話說呢兩筒菲林都放左係度好耐，3月份有時間就影哂去，廢事擺到菲林過期，影響相既質數。而影既相完全冇記錄iso、快門、光圈、用咩鏡全憑自己記憶了，但冇搞咁耐真係咯記得，哈哈！記得有用35mm 2、55mm 1.2、阿富汗少女鏡。今次呢篇文章，純粹分享''林''味！
到鯉魚門三家村舊礦場打卡，呢張相開頭影第一張，菲林未準備好。
準備好～
用菲林影青馬大橋日落
往大帽山進步途中
雞公嶺打卡
用咩鏡真係唔記得…
大東山食完白果落山
好喇！真正主題街拍mode啟動！係九龍灣落車，突然俾我見到建築工人整野，幾有feel！好似係用阿富汗少女鏡影105mm 2.5p.c。
黎到金鳳餐廳，d扒抵食到呢！好在下午時間先去，人少少先俾我咁影咋！35mm f2 o記得好似用iso200，開盡哂光圈，快門低過安全快門好很多…
出外走走影哂卷菲林去先得！
以下全部都係阿富汗少女鏡影105mm 2.5p.c，筆者認為105mm街拍幾好，同目標保持距離，被拍攝者降低戒心，以捕捉最佳神韻。
新舊樓小對比
紅的打卡，無聊一影。
開始去到人多地方，歪哂都禁制…
閉氣、專心影番張合格既相先～睇下前排d人blur哂，幾有feel^.^V
光與影
果對情侶好有懷舊味道
呢張真係Photooftheday！四個人推住兩架車！中間仲有主體小型貨車！
幾有feel，好在手動對焦中fou～
呢張都幾有feel，一個小朋友跑住咁過馬路！
光與影：木村拓木！
105mm壓景威力，紅的同後面d樓。
''林''味啊～
後記：
用得數碼機多，自不然忘記最初d人用菲林機係點樣影相，需要自己設定光圈、快門、對焦，ISO set死左特性，如何影到一張合格既相？真係要自己摸索多d。街拍影到心目中構圖，把握時機更為重要！因為菲林一卷數量有限，而且成本較高，就算唔計成本，係拉動下一張相時，亦花幾秒時間。目標可能移左位，又要再手動微調對焦。用fm2全手動設定，令我對影相產生更濃厚興趣，令我更加細味對焦距離多遠幾近，散景和光圈設定如何。光源不足情況下，大光圈既重要性。每次用完菲林機，配合唔同既鏡出動，一靜落黎諗番起成件事，每次都有唔同既體會，一切盡在不言中…
希望黎緊有機會或者有mood分享其他野，老鏡、新鏡頭又好，日常遇上大景出動經歷又好，或者街拍有新idea～唔知下次幾時，會遇咩大景又可以成個故仔咁呢^.^v
歡迎加ig交流！
instagram: andrewncy.images
