Canon EF 35mm f/2 IS USM

實拍照片

配搭6D，重量適中，平衡感好
畫質不俗
有IS，拍片有用
對焦速度快

遮光罩要另購，好貴，問過好多店舖，只有CANON陳列室有售，仲要曾經斷市...

想購買一支大光圈鏡頭
鎖定了35mm
因為我多數影人加景
我知道很多人會建議購買sigma
不過以往曾經用過
色水總覺得偏濃
而且較為重

現時購買這一枝
一機一鏡拎出街很方便
配合6D的中間對焦點
在暗位對焦也很快
而且有IS
慢快門及拍片也很有用

建議：
配合遮光罩使用
外形上變得好看多了

輕巧，配6D重量平衡
USM對焦快、靜、準
有FTM，IS防震(拍片非常有用)
鏡身造功扎實
內對焦設計，盡可能減少入塵

零售價偏貴($61XX)
冇遮光罩、鏡袋送
f/2時暗角幾勁下，廠方未推出修正(快手d啦)

入手6D後著手計劃買自己第一支鏡頭，皆因35MM呢個焦距在玩菲林相機時就愛上，所以同自己講...上全片幅數碼單反後就一定會入35MM黎玩！
開始時鎖定S 35.4，但那個所謂抵玩價到我去問時已水漲船高，升至接近7K，加上又懶得再行，於是多口問下Sales哥哥呢支新版35MM f/2...問完個價時都覺得可以接受($61XX)，就算配埋Filter都仲平過S 35.4(當時黎計)，都係果句...攝影產品無話貴唔貴、抵唔抵，係睇自己消費能力及個人喜好而去投資。無錯...光圈係細d，但重量上又輕左接近一半，而且又多了IS(由於間中會有拍片需要，所以覺得IS好實用) 取捨下還是以後者理由選擇了Canon。另外要彈既就係配件好貴，以前用M4/3時買幾支鏡(P記)都有送遮光罩、鏡袋，但估唔到上全片幅後買第一支鏡會乜都無! 問過幾間大舖頭都無入EW-72呢款遮光罩賣(諗番都覺得幾好笑)，最後有一次上陳列室換Tote Bag時多口問下有無得賣...竟然有喎，但索價四百大元！唉...算啦，鬼叫自己咁鍾意支鏡，於是多手買埋，惟有俾心機用呢個組合影多d靚相，等自己心理平衡下~.~

－有IS防震
－全開都ok，光圈收到2.5就已經好Sharp
－對焦快狠準
－用USM AF靜左好多
－鏡身用左磨沙，靚好多，手感都好左好多

－貴！價錢同質素唔成正比
－香港買無送Hood，要另配！
－最大光圈得f/2(不過算啦，f/2可食用，好過f/1.8收到f/4至sharp)

35mm f/2 IS USM 同上一支(Canon EF 35mm f/2)相比，幾乎改善曬上代既缺點，有USM，有防震，影出來既質素都好左好多好多，鏡身又加左磨沙，渣上手無咁膠。

雖然呢支鏡比上一代好一倍有多，但係價錢卻係舊版既三倍，接近七千銀！(上版賣二千咋)我覺得呢支鏡真係唔值六千。貴都唔係問題，我比成七千蚊買支鏡返來，竟然無遮光罩送！？個遮光罩你都係賣四舊水，貴極成本咪又係一舊水。大拿拿七千銀買支鏡，送埋比我都唔係過份姐，點解連個遮光罩都要慳？

有興趣入呢支鏡既朋友，我建議你地儲多d錢，比多二千蚊買支二手35 f/1.4L，質素起馬同個價錢成正比。光圈大d，sharp d，層次又好d，加上有個紅圈，淨係個股虛榮感都值回票價啦！
之於窮既朋友，我建議你地買舊版就算喇，平平地二千蚊都夠玩，留返d錢買其他鏡仲好，唔好晒錢落呢支鏡到。

快,準,利,輕.

唔係紅圈,滿足唔到虛榮感,其它暫時無.

在國內買比香港平送原廠Hood,比上一代各方面都有很大的進步.

用在ff上唔覺有黑角(我錯了)
在日間試清楚時f2有黑角，但2.5已經極不明顯
輕
對焦真係快，而且好好好靜
成像夠sharp
散影靚
Size唔算太大，冇禁嚇人

冇hood要另外買
都係算貴既
F2時影像唔夠實

好多人會覺得同舊個枝比，真係唔係好值，但我反而覺得佢解決咗好多舊版既問題(黑角尤其在ff上，散影五角，對焦嘈，冇防震，全開唔得等…) 之前如果我要解決呢d問題我可能要玩1.4，但依家一半錢便可以了，當然光圈冇咗一級，我也試過f2的成像了，比我預期中好，所以，作為5d用家的我決定了玩呢枝鏡。