,即刻影低!一張姐,跟住佢就冇再灑水走咗佬...

dcf-travel-img-35925

92mm iso640 f5.3 1/500

終於到達春秧街,其實構圖得一個,係電車後邊前面好多人經過,主要係睇有咩人經過同埋電車顏色,於是等... 嗰日影咗幾張認為滿意,時刻順序發佈~

呢張架電車幾靚幾特別,但d人構圖唔掂...

dcf-travel-img-35926

125mm iso1000 f5.6 1/500

呢張d演員唔掂,仲幫人好明顯咁賣廣告...

dcf-travel-img-35929

180mm iso1000 f5.6 1/400

呢張我最滿意,外國人個輪廊好正,雖然影到blur哂,但係輪廊都仲好出。又雖然都係幫呢間公司賣廣告,但係人哋外國公司全部英文字感覺上有品味得多,我願意幫佢賣廣告^.^v 

dcf-travel-img-35930

190mm iso1600 f5.6 1/250

呢張有feel,前面手推車後邊電車,仲有疑似夫妻檔~ 

dcf-travel-img-35932

180mm iso1600 f5.6 1/500

呢張壓縮感咁最強300mm!

dcf-travel-img-35937

 300mm iso1600 f5.6 1/320

睇天文台個app,日落都似收收地皮,提早散水。

 

朕~係大概呢半年先喜歡街拍,以前街拍我覺得好無聊,影嚟影去咪又係咁。直至唔記得拎起邊枝神奇老鏡出街試拍(大光圈),同埋後製調色有新突破性發展,個腦好似突然間開竅,鍾意左街拍。在下街拍真係一名新手,有好多進步空間。街拍有趣之處,每次出街面對情況都唔一樣,就算同拍檔同一時間一齊影,啱出嚟個結果都會唔一樣。因為大家個觀感、構圖,嚗光鐵三角認知、了解、想影散景效果略有不同,所以唔同攝影者有唔同效果,呢個就係街拍奧妙之處!

唔講有啲人可能唔知,今日見電車路靠海嗰邊,其實就係當日從前既海平線,即係電車軌對出就係海,後尾填海(越填越出=.=''),所以電車路沿線先唔係沿海。

 

希望黎緊有機會或者有mood分享其他野,老鏡、新鏡頭又好,日常遇上大景出動經歷又好,或者街拍有新idea~唔知下次幾時,會遇咩大景又可以成個故仔咁呢^.^v

 

歡迎加ig交流!

instagram: andrewncy.images

Andrewncyimages 的其它文章
用心看HongKong - 發現新攝點:陰澳行去東涌 Andrewncyimages .3 月 17 日 話說當日,我同隊友商量好,覺得天氣不佳,不利上山作戰,行平路探新路比較有着數。同埋之前講個陰澳有個小連島沙洲,所以我哋搭巴士去到青馬大橋收費站落車。開頭諗住影完陰澳就算,不過時間尚早,我信口開河話不... (繼續閱讀)
用心看HongKong - 港島區之行:寶馬山>奇力山 Andrewncyimages .3 月 3 日 29 Feb 2020 四年先一次xD 話說出發前一晚,同隊友傾左好耐,原本諗住行大嶼山。但當睇到天文台app,話夜晚可能會有薄霧,故轉行程行港島區,博下影唔影到雲霧。又想方便搭車,減少上山步距,因此我哋喺紅磡過海隧... (繼續閱讀)
用心看HongKong - 重遊舊地:紅石門 Andrewncyimages 話說筆者早幾年曾經探過路,由於知道路程頗長難行,所以唔帶腳架,減輕負重,增加機動性。第一次去帶咗部菲林機FM2同埋一支輕巧鏡頭28-70mm f3.5-4.5。不過嗰陣時冇乜預到時間,去到嗰度又潮漲,時間又比較晏,冇... (繼續閱讀)
用心看HongKong - 大東山星空大放題+日出 Andrewncyimages 4 Jan 2019 話說嗰日就係見到天文台app,各區個天氣圖,有疑似雲海,所以想搏一搏大東山雲海屋仔日出。結果當然博唔到啦,不過有樣嘢好幸運,夜晚去到一啲雲都冇,到伯公坳落車抬頭望天時,只見極度清晰的星空!... (繼續閱讀)
用心看HongKong - 大帽山雲海大放題(下) Andrewncyimages 11 Jan 2020 完咗呢日旅程成個幾禮拜,再唔出埋下集,真係擺到臭XD 太陽出來了,我們一起上學去。小學一篇文章,到而家50~60年後都仲記得⋯焦距180mm x2= 360mm,捕捉太陽升起個刻。果日呢個位,真係幾特別幾靚... (繼續閱讀)
用心看HongKong - 大帽山雲海大放題(上) Andrewncyimages 11 Jan 2020 話說10號嗰晚10點幾,睇天文台預測,同埋我自己屋企望上天頂,疑似有雲海,已經蠢蠢欲動想上大山。不久,同IG有位師兄傾計,得到可靠情報,就更加確定上大帽山博雲海。結果吹雞成功,2:45齊齊打的。... (繼續閱讀)
神奇老鏡 - NIKKOR H Auto 85mm f1.8 Andrewncyimages 話說初初接觸攝影三四年前,好多時候淨係識用wide鏡影相影大景,越wide越好~開頭我影相只係對風景拍攝有興趣,逐漸覺得wide鏡影相無重要,開始進入35mm同50mm迷思,接觸左攝影兩三個星期,我就買入左Nikon 50mm ... (繼續閱讀)
用心看HongKong - 郊遊篇:麥理浩徑八段 Andrewncyimages 5 Nov 2019 筆者住大埔,由大埔出發上大帽山,已經變成筆者日常行山路線之一。沿途必經麥理浩徑8段,四方山沿途景色優美,又可登上全港最高山大帽山,沿途一路打卡,終點又有得影日落,下山路程近,又可以搭巴士... (繼續閱讀)