SmarTone 門市新形象 琳琳發現收銀台暗藏玄機！

文、攝：Ellen
協力：Nicole Tang 琳琳

SmarTone 銅鑼灣怡和街門市以全新面貌登場，開多一間店又有咩特別呢？原來新設計結合數碼化客戶服務，有好多設計同服務都同一般門市唔同。不瞞大家，DCFever 記者 Nicole Tang 琳琳 原來是 SmarTone Plus 會員，琳琳 同大家採訪過呢間新門市之後，竟然發現左好多有趣既地方，單係收銀台就已經估唔到係咁！

▲ 一入門口就見到新一代智能機械寵物狗，琳琳 當然上前玩返陣。

踏入店內，琳琳 覺得新裝修感覺幾清新簡潔，但究竟為何要這樣設計呢？職員為我們介紹，店舖採用流線型設計，天花的「S」型弧線配合燈光效果，除了代表 SmarTone 為客戶提供具「速度」（「S」意指 Speed）的服務外，亦突顯 SmarTone「5S」流動網絡體驗，原來連裝修都有學問！

▲ 門市設計以紅、白色為主調，格局時尚簡約，配合溫暖木系裝潢及柔和燈光，為客戶營造舒適購物環境。

琳琳 瀏覽店面一圈，看到了一個心水電話殼，卻發覺店內簡潔得連「收銀台」都見不到，究竟要到哪裡「埋單」呢 ? 原來店內「暗藏玄機」！店員為我們示範，原來店內不同位置都「隱藏」了服務台及收銀機，客戶有需要時只要找店員即可，設計為舖面帶來更多空間，機關都算幾特別。

▲ 想買甚麼職員都可立即為你效勞，更免卻集中於一處結帳而要排隊的不便。

店內設計以不同區域為概念，涵蓋最新科技產品、上台計劃、智能手機、自助服務、至潮配件，及 SmarTone Plus 會員專區。身為 SmarTone Plus 會的 琳琳，決定為大家全部體驗！

▲ 客戶可用平板電腦輕鬆查閱各種月費計劃，資訊一目了然。瀏覽期間可隨時向店員查詢，了解更多詳情。

▲ 「SmarTone Plus 會員專區 」是為特選客戶而設，SmarTone Plus 會員可於舒適寬敞的空間尊享優越服務及專業支援， 服務桌椅設計別具一格，尊享一系列貼心服務，如果唔係採訪，真係坐到唔捨得走。

新門市還有「SmarTone Front Desk」系統，讓客戶透過店內多部平板電腦獲取最新服務計劃、智能手機及各式配件等資訊。除了在門市「即場」購物，網上商店登記客戶亦可在店內以平板電腦登入帳戶，將想買的產品先放入「購物袋」，以便日後隨時登入網上商店購買，真的非常方便！此外，為配合數碼化運作模式，店內皆採用電子海報、電子屏幕及電子宣傳品，讓客戶輕鬆查看最新推廣資訊之餘，亦可減省用紙。

▲ 店內網羅至潮手機配件，讓客人可用「旋轉式展示架」盡覽各種保護殼、充電器及耳機等， 方便客戶選擇不同配搭。

▲ 客戶可用自助繳費系統，透過簡單清晰的操作介面，快速選擇繳付賬單、續約、更新個人資料等服務。如在操作過程中有疑問，亦可透過系統直撥客戶服務專員，查詢更多詳情。

▲ 店舖展示多款品牌最新最熱門手機，專區配備平板電腦，內置各款手機的相關資料， 客戶可於舒適環境下挑選最切合自己需要的手機。

全新面貌的門市現為大家送上限時驚喜優惠，各位只需前往怡和街門市齊玩「AR 遊戲」，透過 AR 應用程式以鏡頭於店內搵齊「5S」的所在位置，即可贏取指定至潮配件折扣#，優惠更高達五折，有興趣的朋友記得去玩了！

#數量有限，送完即止，詳情請向店員查詢。  

SmarTone 銅鑼灣怡和街門市
門市地址：銅鑼灣怡和街 46-54 號麥當奴大廈地下 G2 舖
營業時間：星期一至日 10:30am-10:00pm
官方網頁：https://www.smartone.com/tc/