拍攝位置前方有高957m大帽山，能夠影到閃電機會率比較低，就算遠處有閃電，都俾大山擋住，所以要好睇當時吹咩風向，d雷雨雲點樣先至有機會見到(好多時見到影唔到)。
有人問閃電個快門時間？在下愚昧知識覺得要睇當時情況，究竟當時好多雲中閃影響個光度定係影一條閃電？有埋城市光影響？如果長快門突顯唔到閃電劈落黎條光就冇意思，所以最終都係要自己試過快門時間、iso、光圈，來獲取最佳曝光，前提唔好過曝。由於唔知道閃電真正位置，構圖都係亂咁黎，憑第六感.......完～
25 Aug 2019，由於閃電距離太遠，用wide鏡冇著數，故用上50mm，拉近距離。由於對面樓太光嘅關係，同埋發生嘅地點有點遠，所以影出嚟好暗，要短快門增加閃電光度。
50mm iso400 f5.6 5s (Fotopro X-go Max)
26 Aug 2019，一日之後夜晚又有閃電，今次閃電距離近左好多(好多地方都停左電數十秒或停電)，光度亦都提升左好多，天空閃到好光好密，所以iso設定低d，第一張影嗰時，由於試緊曝光，iso未調到最適合，就中咗有條閃電劈落嚟，幾乎差啲過曝救唔番張相。
21mm iso125 f5.6 10s (Fotopro X-go Max)
稍後時間又有閃電，今次閃電頻率慢咗好多，所以個快門時間長啲。今次閃電又再再再距離再近啲！條閃電光到又差啲過曝！好粗碌！一野劈左落山度！
17mm iso64 f5 25s (Fotopro X-go Max)
今次冇咩心得分享...... 純粹打卡練功，練功呢個環節好重要，好多時拍攝最佳機會，時機稍瞬即逝，如果能夠熟練相機操作或setting ，咁樣會大大提升成功率。影閃電機會唔係成日有，有未必把握得到，有時你行山出咗街，但係個地點唔適合，冇瓦遮頭，你根本冇機會影，所以有得影就影下，呢啲嘢真係冇得強求！除非一早有心捕捉，如果唔係最終都係睇人啲相葡萄，做葡萄撚xD
希望黎緊有機會或者有mood分享其他野，老鏡、新鏡頭又好，日常遇上大景出動經歷又好～唔知下次幾時，會遇咩大景又可以成個故仔咁呢^.^v
歡迎加ig交流！
instagram: andrewncy.images
