16 Feb 2019
話說前一晚15 Feb 2019先至上環街拍完Nikon ais 105mm 1.8(之前街拍文章），但係返到屋企之後，留意到天文台個app、高空氣象預測圖，決定再上大帽山影雲海，開頭雲海漸漸形成...
是日出動鏡
由於果日定出動時間太晏，我同隊友各自打的，我打的士到上村，再join佢架的士，上到大帽山停車場。啱啱落車嗰陣時開始冇嘢影，雲霧形成當中，但未算靚仔，當我地上到差唔多頂時候，回望元朗嗰邊構圖好似幾特別，但是時機稍瞬即逝，構圖最上方月亮，跟住一層雲霧，接着城市，跟住山景，跟住馬路，跟住雲霧，最後山景，構圖極為豐富。仲用上六角星芒神鏡Nikkor-P Auto 105mm f2.5，不過由於太遠影唔出星芒。哈哈！只影得一張，跟住月光就收皮，個構圖冇咁美觀...(影第一張已經係3:16am)
105mm iso800 f5.6 13s
跟住我地繼續走，走過大帽山波波，果度影番大刀刃同埋大陸景較好，咁岩起左一層霧海，同我心目中所想既構圖有8成接近。調色方面，以街拍調色法為藍本，故同一般風景影相還原真實有少少唔同。
105mm iso640 f5.6 20s
呢個位打左一張就食哂霧，估計山頂既朋友都食霧，所以我地繼續走落去四方山。呢個角度距離城市近一d，山既層次明顯一d。山群為前、中景，城市為後景。
105mm iso160 f5.6 64s
由於夜景再無咩特別，等magic moment，天色開始轉，好似會燒天！以為咁樣已經燒到盡左，哈哈！
20mm iso64 f11 1/3
點知原來過一陣燒得仲勁，係咁既環境當然直倒(wide鏡黎講我果日淨係帶左20mm)。大景就係眼前，突然諗起我應該要自拍！
20mm iso64 f11 1/3
太陽黃係層層雲霧走出黎，睇下d雲層次，呢刻近shoot最實際！105mm fit 7爆！
105mm iso64 f11 1/100
呢日仍然都覺得好靚，加埋亂石陣，又有feel自拍mode！
55mm iso64 f5.6 1/125
又係直倒構圖，明顯構圖三分法，前景亂石陣，中景星芒太陽，後景藍天白雲！photooftheday選址的確好重要！前景是一直以來想影既，終於成功佩合天時地理人和，太陽位置又岩，影得出一張頗為滿意的作品。呢枝鏡，日出、日落都好，有一個同味道既style，就係星芒太陽！
20mm iso64 f16 1/100
一場黎到四方山，陽光正處於柔和同埋側光狀態，緊係影重點亂石陣同埋連綿起伏嘅山勢啦！老鏡又有flure，好正呀！
85mm iso64 f11 1/80
hi! 睇下後面，係好靚既藍天白雲！
20mm iso64 f10 1/160
鏡頭一轉，又轉番前面。係日暈呀！加埋山上面突然間有一陣霧氣飄過，影落更加有feel！
20mm iso64 f11 1/500
影完呢張都無咩野影，退路有幾個，上番大帽山再走落去搭51號巴士，落梧桐寨搭64k，鉛礦坳轉左落大埔，鉛礦坳轉右落城門水塘，我地揀左最後者，因為已經唔想再上山，同埋因為累唔想行樓梯落山。
番到屋企沖涼訓覺，一訓就訓到就日落時候，求其帶支16-35mm f4算數，於是踩單車去三門仔日落打卡^.^V 設定iso31，因為想慢快門等個天d光能夠係水度反射更加光。
18mm iso31 f14 8s
今次點評分好呢？Um...日出我俾85分，1.有燒天（雖然唔係燒得好勁，但自拍果張燒得最勁果下、果一忽，俾我影到，燒天果舊雲，全部重點都係哂入面），2.星芒太陽，呢個構圖想影好耐，終於影到。日落70分，普通有少少黃光射番上黎咁。
唔講可能唔知，大帽山從前係一個火山黎，所以四方山先至有咁多亂石陣，石頭由火山噴出嚟嘅火山灰形成。亂石陣係凝灰岩，抗侵蝕力較強，所以宜家一大舊一大舊係度。從前可能好似富士山咁高，隨著多年風化侵蝕，大帽山已經變矮左好多。隨著地下岩漿帶轉移，香港已經唔會再火山爆發。隨著地震帶轉移，香港已經離開地震區。
希望黎緊有機會或者有mood分享其他野，老鏡、新鏡頭又好，日常遇上大景出動經歷又好，或者街拍有新idea～唔知下次幾時，會遇咩大景又可以成個故仔咁呢^.^v
歡迎加ig交流！
instagram: andrewncy.images
