HTC Incredible S

評測報告

實拍照片

第一次用 HTC 電話, 好易上手.

手機 品質出現問題, HTC服務人員處理事情不當互相推卸責任. HTC師傅一點維修水準也沒有, 越維修越多問題.

HTC通知只安排手機維修, 不會更換手機. 如手機再次出現問題HTC也只會安排維修, 其他一貫不負責.一點也不負責任!!!

用錢買部手機, 是想開心.原來是激心!!!

心感投訴無門, 十分不滿!!!

開開心心出新電話, 用了兩天發現部機在接聽電話時慢幾秒方可聽到對方聲音, 打去HOTLINE問, 他們回答正常. 一星期過後部機越來越多問題,頂唔順要去維修:
#1. 打出及接聽電話時要等8-10秒方可聽到對方聲音
#2. 同時手機開關機時等候時間過長
#3. Auto Reboot
HTC HOTLINE通知是軟件問題, 更新後便可解決. 他們說需要20分鐘, 但等了約45分鐘還未能取回手機.
完成更新後他們沒有當面進行測試, 只把手機直接交回及口頭上通知已經完成軟件更新可以取機離開. 取回手機後不到5分鐘Auto Reboot.

之後手機不斷出現問題, 比未更新前還多.:
#1. 手機在正常設定下按開關鍵及觸控螢幕時出現不正常雜音 (用了2部機作相同設定比較)
#2. 揚聲器沙聲
再次送交HTC油麻地維修中心, HTC HOTLINE未能解決相關問題, 要求收機由HTC師傅檢查.隔日HOTLINE通知手機經師傅\"初步\"檢查沒有問題, 只會安排更新軟件.
我再三要求, HOTLINE才說要求師傅進行\"詳細\"檢查. 檢查後沒原因地更換了兩個零件.但他們仍然堅持手機沒有問題. 沒有問題, 為什麼需要更換零件??

要求提供維修報告, HOTLINE推說沒有報告及不清楚更換零件原因, 報告要HTC維修部門提供. 收到報告後, 報告上沒有註明進行了那些維修處理, 有等於冇.

最後HOTLINE通知更換了底板和揚聲器, 也有人說更換了開關鍵和揚聲器, 但也有人說更換了背蓋和揚聲器 - 因為開關鍵和背蓋是一體. (真的嗎??) 到底我的手機更換了什麼零件???

要求直接聯絡 HTC維修部, 推說不能直接聯絡.
要求和當值經理接觸, 推說當值的經理在開會. (從未直接找到人, 等他們回電最少也要等2小時)
要求聯絡投訴部門, 他們說HTC沒有投訴部, HTC HOTLINE會處理投訴事宜.

隔日HTC送回手機. 但發現:
#1. 機身在開背殼的位置被弄”崩”了 (拿去維修時機身沒有損壞)
#2. 維修後發現背部鏡頭內有一條\"毛毛\"
#3. 在報告中註明 \"T/P SCRATCH, COVER SCRATCH\", 這是沒有得到本人認同而給備註. 收機時手機經 HTC 人員檢查, 當時是沒有提及這兩點. (T/P = 螢幕) 我用了螢幕保護貼的, 螢幕應該沒有問題.

再隔兩天部機又出問題.:
先是螢幕全黑, 不能關機, 螢幕不能接受觸控. 最後要強行把電池拿出斷電再放回, 電話才可以使用. 但是螢幕出現不正常現象, 如只顯示出一半畫面另一半全黑等. 到底部機出了什麼事, 越整越多問題, 到底想點?

再次送修, HTC回覆:
師傅把機身及螢幕已經更換了. 下午可以送回手機.

要命呀!!! 我已經告知他們如冇必要, 請不要再更換零件, 要換也先通知........螢幕根本就沒有問題, 機身崩了的地方也不會影響使用!!!!

他們到底在做什麼呀!!! 要處理的沒有處理好, 不要做的就做到足.

螢幕保護貼我也要自費再買.......

得一個 \"快\" 字
2星期換6部，最後全數refund，唔使錢俾你玩2個星期，你亦俾佢玩足2個禮拜 !!!!

