文：本香猛
80、90 年代港產片膾炙人口，多年來誕生不少經典場面及對白，時至今日仍為人津津樂道，甚至轉化為 Cap 圖，在 Whatsapp 及 Facebook 不斷瘋傳。以「中式沙鍋」及「詩情畫意」系列聞名的香港插畫師 Tik Ka From East（迪嘉），最近就向港產片取經，將經典 Cap 圖製成 3D Figure，保證大家看後會心微笑。
這套 Figure 全系列名為「港產映画」，由迪嘉及香港玩具品牌 LIGO DESIGN 合作生產。頭一批 Season 1 共四款公仔，全部以全胸像示人，高4吋，並由張學友、李小龍、謝賢、劉以達四大影星「領銜」主演，當中包括《旺角卡門》烏蠅的「食屎啦你！」、《龍爭虎鬥》中李先生踩死人後的誇張表情、《少林足球》強雄：「球證、旁證、加上主辦，協辦所有單位全部都是我的人。怎樣同我鬥？」，以及《食神》中的劉夢遺大師等。四款 Figure 各自各精彩，在 Q 版演譯下仍不失神髓，叫人一眼就認得出，腦海又不奇然想起背後經典對白，影迷必儲。
以上 Figure 現可經 LIGO DESIGN 的 Facebook 專頁預購，單裝每款賣 HK$88，將以隨機抽選形式發售；一套四款預訂價則為 HK$352，發貨日期為今年 10 月。當然得四款一定唔夠喉，據知製作單位已準備第二彈之中，各玩家又想邊款名場面推出呢﹖本香猛就精選了以下數句，唔知又啱唔啱閣下心水呢﹖
1. 《英雄本色》豪哥：「阿Sir，我冇做大佬好耐啦！」
2. 《賭俠》阿星：「各位觀眾，五條煙！」
3. 《伊波拉病毒》阿雞：「「知唔知咩叫伊波拉？唔係狄波拉呀！」
4. 《無間道》韓琛：「這麼醜的妞。」
5. 《頭文字 D》阿木：「我要買 GTR！」
6. 《葉問》葉問：「我要打十個！」
7. 《賭神》高進：「朋友，你回印度食蕉啦！」
|
| 迪嘉擅長二次創作經典角色，例如將龍珠人物融入中國風之中。 |
