”神鏡”～～果然名不虛傳～～！

不論銳利度．色彩飽和度．影像層次．．．．等等～～都是頂級之作～～！

在大光圈下的散景～～更是一絕～～！

對焦距離夠近～～即使拍特寫都不會有問題～～！

可能都算是”年幾大”了～～沒有為”數碼專用”的特別處理～～所以在大光圈下仍有明顯紫邊～～！

而且．．．．挺貴呢～～！*~*

令人一試難忘的鏡頭～～

拍出來的照片～～不需要後製都已經有很好的表現～～

但24mm及小白．．．等等～～都已經有第二代推出了～～看來這”神鏡”的後代出現～～都不會是很久之後的事～～！

1. 畫質，立體感，顏色濃，一流
2. USM對焦系統，快，準
3. 1.4大光圈，景深效果出色，迷幻一般
4. 定焦L鏡就係定焦L 品質保證
5.大光圈1.4-1.8依然可用
6.輕便

驚佢好快會出MKII...（
無防水防塵
如果價錢再平D就更無缺點

其他不多講，色水，比其他L變焦鏡好，
用係5D2 上真係念唔到有乜缺點
高ISO 同大光圈。機本上室內都唔用閃
影出來既色水。比24﹣105 ，16﹣35，重要好

有買貴，一定無買錯

1. 畫質、立體感一流
2. USM對焦系統好快
3. 1.4大光圈，淺景深效果出眾
4. L鏡品質保證

1. 年紀大，好多野都係時候要更新： a) 防塵防水滴
b) SWC塗層
c) 圈形光圈

我支鏡係今年5月買既，首先講下點解我會買呢支鏡啦~
我之前用400D果陣，已經成日聽ching話支35L好毒，果時有未有咁既財力，所以買左支35 f/2玩下先!!! 用400D果陣，自己覺得支10-22影出來既野已經好靚，但自從買左35 f/2之後，就已經深深被定焦吸引住~
今年5月中，我上左5D MarkII，果時35L未有貨，而自己又有支35 f/2用，所以上網買左支二手EF 50 1.4玩下，所以當時我只係用住35同埋50!!! 試過50 1.4之後，我覺得35 f/2除左對焦係嘈d之外，論影像一定係35 f/2會sharp d、色靚d!!!
去到5月尾左右，35L終於返貨，我試支鏡果陣，影完第一張相，睇返張相，第一時間"嘩"左一聲，因為之前聽d ching話無敵兔 + 35L係畫質王，到我e家有機會試先相信原來真係會有咁靚既畫質!!!!
返到屋企同35 f/2做比試，真係好大分別!!!俾多咁多錢買支L真係有咁既質素比返你!!! 就算setting完全一樣，35L無論立體感、顏色、對比都係比35 f/2優勝得多~之後我支35f/2同埋支50 1.4都賣左俾人~
不過上次去旅行果陣，落住好微雨，但係去得旅行，就算落雨點都要有交代影返2幅，果時我發覺防塵防水滴係好重要的......
講到呢度，我都差唔多講晒我要講既野，最後講埋呢句，買之前真係要試清楚d咩野先係岩自己心水，因為自從我買左35L之後，一直都後悔點解唔買24L II，因為我發覺24mm + 50MM用喺FF先係最完美既組合!!! 雖然35L係好好用，但係24 + 50更好用~不過其實我又唔可以咁講既，話晒35L係一支鏡，24 + 50係兩支鏡，一支鏡始終方便d~
所以用FF而又鍾意35呢個距離既朋友，千萬唔好錯過呢支好野!!!

