翻轉再翻轉！日本火熱「鐵棒君」

文：本香猛

數近期日本當地火熱玩具，既唔係星戰亦唔係高達，而係一套名為「大車輪！鐵棒君」（大車輪てつぼうくん）嘅體操競技玩具。這套玩具早於 2014 年由 TAKARA TOMY 開發，2015 年初發行，雖然甫推出便贏得日本玩具協会最高榮譽的「日本おもちゃ大賞」，但其實坊間反應一般；直至最近搞笑藝能組合「水果酒」的村上健志成功挑戰，才引發坊間熱烈討論，亦令這玩具突然火熱起來。

「大車輪！鐵棒君」設計並唔複雜，全套玩具由塑膠製成，備有體操選手公仔、單槓架及計分氈三部分，當中單槓架下設有紅黃二掣，黃色掣控制公仔迴轉，而紅色掣則控制公仔與單槓之間的磁力，一按即可中斷磁力令公仔向外飛躍。遊玩時，玩家要控制公仔的迴轉節奏、力度及高度，並在適當時機按下紅色掣才能令人偶完美轉體落地。睇落簡單，事實上時機、節奏及力度極難掌握，唔識玩莫說落地，要令公仔迴轉起來也十分困難。

由於玩具體積不大，家陣唔少日本人都會隨身攜帶與朋友即興對戰，而 TAKARA TOMY 亦定出五大準則讓大家一決高下，包括連續迴轉次數、飛行距離、完美落地次數、每次按鍵迴轉次數及著地距離等，能否取得完美 10 分，就看大家技巧就多熟練啦！

「大車輪！鐵棒君」大熱到上埋電視，玩具界少見！

由於玩法簡單，因此吸引不少外國人買回國挑戰。

為了宣傳，TAKARA TOMY 還請來一班 Coser，於日本街頭扮演玩具內的體操公仔。

「大車輪！鐵棒君」每套售 3,980 日圓，現正發售中。

就是這段由搞笑組合「水果酒」成員「村上健志」拍攝的試玩片，令「大車輪！鐵棒君」突然爆紅！