Sigma 12-24mm F4.5-5.6 II DG HSM（已停產）

12mm =122度
外觀幾靚仔,沒有以前sigma 皮的手感 ,金屬鏡身唔錯
平(5千左右可以入手二手)

不能用filter
6光圈葉星芒唔靚
4.5-5.6光圈規格而言, 略覺重
(什麼光圈細之類不會講,因大光圈不會是這價和重量)

(CANON)

用過17-40L
用緊16-35L II
再入呢支
為什麼重疊這麼多也會買呢? 因為多成20度視角..差好遠
為什麼KEEP16-35呢, 因為16-35 平時常用更多,加之2.8光圈好好用,而且可用ND FILTER , 風景相構圖好好多

比較色彩, 看唔出差,跟16-35比,輸了圓形光圈葉
要收到F8以上才開始有''利''的感覺
背光影也易出光斑
變形上 嚴重 ,但收到16MM 又唔差, 同16-35差唔幾
12-24MM 接24-105或24-70 心理上覺得啱啱好 這是優點之一

用了一段時間影風景 12MM 難用,但的確不可取代

如果考慮16-35, 14L, 呢支和17-40 的朋友
我有以下意見 :
如果BUDGET 不多,考慮17-40 或12-24 我覺得呢支好得多 規格,畫質上不差,只是少了條紅線

16-35和呢支2選1 , 就16-35 比較好少少(好少的距離) ,始終2.8光圈和可用FILTER ,令變化大好多 ,而且也更保值和好看 (但以一半價錢來說,呢支PQ 好好多,個人覺得16-35質素唔值一萬),但去到35MM 又比較常用,而且12-24真係要收光圈先用得落

14L 只用過一次 變形控制好好,但太貴 ,同是不能用FILTER ,這個自己決定吧.

我比它5粒星,因為5千蚊有12MM真係好好 原廠也沒有的規格
而且做功完全唔差,外形也好看

對焦準、快，夠wide，外型靚仔，變形控制、成像色彩都控制得很好。

暫時無。

無走焦，用落很滿意，FF機用家平價wide鏡首選。

1)真係好wide好wide!
2)sigma一貫色水,算濃,本人好喜歡
3)雖然望落可以有少少膠..但拎上手好實淨,重過c1635少少
4)成像好 算幾sharp(本人有過c1635同c1740)
5)變形控制得好
6)對焦好靜
7)****呢點好重要**** 係4塊FLD即係4塊螢石級鏡片,翻查左SIGMA世界各地嘅官網資料,呢枝鏡係有4塊螢石級鏡片,肥花個網D資料係錯的,詳細規格應該係: 3塊非球面鏡+一塊SLD低色散鏡片+4塊螢石級低色散鏡片...所以質素好有保證
官網:http://www.sigma-photo.co.jp/english/lens/wide/12_24_45_56/#/specification

1)C兄講過...落唔到filter..冇計 太wide
2)光圈細..比起原廠c1635...但影風景我覺得絕對冇問題
3)唔係防塵防水

之前都係睇人寫,今次係第一次寫心得,其實主要都係發表下少少用後感,算唔上係咩心得‧我用開5D3同1D4,睇左好耐想入呢枝鏡但唔知點解冇咩人用..可能係俾個前組鏡片嚇親,加唔到filter‧
主要想講係,用左兩個月,呢枝鏡絕對唔失禮,4塊螢石,成像同質素都有保證, 買之前去睇過d外國評測同睇MTF圖都證實左,用16mm至24mm個焦段來比較,呢枝同EF1635 2.8L嘅解像力係不相上下,我自己用落比較都覺得近符係平起平坐,無論係色水同成像方面,個人覺得1740都係比唔上呢枝‧如果同1635比較,呢枝最大嘅缺點就係加唔到filter同唔係防塵防水...色水方面呢枝可能會濃過1635L
用落1D4,都仲有15.6mm-31.2mm 依然係超廣角,用落5D3...雖然又係師兄講過..但真係不得不提...12mm果種wide angle同透視感,真係唔係1635或者1740做得到...成日都話差1mm就係1mm,,何況而家係差4mm,而呢4mm唔係話你行後兩步同行前兩步就可以彌補到‧
如果係影風景 呢個光圈我覺得係絕對無問題,反正都係落腳架,1635L嘅2.8光圈多一個用途就係運用超廣角來影人或物嘅時候可以做到比較淺嘅景深,就係咁多‧
呢枝1224,落唔到filter,所以要小心d用...不過其實正常來講,就算拎1740或者1635都唔會拎去碰碰撞撞,所以其實問題唔大...加上sigma自家色水,唔落CPL影個天都好藍d色都夠厚夠濃,所以filter方面唔係問題‧
紅圈,可能係好多人嘅考慮因素,個個人都會有虛榮感,好正常...但個人覺得如果為虛榮感而決定揀咩機咩鏡去影相嘅話有點侮辱攝影,呢枝鏡係無紅圈 比唔到虛榮感你,但佢點都唔會差得過1635,甚至係好過1740好多‧價錢只係6千頭,我用[只係]呢兩隻字唔係因為佢好平,而家因為佢好抵,如果係要用6千蚊 我都一定會揀呢枝唔揀1740,因為真係唔同級數‧
寫呢篇用後感分享,其實係想俾少少信心d想買又落唔到手嘅師兄,呢枝 有買貴有買遲 但一定無買錯,質素完全冇問題,睇MTF同鏡片用料都見到有保證...試問3塊非球,1塊低色散加多4塊螢石..邊間廠俾到你..仲要係呢個價位...所以真係冇乜可以批評‧

