文︰本香猛
在香港，買《百獸王》（亞視播映時叫《金剛戰神》）玩具從來可遇不可求，一來舊日版 POPY 合金早已被炒上太空，二來版權手握在美國公司 Toynami 手中，來港水貨不多，粉絲撲貨自然有難度。早前動漫節時曾有電鍍金屬版 Toynami Q 版百獸王於場內發售，但由於限定只有極少貨，因此不消一會便被玩家掃光。不過，大家又不用葡萄，事關普通版行貨即將於 11 月上市，雖則索價 $1,080，但對於買慣千元全膠宴 Robot 魂的玩具迷來說，這個價「濕濕碎」啦！
 |
| 雙手內藏延伸關節，可以撐大雙手舉劍怒斬。 |
 |
| 「Altimite DX Transforming SD Voltron」Q 版百獸王將於今年11月推出，售 $1,080。 |
 |
| 雖然造形肥大，但已比之前國產老翻作品威武得多。 |
 |
| 關節活動幅度高，單手鋤地扮 Iron Man 都得！ |
 |
| 合體容易，只要摺埋獅子四肢，然後插入正確方向即可。 |
說到《百獸王》這套經典卡通，70、80 後的讀者一定認識，當時連同《六神合體》、《宇宙大帝》等並列最矜貴合金玩具，買到其中一隻也是身份象徵！《百獸王》劇情中，最深刻公認有兩幕，第一當然是 5 隻獅子合體個段，黑獅子從石像爆出，接著海底、熔岩、山洞、森林逐隻獅子跳上天空合體，又型又入腦！另一幕則是靚仔青獅子駕駛員銀貴在第 6 話被殺，雖然最後由公主換乘兼成為固定班底，但有主角犧牲卻打破了以往卡通片故有格局，細路睇完個個勁 Down。
 |
| 獅子頭駕駛艙揭得開，5 隻駕駛員人仔可收納其中。 |
 |
| 跟同廠Toynami的大隻版(左)比較，6.5 吋高 Q 版百獸王當堂變成「細路仔」。 |
 |
 |
| 《百獸王》於 1981 年日本首播，同期還有《金毛獅王》、《六神合體》等經典神作，可說是合體機械人卡通的黃金時代。 |
這款「Altimite DX Transforming SD Voltron」Q 版百獸王，話就話鬼佬玩具，原來設計造型出自本地玩具品牌 Oritoy 團隊手筆，他們以舊化軍事 Feel 的「Acid Rain」系列成名，估不到開發 Q 版玩具也有一手。今次行貨普通版雖然欠缺了電鍍金屬感，但配色一樣跟足原著，風味十足。玩具採用塑料炮製，拎上手質感稍差，不過負重輕了反而扭得更安心，當中紅、青獅子透過尾部接駁膊頭變雙手，並加入延伸關節，更是撐大雙手怒劈也沒有問題。合體則跟足當年卡通設定，粉絲無理由唔識變，在此就不贅述；驚喜反而在駕駛艙門揭得開，大家可把 5 隻駕駛員人仔放入去，如果有心機，仲可以上埋色，同機體襯番一對呢！
 |
 |
 |
 |
 |
 |
 |
