文：Nic
中國首部航空母艦遼寧號來到香港啦，今日起（ 7 日 ）至 11 日停泊香港 5 日，將會在周六、日（ 8 日及 9 日 ）開放予公眾參觀。但不是人人都有機會上船參觀，早前派發門票就有人因撲飛失敗而不滿，加上船上又只可以用手機影相，對攝影發燒友而言的確幾「無癮」！
|
|---|
小編覺得上船既然面對那麼多限制，倒不如到一些近岸地方，遠距離觀賞更好，更重要是可以自由地 24 小時影相！據了解，遼寧號會停泊交椅洲對出海域，小編望一望 Google Maps ，發現以下幾個地點都是頗合適觀賞地點。（講之前 #戴返個頭盔 ，以下地點純粹紙上談兵，實際環境可能有限制，大家要留意。）
1. 迪士尼樂園碼頭
如果視野清晰時，對出海濱長廊可以遠眺港島九龍一帶，交椅洲距離相對較近，自然望得更清楚！
2. 坪洲手指山
 Google Maps 圖片 |
|---|
位於坪洲手指山東面有一個涼亭，視野開揚，可以高角度俯望遼寧號。
3. 西環泳棚
這裡方向夠「西」，成為平時影日落的熱門景點，亦可清晰望到交椅洲，不過由於遼寧號停泊島的北邊，可能部分視野受阻擋。
4. ICC 天際 100 觀景台
 天際 100 觀景台圖片 |
|---|
觀景台勝在夠高，兼且有冷氣又不用日曬雨淋，當然環境舒適要一定成本，每位成人盛惠 HK$168 。
5. 昂船洲大橋底
平時有不少電視劇在這裡取景，近防波堤位置望向交椅洲，亦是視野開揚。
6. 青衣自然徑
單單影遼寧號可能略嫌沉悶？倒不如在這裡既可影到航空母艦，又可影到青馬大橋，一舉兩得！
7. 中環來往離島渡輪
 新渡輪圖片 |
|---|
以下幾條渡輪航線，均有機會經過交椅洲，包括：中環來往愉景灣、坪洲、長洲，大家上到船記得霸定位置呀！
另一方面，遼寧號停泊期間，民航處以「配合特別活動」為由，在青衣對出水域設立臨時飛行限制區，所以飛機、直升機及航拍機等，均不得進入有關範圍，如果大家想用航拍機要注意啦。