35mm 係呢支鏡都傻勝既一點
因為以定焦鏡黎講, 35mm (FF計)既機動性的確係好方面
由其是係影室內,全身相都無問題
絕對係snapshot第一選擇
大光圈同對焦速度都令人滿意
外形同遮光罩都一樣甘討好

基本上係無咩缺點
要講既都係無防塵防水條膠邊

買鏡之前自己係50L同35L之間掙扎好多耐
最後都係先買50L,後買35L

35L配FF係有限既空間真係無敵
對鐘意食飯時影食物+人相時
只要坐係對面就已經輕鬆影到 (50L+FF係岩岩影唔到 = =")

不過影大頭相好似有少少變形(好似咋...真係唔肯定)
好輕鬆就影橫度既全身相, 不過即使開盡1.4, 散景都唔係好顯著
但影半身相時,散景就好恰當

由於焦段wide左
所以影人帶景都要多少少時間掌握

以 35L, 50L, 85L, 135L 黎講
35L 同 50L 係最常用
係無隨手影咩都好方便

而 85L 同 135L 影相既方便性無甘大
突然興起想影碟菜都要企起身先對焦到
當然呢兩支鏡影人真係好得

如果好似我呢類懶得退後幾步影相既人
35L 同 50L 都係不二之選

如果真係要二選一的話
我都唔識選
所以最後兩枝都買齊

1. 貴 ! 但貴得值, 即係掂 !
2. 大光圈, 玩唔到 f1.2, 買支 f1.4 !
3. 光學質素高, 全開已好好, 收至 f1.8 堅, f2.2 好堅 !
4. 對焦快, 準, 無冷場 !
5. 色靚, 濃, o岩口味 !

真係諗唔到 .......

小弟用 EOS 3 + 40D, 亦有 EF28/1.8, 已將 EF28/1.8 放入防潮箱,
可能有人會覺得呢支配 1.6X 機唔夠 WIDE, 我真係唔覺 !
四個字形容 : 物超所值 !

1. F/1.4超大光圈L鏡
2. 35mm好用snap shot焦距
3. 輕便....雖然係大光圈加上L
4. 大光圈1.4-1.8依然可用
5. 色彩好艷麗，成象2.0以上四角都好sharp

1. 都係驚佢好快會出MKII...（但若然出MKII，價錢相信會再高15-20%）
2. 未有近期L鏡的新coating好似24/1.4MKII咁（當大光圈下對比光源高的環境會有紫邊）
3. 如果價錢再平D就更perfect（可恨自已買得遲！早期入了的師兄就開心啦，近來D鏡因金融海嘯狂升）...... 唯有影多d 靚相補數！
4.無防水防塵，但對於我又不覺得問題十分大！
5, 真係好難再找到缺點！

本人就是同5D mkII一齊買入的第一枝L鏡，各師兄講得好正確，如有FF機又唔滿意zoom鏡的成象，咁哩一支係定焦中的首選，有進可攻、退可守的35mm焦距，又係夜鷹眼大光圈F1.4，加上機動性高（好輕便！），對焦反應好快，好靜，雖然焦外散景不及鏡皇85/1.2L奶油，但可用性更高，影人又得，景又得，人加景都無問題！之前孝慮了一段時間，應撰50/1.2 或 35/1.4，睇完好多review and comments之後，最終決定就係佢，完全無後悔，唯一要買佢都唔容易，經常無貨，比50/1.2更小貨源，固有心想買的兄弟見有就買吧！C記的三大定焦L鏡：85/1.2, 35/1.4, 135/2是玩定焦不可缺的好貨色，唔信可睇下好多外國網對哩三兄弟的評分好高！只有買貴無買錯，論價錢係三者之中間.....（但論用途就係三者之冠）...自已亦係三支中最經常用的！若出街只可帶一支鏡，一定係非佢莫屬！

1. f/1.4特大光圈, 現役原廠鏡頭第二大光圈.
2. 35mm焦距. 比50mm wide少少, 但又比24mm更易掌握和適合日常使用.
3. USM+內對焦設計, 又快又準又寧靜.
4. 開盡光圈時, 失光和暗角自然, 由中心點慢慢暗下去, 個人喜歡.
5. 收少少光圈, f/2 or 2.8, 成像既sharp但依然擁有淺景深.
6. 定焦L鏡入面算便宜, 印象中除135L外就是35L了
7. 一貫L鏡的質素, 由外在的操縱手感到內在的成像發色.
8. 遮光罩好看. 起碼比50mm的碗更吸引. v_v"

1. 35mm焦距, 基本上除小白系列外, 所有變焦鏡都包含35mm, 例如16-35, 17-40, 17-55, 17-85, 24-27, 24-105....etc. 那種"需要"的感覺減低好多.
2. 年紀始終比較大, 難免擔心年內會出第二代, 二手價會下挫. 換鏡多人的要考慮.
3. 又係因為年紀大, 沒配上新L鏡擁有的防塵防滴, 下雨下雪多塵多沙的地方時, 未能放心使用.

