大嶼山籮箕灣露營
位於大嶼山嘅露營地點都有唔少,但係籮箕灣營地係我去過咁多個營地之中CP值最高嘅Campsite!
沙灘位於東面,可以影到沙灘日出嘅靚相!而且露營地點都唔算多人去,今次旅程只遇到3位鄰居.
如果想感受下世外桃源,我諗大嶼山籮箕灣都係一個唔錯嘅選擇!
籮箕灣營地一啲都唔難去
只要喺東涌巴士總站乘搭11號巴士,喺水口村站落車,再行20-25分鐘路程就到達!
而行入去嘅路程一啲都唔辛苦,都只係一條行車路,去到露營地點嘅入口要行7分鐘樓梯,就會到達籮箕灣沙灘.
營地設施齊全
有旱廁、燒烤爐、檯、櫈、污水穴、晾衫架,但要注意嘅係,營地裏面嘅水源係由營地附近溪澗提供.如果介意用溪澗水,就要自備食用水.
喺東涌乘搭11號巴士,去到水口村落車,沿着地圖行就會到.
落車後,回望巴士站
落車後行前一小段,就會遇到籮箕灣營地嘅標示牌,之後轉左入去,就要行20-25分鐘嘅路程.
沿途嘅風景非常之似日本嘅鄉郊地方.
路上可能會遇到啲牛仔,佢哋啲顏色勁似奈良小鹿,我哋就稱佢哋為香港奈良牛.
牛本身唔會主動攻擊人,但行過嗰陣時都要小心啲,路邊有隻牛趴咗喺度,見到佢好可愛所以影咗呢一張相.
行到去呢個路牌後,就要行7分鐘嘅樓梯啦.
行落去嘅路線非常之清晰,只要一直沿路行就會到達大嶼山籮箕灣營地.
營地嘅沙灘非常之大,但紮營嗰陣時要小心潮汐海水會湧上嚟,所以喺較後嘅位置紮營安全啲!
行到沙灘後,因為前邊有一條河流,唔可以直接行過,所以要轉右邊繼續行.
呢一條路就可以避免落水行過去沙灘.
沿路會有一個水龍頭,呢一個就係營地唯一嘅溪澗水源,要洗餐具洗食物就係呢度.
經過營地水源後,就到達了營地,大家可以揀一個心儀嘅位置紮營.
同朋友打邊爐飲啤酒
呢一晚非常之好天,雖然冇銀河影,但仍然可以見到好多星星.
接近日出時間,景色非常之迷人.
營地裏嘅唯一鄰居.
不斷嘗試構圖,等待日出嘅來臨.
終於日出了,呢一個係我今年第一個清天日出.
九唔搭八嘅姿勢.
大嶼山籮箕灣全景圖,營地位於鳳凰山前面,用航拍影相可以影到鳳凰山喺背後襯托.
總結:
大嶼山籮箕灣營地設施齊,全方便到達適合初次體驗露營人士,而且風景又靚,同一班朋友一齊去呢度露營係一個唔錯嘅選擇!
如果想睇更多嘅相可以follow
Instagram:gg_dicky0123
