Fever 達人文章分類

大嶼山籮箕灣露營推介!

dcf-travel-img-37052

大嶼山籮箕灣露營

位於大嶼山嘅露營地點都有唔少,但係籮箕灣營地係我去過咁多個營地之中CP值最高嘅Campsite!

沙灘位於東面,可以影到沙灘日出嘅靚相!而且露營地點都唔算多人去,今次旅程只遇到3位鄰居.

如果想感受下世外桃源,我諗大嶼山籮箕灣都係一個唔錯嘅選擇!

籮箕灣營地一啲都唔難去

只要喺東涌巴士總站乘搭11號巴士,喺水口村站落車,再行20-25分鐘路程就到達!

而行入去嘅路程一啲都唔辛苦,都只係一條行車路,去到露營地點嘅入口要行7分鐘樓梯,就會到達籮箕灣沙灘.

營地設施齊全

有旱廁、燒烤爐、檯、櫈、污水穴、晾衫架,但要注意嘅係,營地裏面嘅水源係由營地附近溪澗提供.如果介意用溪澗水,就要自備食用水.

dcf-travel-img-37027

喺東涌乘搭11號巴士,去到水口村落車,沿着地圖行就會到.

dcf-travel-img-37023

落車後,回望巴士站

dcf-travel-img-37022

落車後行前一小段,就會遇到籮箕灣營地嘅標示牌,之後轉左入去,就要行20-25分鐘嘅路程.

dcf-travel-img-37021

沿途嘅風景非常之似日本嘅鄉郊地方.

dcf-travel-img-37019

路上可能會遇到啲牛仔,佢哋啲顏色勁似奈良小鹿,我哋就稱佢哋為香港奈良牛.

dcf-travel-img-37020

牛本身唔會主動攻擊人,但行過嗰陣時都要小心啲,路邊有隻牛趴咗喺度,見到佢好可愛所以影咗呢一張相.

dcf-travel-img-37025

行到去呢個路牌後,就要行7分鐘嘅樓梯啦.

dcf-travel-img-37018

行落去嘅路線非常之清晰,只要一直沿路行就會到達大嶼山籮箕灣營地.

dcf-travel-img-37017

營地嘅沙灘非常之大,但紮營嗰陣時要小心潮汐海水會湧上嚟,所以喺較後嘅位置紮營安全啲!

dcf-travel-img-37016

行到沙灘後,因為前邊有一條河流,唔可以直接行過,所以要轉右邊繼續行.

dcf-travel-img-37015

呢一條路就可以避免落水行過去沙灘.

dcf-travel-img-37012

沿路會有一個水龍頭,呢一個就係營地唯一嘅溪澗水源,要洗餐具洗食物就係呢度.

dcf-travel-img-37011

經過營地水源後,就到達了營地,大家可以揀一個心儀嘅位置紮營.

dcf-travel-img-37028dcf-travel-img-37029

同朋友打邊爐飲啤酒

dcf-travel-img-37004

呢一晚非常之好天,雖然冇銀河影,但仍然可以見到好多星星.

dcf-travel-img-37006

接近日出時間,景色非常之迷人.

dcf-travel-img-37007

營地裏嘅唯一鄰居.

dcf-travel-img-37008

不斷嘗試構圖,等待日出嘅來臨.

dcf-travel-img-37009

終於日出了,呢一個係我今年第一個清天日出.

dcf-travel-img-37003

九唔搭八嘅姿勢.

dcf-travel-img-37002

 大嶼山籮箕灣全景圖,營地位於鳳凰山前面,用航拍影相可以影到鳳凰山喺背後襯托.

總結:

大嶼山籮箕灣營地設施齊,全方便到達適合初次體驗露營人士,而且風景又靚,同一班朋友一齊去呢度露營係一個唔錯嘅選擇!

 

如果想睇更多嘅相可以follow

Instagram:gg_dicky0123

 

 

分享感想
DickyWong 的其它文章
大嶼山籮箕灣露營推介! DickyWong .11 月 6 日 大嶼山籮箕灣露營 位於大嶼山嘅露營地點都有唔少,但係籮箕灣營地係我去過咁多個營地之中CP值最高嘅Campsite! 沙灘位於東面,可以影到沙灘日出嘅靚相!而且露營地點都唔算多人去,今次旅程只遇到3位鄰居. 如果想感... (繼續閱讀)
Gopro RAW! DickyWong .10 月 22 日 GoproRAW Gopro係一部運動相機 無錯 雖然運動相機主打係拍片為主 但其實佢都係一部超廣角相機 係gopro 6身上仲有得影raw檔 即係在調色上面 有更大的可動空間 我係一個又拍片又影相而又無乜錢嘅人黎講 當然唔會為... (繼續閱讀)
飛越東博寮海峽 嘗試「拉距」的味道! DickyWong [飛越東博寮海峽] 「拉距」這個詞匯在航拍的角度是帶給人挑戰,自由,成功的感覺 但同時又帶給人擔憂的感覺 例如航拍機失聯,機器故障,圖傳失效 如何做到安全地「拉距」 就是要避開較容易受訊號干擾的地方 : 市... (繼續閱讀)
編輯推薦
我的航式自拍 DickyWong 航拍機近年發展成熟,有部分的購入門檻也降低了。當擁有相同器材時,我們又如何可拍出具備個人風格的空中照片呢?答案就是要加入一個獨特的元素---自己 (哈!)今天的主題是「航式自拍」,顧名思義就是利用航拍機來... (繼續閱讀)
編輯推薦
台灣澎湖[頂級浮潛之旅] 旅後分享 DickyWong 台灣澎湖[頂級浮潛之旅] 旅後分享     過往我去台灣都只是行夜市大街,今次澎湖之旅對我來說,是一個全新的體驗。 我人生第一次浮潛要獻給澎湖了,這次初體驗可說是我人生最棒的體驗之一。 事不宜遲,馬上... (繼續閱讀)