文、攝：Vincent
▲新代理接手後引入一式兩款 V8 Mustang 車，售價 HK$779,990 起。
Ford（福特）新代理由「宏鋒汽車」接手，新車陸續引入並於九龍灣全新旗艦店展出，而當中備受關注的就是今次試駕的旗艦跑車 Ford Mustang 5.0 GT。一式兩款，Ford Mustang 5.0 GT V8 型號售價為 HK$779,990 起。
其實 Ford Mustang 一直都是美國「Muscle Car」的象徵，但早年的 Mustang 就只有左軚版本，所以香港粉絲一直無緣嘗駕此車，直至 2016 年推出的 Mustang 就首次生產右軚版本，終於名正言順地輸入香港。所以，對於一些曾經在美國生活、又喜愛駕車的人士而言，Ford Mustang 必然是最喜愛的汽車之一。如果 Ford Mustang 被喻為「野馬」的話，今次試駕的 5.0L V8 版本就是一隻「純種大野馬」！
▲重新在港發售的 Mustang 屬尾期 Facelift 版本。
尺寸更大 V8 GT 更具特色
在外觀上，2022 年款的 Ford Mustang 比上一代體形更大，但就維持了長車頭、短車尾的誇張跑車車身比例。而 Mustang V8 5.0 GT 與 2.3 EcoBoost 兩款車型外觀上差異不大，同樣有誇張的水箱面罩、刻意突出的引擎蓋骨線、歷代小改的鯊魚車頭造型。不過為了提高 V8 GT 以及的辨識度，車尾原本的「野馬」廠徽也刻意變成「GT」字樣，左右沙板上亦加貼「5.0」代號。
▲5.0 版本車尾以「GT」代替「野馬」Logo。
▲Ford 為美國標誌性「Muscle Car」，長頭短尾設計。
▲頭蓋保留兩個入風口，讓 NA 引擎散熱。
▲原車配有自動 LED 頭燈、19 吋胎軨、Brembo 制動鉗。
▲四出尾喉聲音雄厚，用家亦可選擇靜音模式。
至於內裝，今代 Mustang 車廂以及儀錶板，造型、質感仍然帶點古典味。不過望入去就是可以顯示詳細資訊的全液晶介面。中控台以至乘客位置，車廠就用了較深色的鋁質亮面飾板，而波棍、手掣，以及加熱軚盤等多處都以皮革包裹，加上中控台 12.3 吋多功能顯示屏，就十足進入了高級的戰鬥機艙一樣，駕駛者可透過語音指令控制車內多項通訊娛樂功能，車機亦支援 Apple CarPlay 功能。
▲尾期版車內換上 12 吋數碼錶板及 8 吋觸控屏幕。
▲「SelectShift」10 速自動波波箱、軚盤撥片設計，0 - 100km/h 加速廠方測出 4.3 秒。
▲波棍簡單，沒有「+/-」功能。
▲電控皮椅備有六段電控調校功能。
▲後排座位略為狹窄，成年人坐得有點吃力。
▲中控台面以拉絲金屬面設計。
▲「Mode」以及「軚環標誌」可切換不同的駕駛模式和軚感。
▲手枕位置內設置物空間、USB 充電 / Apple CarPlay，以及 12V 插座。
▲尾箱容量有 382L，約可放 2 至 3 個旅行箱。
Ford Mustang 的 5.0L V8 自然進氣引擎是經典的動力配置，不過今代再度調較，搭載「歧管噴射」以及「高壓燃油缸內直噴」雙燃油技術底下，馬力上調至 449 匹，加上標準配備的「SelectShift」10 速自動波波箱、軚盤撥片設計，0 - 100km/h 加速廠方測出 4.3 秒。
「V8」、「NA 引擎」、「後驅」，雖然試駕的車型為自動波，棍波版就需要下個月才有消息，但以上三樣配搭已經令小編非常熱血！而新代 Mustang 同樣預載了 Normal、Sport+、Track、Drag Strip 以及 Snow / Wet 五種駕駛模式之外，還有三種不同軚感可以選擇，包括 Normal、Sport 和 Comfort。
▲尾期版換上 12 吋錶板，可顯資豐富行車資訊。
NA 引擎加速線性 車大不失靈活
雖然香港地區很難發揮出 5.0 V8 NA 449 匹的真正威力，但一進入 Sport+ 模式，整部「野馬」變得精神起勁，利用軚環撥片介入轉檔，引擎以及尾喉即時發出低沉的咆哮聲。不過 Sport
的軚環模式用得耐雙手未太習慣而變得發麻，懸掛太硬，軚盤需要更用力控制，加上反應敏捷，要格外留神才能駕馭這匹「野馬」。而以較高速過彎時，Mustang 的懸掛於側傾的抑制非常好，支撐力相當足夠，除非要將它逼到極限，車身「Body
Roll」不大，非常平穩，經過輕微爛路時候，車身亦不見得有明顯彈跳，讓小編的感覺就似駕駛歐洲車多一點，舒適性不錯！
▲中控台 8 吋多媒體屏幕支援 Apple Cayplay 之外，還可下載手機程式連動。
▲後泊鏡頭屬基本配置。
▲Ford Mustang 備有 5 種行車模式。
總結：
在未駕駛 Mustang 之前，一聽到「野馬」一詞就覺得就是一部「死硬派」的「Muscle Car」，而心裡邊就會跟 Audi S7、BMW M6
同樣偏硬懸掛的車型比較，結果反而是 Mustang 舒適得多。新代 Mustang
的彎路性能的確無庸置疑，車子感覺沉重，但懸掛、輪胎卻應付有餘，撇開油耗、外型，小編反而覺得 Mustang 適用於日常巡航多點。而事實上，Mustang 早已有一班忠實粉絲支持，加上車價 HK$779,990 玩得到 NA V8、後驅，市場上選擇亦不多！
讚：
V8 NA 引擎、後驅，市場選擇少
車價 80 萬元起步合理
除棍波外，有自動波版更親民
彈：
後座偏窄，成人坐得吃力
長車頭設計，視野需要習慣
「Comfort」軚 Mode 仍然偏重，不合女生駕駛
Ford Mustang 2021【詳細規格】
售價：HK$779,990 起
查詢：3768 4818（宏鋒汽車）
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！https://www.dcfever.com/cars/userreviews.php
