太空屋到底有幾離地？這間全球獨一無二的太空屋，真真正正「好離地」，因為整間屋離地 12 尺，而且由三個「太空艙」組成。起一間要幾錢？真係好離地，因為根本無公開過。
這間由 Noem 建築公司興建的「太空屋」，由三個獨立太空艙組成，佔地 1,033 平方尺，用了 8 星期設計、5 星期製作各模組及 10 日組合而成。太空屋分成三個主要獨立艙，分別有屋住室、廚房及廁所。外觀的確好科幻，到底有幾先進？原來屋內由原木組成，外殼為金屬制，中間包覆羊毛隔熱，而每個獨立艙有氣密設計，配合熱回收通氣系統，可以減少 75% 的熱力損耗。
這間太空屋最先進的地方，是整間屋由智能系統管理，在屋內不同位置安裝有 iPad，用來操作如屋內溫度調節、燈光，甚至保安系統，而且大門會在屋主返家時自動開啟，連鎖匙都不用帶。為了增加太空船的感覺，屋主要建築公司採用真正的用航機的樓梯。你都想要一間？在香港，有錢都未必得，因為先要解決土地問題呢。
