Samsung Galaxy Tab P1000

評測報告

7吋mon夠大,輕身,型仔,好順,有android2.2,可支援flash10.1,可以分享網絡支援5部機咁多,介面人性化,內置已經16G仲可以支援32G卡,唔洗轉格式就可以睇片,聽歌,有閃光燈,仲可以當電話用,义電快.

真係貴左D,相機得320萬像數真係少得滯,拍片簡直唔掂,要用專用插咀,換唔到電,發聲位唔夠大聲,無計數機,收音機,錄音機功能,要自己DOWNLOAD,

本身用緊i9000,本來覺得兩部機功能和性能差唔多,本來都無咩意慾想買,但個女啱啱要續約,個台又可以用$788出機又唔洗預繳,所以就買左佢啦.開頭用都唔覺得好正,同i9000用法差唔多,只不過大部左,但有一日的起心肝用佢,連sim card都轉左落部tab度用,個變化就嚟啦,簡直比部tab吸引住左,一來接收好左,因為我屋企係電表房隔離,用咩台都係收得一格,連i9000都唔例外,但部tab竟然可以收到三格真係出奇地正,第二樣就係睇片,睇youtube,簡直係爽呀,因為個mon夠大,雖然無ipad咁大,但其實己足夠用啦,宜家日日帶住係身用,可以袋到落個衫袋度,又唔洗另外買個袋裝住佢幾方便,係打電話唔係咁好囉,攞出嚟打電話個陣時你會覺得誇左d囉,但我用可以聽歌既藍牙嚟收音都幾方便,無乜大問題,但電量就係一個問題,佢話可以連續睇6,7個鐘頭個戲,真係唔得囉,我宜家普普通通咁用,打十幾分鐘電話,聽一個鐘頭既歌,上網睇幾20分鐘既youtube,再更新下facebook,咁就無乜電ga la ,影相真係不過不失啦,但拍片真係唔係好掂呀,你用過就知道真係好過無囉,但總括嚟講,部機真係正既,如果唔係我點會部i9000都唔用呀,日日用住佢,你話係唔係.

輕, 大小適合在車上街上使用，單手都唔因太久而累，電量好堅。一日用到晚仲有一半夠第日早上在車上至公司才charge電.
-可以額外加SD至32G有咩都夠.
-通話真係好清晰，用speaker都好清楚.
-反映都算快.
-可以睇flash網頁,真係好重要.

要用專用usb 線.用其他外置charge唔可以用住charge.點解.
價格上稍貴.4200-4500吸引會大D.
相機質素差在D.失望.
Androd依然唔太多本地apps可用.比起iphone.本地報紙資料生活.有待改進.

第一次用andriod系統同samsung機都易上手，放係袋唔重.只係比一本書重量.好ok

唔會好似ipad太大注視度.呢部正正覺得大小同重量日日帶住用好方便。如果ipad我可能唔會日日袋出街,因為仲有時有相機.都幾重加起哂.

咁佢camera都可以去開會拍下客人的東西,又可以拍片.都好滿意.足夠我需要.

靚

冇IPAD流暢

好失望

1)電好慳...(因為太心急,買咗無charge電都玩咗兩三個鐘,唔錯
2)畫面流暢
3)已預載apps實用

1)貴...
2)tap落screen有時太敏感,會唔小心入咗另一個畫面
3)配件唔多....

因為唔咁鍾意周街都係iphone,ipad...所以對tab係有偏愛!用咗兩日,都幾okay呀!個樣靚仔,又唔重,好流暢!android market又多選擇,我玩得好開心....
打電話都唔錯,不過就一定係用bluetooth

mon大, 算ok靚, 觸感已升是一流之列
Android系統行得好順
GPS定位都幾快, 又可以提供人及車行路線, 有衛星圖, 仲可以搜尋附近有特色的地方, eg. 醫院, 超市, 油站......, (第一次用智能手機, 唔知其他機種有無此功能)
可以download media player之後直讀rmvb檔, 超正, 超方便
一般設定易上手
speaker講, 聽都好清
內置16GB, 另外仲可加SD card
接駁電腦過嘢好方便, 不用經itune之類, 到任何電腦過嘢都得
電力都算ok夠用, 12小時內, 有上網, 有用藍牙, 又玩game, 到瞓覺先要charge電
呢個size, 如果是西裝友或喜歡穿多袋褲一族, 應該不是大問題

雖然電力夠用一日, 不過charge電的話, 一定要用返跟機專用的插頭, 超麻煩
一定要用藍牙或speaker, 有時想踢拖落街要帶咁多嘢都幾麻煩
有時唔知係網頁問題or mon的靈敏度唔好, 要試多幾次先可以按到想按的地方
相機像數太低, 當無會舒服d

整體來說, 雖然價錢是$5688(不過本人是在數字台出, 預繳再回贈), 不過仍覺得物有所值. 當然如可調節45-50k這個價錢就會更吸引
charge電麻煩
如能當普通電話咁聽,講更好! (建議出多張低月費的sim card, 轉駁, 會方便點)
最好就當這部機是手提電腦, 電話及相機功能只係附屬品, 咁就會覺得perfect!

