文：Ellen
圖：由受訪者提供
回想起買第一部相機，當年興致勃勃，四出影相、不亦樂乎。數年甚至十年過去，香港的風景都拍過了、人像亦似乎得心應手。或許已換全片幅相機、擁有了人像鏡皇…對自己要求高了，有時卻感到進步慢了。是自己對攝影的熱情減退了？還是天份不夠？不少人或許都會遇到這樽頸位，今次筆者就同攝影大師 Felix So（蘇文郁先生）幾位學生：阿樂、Patsy、Gary 同貔貅傾傾計，回憶一下自己為何喜歡上攝影…原來學攝影的終點又何止為了技術，更珍貴的，是與一班有共同興趣的人建立感情及關係，甚至在攝影中體會人生態度。
|
| Felix 與每班學生都會影輯「chok」相，其實攝影所帶來的樂趣很廣泛，娛己娛人，最重要不是快樂嗎？ |
各行各業 因攝影而聚首
今次訪談的四位：阿樂、Patsy、Gary 同貔貅本身來自不同行業，對攝影各自有不同體會。阿樂本身從事貿易工作，半途出家，一心想入行做攝影師；Patsy 現為公務員、貔貅是紀律部隊、Gary 則經營車房，三人為進深攝影技術而報讀 Felix 攝影課程。談及接觸攝影的原因，車房老闆 Gary
就講「我工作上同攝影絕對無關，記得中學時接觸攝影，不過喺菲林年代，攝影喺當年係高消費活動，所以就放低咗呢個興趣。直至十幾年前，想為家人及生活上留下回憶，先再重拾起來。」
|
| Gary 作品 (大圖) |
Gary 發現參加 Felix 攝影班最深刻是認識到一班志同道合的朋友，甚至畢業後都有相約一齊影相、行山、食飯。而貔貅就話，同一大班同學合作完成攝影作品，與自己「One man band」影相的感覺很不同。大家要合作、溝通，解釋各自的構思與想法，可能同學間有時會各持己見，但過程中的磨合卻是難能可貴的體驗。「雖然上堂時 Felix 教學嚴謹，但大家氣氛融合、有講有笑，同學間亦不時搞攝影活動。」貔貅認為喜歡攝影不只是「影張相」而已，如何有效與其他人合作完成攝影作品、自己對攝影的態度都相當重要。
本身來自五湖四海、互不相識的人，卻因為一個攝影課程而聚頭，大家都想不到在社會打滾多年，仍可以找到擁有共同興趣的朋友，說起來，也算是一種緣份。
|
| ▲ 貔貅同一大班同學仔集體創作攝影 project， 不只講求如何攝影，亦考驗溝通合作。 |
|
| ▲ 貔貅作品 (大圖) |
亦師亦友 放學一齊食宵夜
其實不少人起初都是自學攝影，貔貅亦一直鍾情影相「唔敢講攝影係我第二生命，但肯定係我嘅興趣。」貔貅眼見幾位朋友修畢 Felix 相關課程後獲益不少，深思後就決定報讀。「早喺兩、三年前，我幾個朋友已經上過 Felix 其他課程，我發覺佢哋攝影技巧突飛猛進，嗰時我就開始留意 Felix 相關課程！」貔貅覺得自學與跟老師最大分別，是 Felix
經常分享過往攝影工作實戰經驗，將自己心得向學生教路，啟發貔貅思考更多平時不會想到的攝影問題。
參與過 Felix 講座或與他接觸過的朋友，應感受過其談笑風生，而四位同學各自異口同聲認同 Felix 上堂唔會悶。「經過一日工作，仲要花三個鐘上堂，唔悶真係好重要。估唔到 Felix 上堂一啲都唔嚴肅，講嘢又生動，放學後仲大家一齊食宵夜！」Gary 笑言上 Felix 堂好似一家人聚會，阿樂就話 Felix 好玩得之餘又好認真，與以前跟過的攝影導師不同， Felix 會引導同學思考，以運用所學的攝影技術解決問題。Felix 在學生心目中嚴肅又得、搞笑亦得，上堂氣氛愉快，從無悶場。
|
| ▲ Gary 話最難得係可以同 Felix 同一班同學一齊食飯吹水，大家就好似一家人咁 close。 |
|
|
▲ Patsy 與同學仔及 Felix 到澳門遊玩兼影相，好就似出咗次 field trip 咁。
Patsy 就話，Felix 與學生不只是「堂上」的關係，Felix 私下亦好 nice、好好傾「同學課後會互相交流攝影技巧，有一次 Felix Sir 仲同我哋一齊去澳門玩同影相，大家互相分享觀摩練習，就好似一次戶外實習！」Patsy 覺得攝影給人的印象是一個「個人」興趣，不過原來大家只要不怕交流、互相切磋，就可進步得更快。Patsy 話課程最深刻的部分是同學間可透過討論分享一起改進，互相扶持，不會怕「講出嚟」，氣氛融洽愉快。
過往要學專業攝影技術，可能要「拜師學藝」。做攝影助手要擔擔抬抬，又未必在師父身上學到一招半式。「Felix 雖是攝影大師，但感覺不會高高在上。」Patsy 笑言阿 Sir 親切，就似朋友一樣。
|
| Patsy 作品 (大圖) |
