優點:
1.Mon靚除咗養眼外,就算有點老花亦冇問題,尤如印刷品質素.
2.影相及短片質素強勁(以手機黎講),背光,夜拍,手指一按對焦等,作為記錄或upload上網,佢算第一.
3.熱感touch screen反應超爽,試過頂級HTC都無咁既感覺.
4.直覺式桌面舖排,唔複雜.
5.上網速度超乎理想,跟枱機差不多 (用CSL台)
6.所有程式及App運行暢快,冇半點遲緩.
7.用iTunes Syc野快,連條USB線都穩陣過人.
8.以高階手機黎講電量算滿意,2日change一次.
9.外型...不用多講.
10.定價吸引
缺點:
1.必要用iTunes處理影像
2.用免費第三方平台處理phonebook, 行事曆不太理想及有限支援.
3.上網時機身較熱,天冷會好D.
4.部機算墜手,感覺唔係好襟跌.
評價:
我係由GB125升級上黎 (乜機?一部LG純打出打入老人機),一直唔係咁追求乜科技,iPhone一代出產已留意好耐,直到依家先出係因為佢個平台穩定性同勝價比都大大提高.
我係由一部純手機功能去睇呢部iPhone4, 無死機、接收好, PhoneBook清晰, 佢一一俾到我,至於外型係第二考慮,
而影相,聽歌,上網收發電郵,玩app,唔屬於我考量之列,我商務為主,但iPhone4又係俾人強俾人有信心D噃!尤其係嗰個【名片全能王】App,真係值得推薦,成百張咭片係電腦入都入儍,亦都係我一直最頭痛既問題, 佢影一張相,差不多99%位置都對到,呢種就係科技帶黎既方便.
我係用家,唔係玩家,玩家可以好多挑剔,用家最著重方便,穩定,iPhone4 佢俾到我.Apple為咗穩定性作出唔少犧牲, 用過Win M你就知啦.針無兩頭利,你想手機玩你,定你用手機呢?
ps.天線門係香港絕無問題,就算按死所謂"死穴"都通話正常,用咗一個多月先先敢寫下評論,絕對唔想誤導他人.