空間感充足 尾排座位豪華實用兼備
Volvo XC90 一如既往大賣豪華體驗，同屬「5+2」7 座 SUV 設計，小編對 XC90 的尾排座位感受特別深刻，除了有獨立冷氣出風口之外，空間足以乘坐兩名成年人有餘，未至其他品牌般狹窄而變得有名無實，兩側透光窗更有獨立手動太陽簾，大大提高私隱度，誰說尾座一定似「Dog Sit」，至少它能為尾座乘客挽回自尊。
▲Pro 版前座新增了冷暖透氣以及按摩功能。
▲全車座椅包裹「Fina-Nappa」皮座，提升舒適度。
▲尾排座位闊落，擁有獨立風口及窗簾。
今代 XC90 同樣加入「48V Mild Hybrid」系統，馬力有 14 匹提升之外，起動亦變得爽快寧靜。講到隔音方面，XC90 本身已非常出色，而受惠於 Pro 版專屬的氣壓避震，不論胎噪、路噪已大大阻隔，令舒適度大增之餘，一樣可以提升豪華體驗。
數到最後，當然不可以少提造工。今代 XC90 仍然在瑞典製造，無論設計、用料都落足本，特別是門壁、控制台等位置的原木飾板襯托，大大提升車廂格調。中控台部份用上了 9 吋的「Sensus Connect」螢幕，直立式設計有別於其他品牌。廠方標榜更貼合人體工學，以舒適的方法向司機及副座乘客顯示資訊，除了支援一般多媒體娛樂、地圖、車輛設定之外，還可連接 Apple CarPlay 使用手機 App，但美中不足是它預載的語音助手準確度不足，有待改善。
▲車廂以高級皮革包裝，配襯桃木面板，既簡約又豪華。
▲8 前速自動波箱，波棍以水晶製造，份外豪華。
