文：Vincent Huen
無可否認，香港違例泊車問題嚴重，由其職業司機，想泊低吃個「快飯」，最擔心莫過於回頭發現玻璃夾著白色紙張，嚴重影響心情。然而，近日就有廣告公司以此作噱頭，將宣傳單張設計成告票一樣，令不少車主虛驚一場，雖有網民讚賞有創意，但作為車主、司機，必定批評宣傳手法「惡搞」，話時話，小編都中過招！
日前，有網民在 Facebook 群組分享相片，詐看還以為「食牛肉乾」，告票被放於車頭玻璃之上，但仔細一看，就會發現這張告票上印有「 SAMPLE 」的字眼，實際上只是一張宣傳車 cam 的單張。不少網民都表示對這種宣傳手法反感，認為會對司機造成不必要的滋擾，坦言：「如果咁樣諗住做得成生意，佢真係錯晒」，另外，也有網民指出這種宣傳方法有機會構成「干擾車輛」，可被處罰款 $5,000 及監禁 12 個月。
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！https://www.dcfever.com/cars/userreviews.php