靜 SSM 無聲，對焦無乜走樣~
外形美觀，內對焦，不易入塵
拍攝外景不失禮，影人，影花及影景都得~色彩自然~
造工精美、前部份是金屬~鏡身是膠質料但幾扎實~十分實在。
FF變焦鏡12mm只此一家，收到F5.6 已經滿意~F4.5很銳利
成像非常好，色水一流
AF/MF 選擇方式~方便
4 塊 SLD 超低色散鏡片及2 塊 FLD 螢石級低色散鏡片~減低多餘光線及令光線更集中不會散開~強!

對焦時…亦會迷焦，在天空時，想拍雲海或太陽時會出現，不過機會率十分低(2%)
拍夜景太黑的地方亦會，要改用定點對焦才改善。
光圈不夠，這是先天問題。
用不到FILTER , 即使加了~在16MM 以上才沒有黑角問題~!~要小心使用!
不是EX 系列

用了2個月感覺，不錯!~ 性能方面風景，夜景，人像有不錯的表現，色彩自然、銳利。
這鏡頭亦有牌性，差不多每天要帶出街周圍拍攝練習，試足一個月才開始了解他脾性。
拍天空時，要調整設定~收細光圈~效果十分滿意!有時要塑造效果~選用CPL鏡去減少多餘光線，但要16MM才可以除去黑角~有少少可惜!
12MM~基本你是不想調較距離~影風景時，好廣闊!要親身感受才知道~!(看看本人的作品!)

拍夜景是對他十分有信心~F4.5全開~顏色自然~光圈收細一些~銳利~而且是內對焦，不怕比雨水滴，選它的原因是他的螢石級低色散鏡片，試過3支全景鏡頭~Tamron SP AF17-35mm, Sigma 12-24mm F4.5-5.6 II DG HSM, Sony α 蔡司 SAL1635ZA 16-35mm f/2.8~最終選了它~因12mm的廣角是最吸引的地方。
Sony α 蔡司 SAL1635ZA 16-35mm f/2.8~效果靚但新價過貴~所以沒有選擇他!
Tamron SP AF17-35mm 距離不夠廣闊~而且已出了一段時間!!

Sigma 12-24mm F4.5-5.6 II DG HSM 約$6200，亦算合理。本人現在用APS-C 機12~24焦距=18~36MM~這個距離足夠給我拍攝~風景，人像，他外型、美觀、質感十分不錯。FF鏡是我現在選擇的方向~正等待SONY 的FF機~所以找了這支鏡作試驗，當日試鏡時已比他扎實質感吸引，而且拍攝人像，風景絕不會差~應該說好好~!
除非再出新版~相信這幾年都依靠它!!

- 12mm只此一家，nikon也只比到你14mm，廣角上2mm差別好大
- FF機上12mm帶比你既感覺，非筆墨所能形容
- 變型控制以12mm黎講係好好
- 黑角控制都唔錯，同埋如果影景收細光圈更加無問題
- 對焦快
- 我果支對焦都準，暫時未發現有走焦情況
- 收細少少光圈已經好利 (雖然最大光圈都係得f/4.5)
- 比舊版多左塊FLD lens
- 少於6K價錢，超值，貴多2K我都覺得值

- 非恆定光圈
- 光圈細 (影景多的話問題不大，而且FF機可用iso補救)
- 鏡身感覺很膠，但唔會有其他sigma鏡甩皮既情況
- 實際上無得(理論上都可以有，睇用後感)加filter，用要好小心
- 眩光幾勁下
- 只得6塊光圈葉

一直想買支wide鏡，nikon 1635, 1735又唔係好wide，仲要升到近一萬既價錢，14-24又太貴，後來知道sigma支12-24會出新版，所以等佢出左睇幾錢，一問之下，唔洗6k，即刻買左..

即晚去試影，12mm所帶比你既透視感，實在會令你即時愛上呢支鏡，同行友人一試之下都已經即時中毒
我全晚都只係用12mm黎影，之前聽人講上一代當12mm定焦黎用，今日終於知點解，因為你係唔會想zoom in!

鏡頭蓋係兩件的，一個圓桶形，加一塊一般既lens cap，所以理論上可以加filter (82mm)，但要去到20mm以上先唔會有黑角。所以實際上，你係唔會加filter....

雖然都有上列既缺點，但佢既單單以佢既wide angle已經值回票價，如果真係要大光圈，又有錢既話就用14-24啦....
呢個價錢買到目前世上最wide (non fish-eye)既鏡，仲點會有任何挑剔?!


雖然無原廠鏡既高級技術，但係呢支鏡絕對可以稱上wide鏡王


我profile有我相簿既link，可以睇我琴晚影既相

DCfever 現貨供應?

DCfever 現貨供應??

DCfever 現貨供應???