- 輕, 長時間單手操作都唔覺攰
- 尺寸定得非常好, 部機居然可以啱啱好成部放哂入西裝褸袋, 唔帶袋都唔需要好似iPAD咁拎喺手咁招搖過市. 好明顯Samsung喺呢方面花咗心思.
- 操作非常快及流暢
- 第一次用Android, 但覺得個系統非常User Friendly, 用咗約一個鐘已經上手.
- 七吋屏幕大小設計得宜, 上網同玩遊戲都好舒服, 之前以為十吋先好用, 但呢家覺得七吋先可以喺便攜性方面取得平衡.
- 前後都有鏡頭, 可以Video Call (不過因為咁我呢排用多咗 Video Call, 個Plan既免費視像通話唔係好夠用).
- 一部機將電話, PMP同Tablet PC 合而為一, 呢家我只係帶住佢同藍芽耳機已經足夠, 真係好方便.
- TouchWiz 非常好用, 可以各人自訂自己喜歡既介面, 唔使部部機都係一大堆icon 放喺畫面度咁亂.
- 好鐘意佢由上拉落嚟個Function Menu, 好型.
- 電力充足, 又開Bluetooth又開WiFi又上網又睇片都捱到一日有找.
- 非常抵玩, 用$259 Plan, 0機價0預繳就可以拎走部機 (不過俾個台lock 咗個 Mobile AP 功能, 無辦法, 平係要付代價既)
- 畫面質素比想像中好 (可能因為之前已經知道係TFT Display), 不過當然及唔上Super AMOLED.
- 可以睇Flash (不過真係要join 無限plan 先得), 好多網站都上到, 無咁多限制.
- 可以插External Micro SD, 方便資料轉送同backup.
- 好多Apps玩 (有人覺得AppStore有成三十萬個Apps, 多Android Market好多, 但係我相信我一生人都玩唔到咁多個Apps, 三十萬同十萬對我嚟講冇乜分别)
- 由於有七吋畫面, 好多內置功能如行事曆, Phonebook啲畫面都設計得好靚同好好用, 亦好方便輸入.

- 屏幕唔係Super AMOLED (亦因為咁我考慮咗好耐出唔出呢部機)
- 冇mini HDMI 輸出
- 唔可以直插USB Charge電
- 唔可以好似Galaxy S咁換電 (不過iPhone 4同iPad都唔得)
- 後置鏡頭只得三百萬像.
- 如果聽電話可以就咁聽就更好, 咁駛吓吓要插headset或藍芽 (雖然咁大部機貼住塊面有啲怪)

記得大約半年前第一次見到Galaxy Tab既宣傳片, 第一個反應係笑咗出嚟, 心諗部機電話唔似電話, Tablet唔似Tablet, 畫面又細, 又咁貴, 邊會有人買, 所以一直都係想買Archos果部十吋Tablet (iPad唔係我考慮之列, 因為又貴又有好多嘢都唔得). 不過當我試過部機之後就完全改觀, 最impress我既就係佢可以完全放入褸袋, 又唔重. 而且發現裏面好多Samsung 自家制既software都花咗好多心思, 操作亦比想像中流暢得多, 總之成部機既感覺就係好有誠意 (我諗Samsung 可能花咗好多資源喺呢部機上面, 所以搞到Galaxy S遲遲都up唔到上2.2). 呢部機基本上可以用”要乜有乜”嚟形容, 如果接受到佢係一部電話既話, 你可以連自己部手電都唔使帶出街. 我覺得Steve Jobs既Dead on Arrival言論應該都可以收番.

不過我覺得Samsung冇Apple咁識做生意, 出到部機咁齊全, 會令到啲用家冇乜意慾去換機. 好似Apple咁, 出第一代iPhone冇3G, 出3G既時候又冇前置鏡頭, 出iPhone4加個前置鏡頭又冇視像功能, 咁先可以吸引到蘋果迷不停咁花錢換機. (不過如果Samsung係咁既話我一定唔會買佢啲機)

總括嚟講, 我覺得呢部機無論硬件,軟件,性能都比iPhone4同iPad優勝, 外型我都好鐘意(不過呢樣嘢都係見仁見智), 唯一輸蝕既就係Samsung冇Apple咁大名氣, 有一大班忠實蘋果迷支持.