文：Tony Lam
雖然超跑本身大多身懷絕世武功，理應不需額外補強已能獨步武林，但人總是貪心的，總會想自己部車再型再快一點，來自德國嘅 Novitec 正是為此而生。
若閣下是標準車迷兼一直有留意歐洲改裝的話，一定聽過 Novitec 個大名，這家來自德國嘅改裝廠，專為法拉利、林寶堅尼等超級跑車提升性能及外觀補強。今次最新産品就有 McLaren 720S，無錯，本身已是強到一個點嘅 720S 其實都無乜好改，但明顯地喺 Novitec 眼中呢啲常人嘅諗法係錯嘅，因為世上係無邊部車係唔改得，亦無邊副引擎嘅馬力係唔可以再谷大嘅。所以，720S 副 4.0 公升 V8 雙渦輪增壓引擎就由原來嘅 710 匹增加至 794 匹，峰扭 770Nm 一下子去到 878Nm。結果，靜止加速至 100 公里嘅時間只要 2.7 秒，較原來快 0.2 秒，7.5 秒就可以跑到 200 公里，較原來快 0.3 秒，極速就可以去到 346 公里，認真快到癲！其餘外觀改裝不外乎加入大量碳纖維部件，頭唇、裙腳、尾翼及尾泵把等，最後再換入前 20、後 21 吋輪圈再將避震改低少少便大功告成。
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！
https://www.dcfever.com/cars/userreviews.php
