文：Tony Lam
早兩日條豐田 Supra 試車片已經叫車迷睇到依嘩鬼叫，估唔到今日再嚟單勁嘢！本田神作 S2000 繼承車又流出專利設計圖，賣相絕對嚇鬼，尤如一部縮水 NSX，睇到我都即刻硬晒──個拳頭。
本田最近向歐盟知識産權局（EUIPO）註冊了一項設計專利，雖然從設計圖中未清楚所註冊部份，但從圖中的設計精細度看來極有機會是車廂的專利，座槍兩邊看來相當對稱，中槽上亦不見波棍，軚環就更以落場戰車般設計，完完全全超跑布局，儀錶板亦沒有在軚環後方出現，可謂非常創新。
|
|---|
|
較早時流出的 S2000 預想圖。
|
消息指新車有機會用上 NSX 底盤打造！所以將會是中置引擎布局，有別於原生 S2000 前置引擎後輪驅動設計，動力配搭有機會用上 Civic Type R 那台 2.0 公升直四渦輪增壓機器，最大馬力可望於 330 匹以上及400Nm 扭力。之前本田已為新車註冊了 ZSX 這個型號，若然新車真的以這個賣相加 ZSX 名字推出，應會震憾整個車壇。
