優點:
焦段實用,價錢平,遠距變焦鏡中算輕,VRII 強橫,成像上等
缺點:
唔係內部變焦易入塵,手感有改善但外表仍然唔夠型,對焦速度麻麻
評價:
支鏡解像力不俗, 全焦段收到光圈5.6 中央同邊緣成像已經好利,
如果再收會令中央解像力下降, 但邊緣解像力唔會好太多, 所以我最常用光圈都係5.6
而紫邊問題我用落唔覺得好嚴重, 發色比18-55濃
最想講ge係防手震, 其實真係有明顯分別, 我係室內光圈5.6, 快門可以去到1/15秒, 每5張都有4張中, 我覺得呢個價錢相當合理
對焦速度亦都唔算慢, 雖然比18-55 同 50 1.8 慢, 但通常半秒都會對到焦, 迷焦情況亦唔係太常見, 當然唔好計對成大片白色同黑色
整體除左膠感重, 其實咁ge價錢都無咩投訴
題外話, 以D7000追了半天蝴蝶蜜蜂,發覺機動性超高,VRII加持配安全快門日光日白唔會出事,推快幾級更加絕對無敵。不過對焦速度不算快。
而由於夠輕,夠細枝,一般出街帶埋去都唔成問題。唯一問題係唔夠型。
於是手癢買埋呢枝,試落手感扎實左,整體成像更進一步,入門遠攝好,還是為了方便都好,都唔會買錯既一枝。