優點:
利, 平, 手感好 夠扎實, 日本做, 奶油散景
評價:
一直想買支微距, 係龍仔支90 2.8 (舊型號)同呢支之間選擇而兩支價錢都係2500蚊左右, 最後選左龍仔 因有本身有50mm定焦所以買龍仔可以當90mm定焦用一雞兩食, 之後走去張無忌試鏡, 點知一試發現只龍仔攞上手好似就散就散甘, 再攞自己部機拍張微距相, 嘩!! 走焦 紫邊 樣樣齊, 再加上 全焦同限焦 個制又卡住, 見到以上甘嘅情況, 我相信各位都唔會比錢啦, 2500蚊左右就只有支自家支60 2.8, 又心灰灰走去 so寧 試下啦, 點支玩完有驚喜喔, 我就同個售貨員講: " 先生你支野好利喔 攞上手好扎實好有手感" 感覺非常喜歡, 最後當然比錢打單攞走啦, 廢話講完 下面小評支野
如果你接受到鏡身冇摩打對焦嘈左啲, 我建議各位買呢支鏡, 而喜歡玩淺景深嘅朋友, 我更加強硬推介, 先講實用性, 行過見到花花草草 同啲花草微距一下又得, 見到個景靚 影下風景又得, 同女王出街60mm 當人像鏡用又得, 仲要啲散景有奶油嘅感覺, 手上啲金圈都冇呢啲效果, 二線性更加絕不嚴重, 影完女王都比個讚, 而當收晒光圈之後 中心到邊位都好利, 雖然呢支唔係鏡王 但啲相絕對比到你鏡王嘅感覺, 啲相仲有舊鏡先至比到你個種冇味精很柔嘅感覺, 呢支可以係話萬用鏡, 有興趣嘅朋友 如果見到就快買啦, 因我上nikon個官網想睇下支鏡嘅介紹時, 竟然唔見左支野, 唔知係咪停產呢呢!!