新聞中心 最新消息

四驅車都可以好慳油:Subaru XV 2.0i-S 試駕!

文、攝:Tony Lam

講真,近年唔少人買車只會睇住個油耗數字嚟揀,細 c.c. 有 Turbo 可謂首選,頭轆尾轆驅動無所謂,總之最緊要慳油!四驅車?仲要無 Turbo?「唔係掛!」相信好多人聽到上述兩點後都即時回應呢三個字,但其實若然我話你知:「係呀,呢架 Subaru XV 四驅車都係行緊每公里 $1 左右咋。」你會唔會都即時心郁郁先?

其實近年 SUV 市場多被歐洲車廠雄霸,全因品牌效應外,其中一個最主要原因當然係引擎選擇。除了大熱 2.0 公升 Turbo 偈外,更有不少 1.4 公升 Turbo 引擎可選,集低油耗而夠力好玩於一身,間接令到日本品牌嘅産品被受冷落,何解?因為現行有售的日本中小型 SUV 多數配上自然吸氣引擎,加上四驅系統後,自然會令人聯想到唔夠力又大食嘅不良錯覺。

但係呢,話分兩頭,雖然歐洲品牌引擎看似有啲優勢,但其實論賣相,我就投日本牌品一票,相較歐洲 SUV 千篇一律嘅設計,日本選手可謂每部都具有鮮明個性,簡單啲嚟講係你一定唔會認錯。就好似今次測試呢部 Subaru XV 為例,揸出街肯定唔會俾人話似邊部邊部,以一身藍撞黑嘅顏色配搭示人,潮味十足,LED 頭尾燈組又俾人一種高級感覺,輪圈都用埋黑銀雙色 Tone,後生仔一定 Buy。

中控台除咗個 8 吋觸控屏外,上面仲有另一個顯示,更支援 Apple CarPlay / Android Auto 資訊娛樂系統及藍牙音訊串流功能。

呢部 Subaru XV 係全新第二代,可能你會以為同舊款差唔多,但頭泵把、頭燈、鬼面罩及尾燈等造型其實完全唔同,造型依舊保持 Sporty 外,亦增添咗一份貴氣,唔信?打開車門睇吓你就明,首先最吸睛嘅,應該非那個中控台 8 吋輕觸式多功能屏幕莫屬,賣相高級之餘,解像度亦相當細緻,觸控反應亦相當好,同你屋企部平板差唔多。不過,最吸引到我嘅其實係個軚盤,直徑恰到好處,握感相當唔錯,設計亦極有豪華車味道,幾乎所有控制都可以喺 3 點同 9 點位置搵到,加埋轉檔撥片,真係可以做到軚不離手,大大增加駕駛時的安全性。

天窗已列為標準配備,唔使另外加錢。
車廂的碳纖紋飾板及高級真板連橙色縫線設計,的確有型討好。
X-Mode 下引擎輸出及四輪抓力會隨著路面情況而自行調校,簡單啲嚟講即係越野時或遇到爛路時可以用。
尾箱空間夠晒用,一次放三四個大喼都無問題。

最後當然要講返個駕駛感,先旨聲名,本人由擁有第一部車至今,買入嘅幾部都係歐洲 Turbo 引擎車,日本車加上無 Turbo 真係平時試車先會接觸到。講真,試車前對於其力量沒有抱好大期望,但當入 D 波俾油一刻開始,Subaru XV 俾我嘅感覺係完全唔覺得唔夠力,雖然相比起 Turbo 引擎那低轉開始便擁出的最大扭力有明顯唔同,但其實自然吸氣的好處就是力量嚟得更漸進,你踩幾多佢就俾幾多,俾你有更好嘅掌握。絕對唔似 Turbo 突如其來發力,但當一收油啲力又跌得好快嘅大上大落個性,操控感一切都係好順滑。除了係無段變速波箱的功勞外,Subaru 晒名嘅水平對向引擎天生就是又靜又靚,怠轉時幾乎沒有任何聲傳入車廂,加上懸掛調校功夫出色,全程駕駛時嘅感覺就係好靜好舒服,有令人置身高級豪華房車嘅感覺。至於後排乘座感,行車時我就試唔到,不過尾排的空間的確好充裕,相信除非閣下身高超過 6 呎先會覺得頂頭頂腳,否則普通身高的人一定無投訴。

引擎方面一直為 Subaru 的強項,其水平對向渦輪增壓引擎更早已稱王稱霸,今次用於 XV 身上的雖然無 Turbo(馬力為 156 匹),但力量及寧靜度依然出色,最重要係可以喺四驅情況下做到每公里 $1 的數字,的確好吸引。

規格表:
引擎:水平對向 4 汽缸
排氣量:1,995 c.c.
最大馬力:156ps/6,000rpm
最大扭力:196Nm/4,000rpm
波箱:Lineartronic CVT 七前速自動波箱
懸掛:前麥花臣、後雙搖臂
傳動:左右平衡式全時間四輪驅動
耗油量:7.0L/100km

售價:HK$279,800

查詢:2828 2488(Motor Image)

最新消息
1 小時前
去年來自國內的 TTArtisan 發表附有微距功能的移軸鏡 Tilt-Shift 100mm F2.8 2X Macro,雖然此鏡功能多多,但是對於不需要移軸及傾角功能作更專業拍... (繼續閱讀)
3 小時前
近日微博上廣傳一條短片,畫面顯示一架無人機懸停在馬術表演場地的上空,疑似想以近距離拍攝表演。據報表演主持人曾多次透過廣播,要求無人機機主停... (繼續閱讀)
6 小時前
無獨有偶,剛剛 Canon 和 Nikon 都分別推出了不同級數,但同樣是 35mm 焦距和 f/1.4 大光圈的鏡頭,這邊廂 7Artisans 又公布要推出一支支援全自動對... (繼續閱讀)
7 小時前
不少朋友都一直希望 Fujifilm 方面會推出 GFX50R 的後繼機種,主要因為她是一部中片幅機種但擁有相對小巧的機身設計,而且整個外形也很復古。不過按... (繼續閱讀)
10 小時前
ACG年度盛事動漫節已舉辦多年,不過今年卻有所不同,事關coser拍攝活動需到指定收費場館,而且coser與攝影師都有名額限制。到底新措施是好是壞?新... (繼續閱讀)
15 小時前
日本某運動雜誌採用了這張相片作為封面照。看男主角眼神凌厲,一臉落腮鬍與旺盛胸毛雖未到兇神惡煞的程度,但流露的霸氣明顯讓人感到位男士絕非等閒... (繼續閱讀)
20 小時前
HONOR 今日在深圳正式發表新一代旗艦摺疊手機 Magic V3。HONOR Magic V3 沒有因對手一整年都未有追上上代 Magic V2 機身厚度及重量而「擠牙膏」,將... (繼續閱讀)
1 日前
下星期三(7 月 17 日)似乎是發表新品的好日子,繼 Canon 宣佈在 7 月 17 日下午 6 時(香港時間)公佈新品後,DJI 亦已經官宣在當日晚上 9 時(香... (繼續閱讀)
1 日前
現在大家可能都已經入手無線耳機,由於無線耳機不能換線升級,其實有沒有辦法可以令音質升級呢?要令無線耳機音質提升的方法主要有兩個,第一個是即... (繼續閱讀)
1 日前
擁有一部 Toyota AE86 應該是許多車迷,尤其是喜愛漫畫《頭文字 D》的車迷的目標吧?Toyota AE86 能夠成為粉絲的珍藏,其中一個原因是喜歡它的操控... (繼續閱讀)