先對於下面的charszaku 的感受非常的認同, 他的簡潔的用後感係我入手的推動力之一. 我都想copy一次講多次, "用FF (5D / 5D II) 的朋友真的千萬不要錯過這枝 35L，肯定不會後悔。肯定Canon 定焦首選！"

配上我的5Dmk2, 成為個人最愛的一機一鏡配搭.
定焦L鏡完全發揮5Dmk2的解像力和對焦能力. 既然有心由變焦改用定焦, 要用就用更好. 要不然由L變焦改用低階的定焦產品, 未必顯出最大的分別反而失去了對定焦的信任. 好的定焦鏡, 例如此鏡, 就可以把用家由變焦的方便, 改愛上定焦的銳利, 大光圈和成像等等.
35mm焦距在FF機上顯得進可更又退可守, 少了50mm的退無可退或24mm的誇張感. 日常snapshot隨身帶隨手影好適合. 例如朋友間食飯, 不能再退的環境就需要比50mm wide的35mm. 而燈光不足但又不想or不能使用閃燈, 那大光圈和高ISO正正係你的最佳拍擋, 同時比閃燈更能保持現場氣氛.
買之前花時間看人家的心得, 不約而同的在別的網上論壇都看到, 各用家對此鏡的推薦. 比起50L久不久有人講的焦點問題, 35L好明顯得到大家的歡心. 使用後亦不得不同意大家對35L的好評.
除了價錢和快出第二代外, 入手此鏡應該無別的顧慮了. 如果可以, 買之前問人借到此鏡, 帶去迪士尼玩一日, 晚上出市區食一餐飯, 再到星光大道走一轉, 應該就愛上這35L了.

最後想到有人說, 35L是Canon當年和Nikon爭奪市埸的神兵之一, 使用後覺得可信成分都好高.

Fast focus
Very well built
Sharp, good contrast, balance and sweet colour
1.4 good bokeh

$$$
Weather sealing would be great

Once you learn how to frame 35mm view, it gives you very creative room to shoot beautiful photos. Optical quality is just supreme. Highly recommend if you serious in photography!

對焦快爽，影像極銳利，色水超正！(保證無誇張)
全開光圈都相當sharp，收到 f2.8 已經可以"殺人"了.... 漂亮的淺景深令人感動。
用在40D時已經非常出色，在顏色方面，比 Sigma f1.4 EX 還要好一點。
(Sigma f1.4 EX 本身已經是極好的鏡頭，小弟常用。:-))
今時今日用在 5D II 上更是正到不得了，原來40D真的未有完全發揮此鏡的功力。
現在此鏡長插 5D II 上，利器配神兵，用過就知何謂"愛不釋手"！

沒有防塵防水滴設計。
全開光圈有輕微紫邊 (不過收到 f2.0 就完全不見了 ..)
72mm 口徑，不能與其他 "常規" 77mm L鏡 共用 CPL。

用FF (5D / 5D II) 的朋友真的千萬不要錯過這枝 35L，肯定不會後悔。
肯定Canon 定焦首選！
相比 50L，這枝拍到滿意作品的機會高得多；
相比 85L，這枝的價位平得多，對焦速度也快得多；
相比 135L，這枝的焦距易用得多，手振累事的情況也少好多。

1. 當然是此鏡的最大賣點：f1.4，是漆黑中的「閃燈」代用品。
2. 35mm用於FF時超好用，進可攻，退可守。
3. 銳利度，反差，色彩都非常出色。
4. L鏡的一貫水準，快靚正。

若金錢不是問題的話，便沒有任何缺點。

若一生中只可以買一支定焦鏡的話，這一定是我的不二之選。