文：本香猛
LEGO 界一向多癡線佬，飛機大炮火箭潛水艇都有人 DIY 創作，而官方亦好識做，旗下 LEGO Ideas 便鼓勵玩家自由投稿，只要一年內取得一萬個網友支持，就有機會成為正式商品。之前成功投產的作品有《捉鬼敢死隊》消防基地、土星五號火箭等，款款口碑載道被搶購一空。最近 LEGO 又公佈了新一輪憐選結果，結果叫人驚喜萬分，事關昔日經典機械人「百獸王」竟然成功入圍，而且不久將來就有得賣，各位粉絲儲定錢都得！
 |
| 官圖寫明「Fan Model - Not Final Product」，正式商品還要改良修改，預計一年內跟大家見面。 |
可能好多 90 後朋友會問：究竟《百獸王》有幾巴閉？話說呢套卡通源於 1981 年同名動畫，當年五獅合體呢條橋已經好鬼劃時代，同期推出的超合金玩具仲還原度超高，被捧為玩具界神物，呢家想買番就只以天價交換。百獸王另一叫人又愛又恨是多年來產品絕少，這源於其版權一早賣斷予海外公司（百獸王外國又叫《Voltron》），直至去年被史匹堡夢工場收歸旗下，不但推出同名新動畫，還重整周邊商品版權，令旗下玩具終於能重現天日，早排熱賣的 B 記超合金魂 GX-71 便是一例。
 |
 |
| 機械人可如實合體變形，而且識得郁，作品可以用「癡線」來形容。 |
 |
| 砌出來的百獸王足有 16 吋高、1kg 重。 |
 |
 |
 |
| 黑、黃、藍、綠、紅五隻獅子全部有手有腳，仲可以擺出奔跑坐立姿態。 |
講番今次 LEGO Ideas，作品於去年 4 月由菲籍設計師 len_d69 投稿，當時已震驚 LEGO 界，事關砌出來的百獸王足有 16 吋高、1kg 重，份量十足拍得住超合金。而最最最重要是它的還原度超高，條線輪廓、手腳比例似到十足不在話下，機械人更可如實變回黑、黃、藍、綠、紅五隻獨立獅子，全部有手有腳兼可奔跑坐立；加上連獅口武器及招牌十王劍都造埋出來，神還原下短短三星期便獲得超過一萬票，最後亦成功通過官方審批，邁向商品化。
 |
| 設計師 len_d69 是菲律賓人，LEGO 更隆重到同佢做了個專訪，有興趣可上網睇番。(https://ideas.lego.com/blogs/a4ae09b6-0d4c-4307-9da8-3ee9f3d368d6/post/caff4d5c-3394-434c-a852-85722a9bfeb9) |
 |
| 由投稿到取得一萬個投票，前後只需三星期。 |
 |
| 今次 Lego Ideas 的選拔結果，較令人失望是神盾局特工及 Landrover 四驅車落選。 |
 |
|
除了《百獸王》，《恐龍戰隊》（Power Rangers）亦在投票當中，大家不妨支持吓！ |
當然，現階段離見到實物還有一段時間，相信會在一年左右。據知 LEGO 還要與原作者商議，或許會就著量產化而作出部分修正，完成後還要交予版權公司作審批，因此完成品的靈活性、神似度依然是個謎。只不過觀乎 LEGO Ideas 近年水準，作品在修改後只會更完美，因此準玩家們可以放心。本香猛就最想希望可加強手肘與腰位的扭動幅度，若有埋五位駕駛員的 Minifigures，就真是功德圓滿了！