完全無 technical support
連LG d 人都唔熟部機 !!
touch mon 唔得

從來未試過的體驗 xyz
完全無QC, 換左6部之後, 連百x匯都投降, 全數refund
真係值得一讚百x匯o既服務態度

死法如下:
10 a 版:
1 - 死wifi 及 push 唔到hotmail/yahoo
2 - 死 wifi
3 - auto reboot
4 死 3G，唔玩大約1個鐘，個3G自己disconnect, 要reboot 成部機先connect 得返

10 c 版:
5 - 完全sync 唔到 exchange o既 contracts and calendar (用第5部自己upgrade上10c)

10 d 版:
6 - 完全sync 唔到 exchange o既 contracts and calendar (promotor 通知有10d，叫試多一次, 都唔得)。呢個問題連LG都話唔知點解 !!!
** a 版係sync 都 exchange o家


如果你淨係要部機來youtube 或者打機, 佢真係好快.... 個如果想有少少正經要做，咁就真係要諗清楚.....

1. 繼續HTC Sense 的優點, 對比HTC Hero 上之版本更加作了改善
2. 開網頁速度快了,比SonyEricsson XPERIA arc 更快更流暢
3. 改善了影相反應慢的缺點 (令人期待Sensation零秒拍照的技術)
4. 畫面都好靚, 只略遜SonyEricsson XPERIA arc
5. 較SonyEricsson XPERIA arc省電

1. 沒有一笑即拍功能 (不及SonyEricsson XPERIA arc - 超快)
2. 沒有資料夾功能(SonyEricsson XPERIA arc有)

用開HTC Hero, 轉用SonyEricsson XPERIA arc約一個月後決定用返HTC機(等唔到Sensation), 覺得決定無錯. HTC的智能電話確實出色. Sony 在其他技術可能較優勝, 但不是我需要的. 不過如果畫面及攝影功能, Sony係不錯選擇.

雖然Samsung唔再出AMOLED比其他廠用, 但係Super LCD質素亦無乜大分別
HTC一向影相質素唔好, 但係今次出奇地OK喎, 仲有雙閃光燈同變焦
ROM容易夠大, 話有1.1GB, 實際亦有1.07GB, 但Desire/Wildfire ROM話有512MB, 但扣除OS後得返14X-15XMB可用
更多瀏覽視窗4個(Desire 3個)
用usb線插電腦當磁碟機用可快速(約8秒)偵查, (Desire要好約25-50秒時間)
720P錄影
sd card唔駛拆電拎出嚟(同Wildfire一樣, 但Desire要拆電)

(Desire/Wildfire無此功能)
前置鏡頭
內置多國地圖，瀏覽時毋須上網(外地使用不用付漫遊數據費)
HTCSense.com, 唔見電話可以上網search位置, 仲可以遙控鎖機兼delete手機內資料, 來電轉接到其他電話號碼
7頁主頁可隨時互換
消除雜音功能
HTC WIDGET 比Desire/Wildfire 多(數據漫遊/自動旋轉/螢幕亮度/etc)
省電模式, 在n%電量內會自動停Wi-Fi/GPRS/Bluetooth/震/減少螢幕亮度/etc
通知面板(由螢幕的上方往下拉)可快速切換最近開啟過的apps
來電,通知,鬧鐘聲音檔無需再放在特定位置, 有音效集可新增滙入清單 (Desire/Wildfire須放在sd card內特定位置)
可重新排列或隱藏apps標籤
SRS WOW HD™ 帶來的虛擬環繞音效
可透過電腦將電話上網 (電話無上網plan又想上market d/l嘢就最啱)
影相時可直接選+地理標記(經緯度) (Desire/Wildfire 只能用Footprints 影相, 但功能好廢...)
快速查詢
內置Dr. Eye
內置電子書軟件

上網load網頁快
SenseUI界面方便, 有Friend Stream(fb,微博,twitter,etc ), 新聞, 股市等等
機身打橫時, 螢幕可自動調節, 打機上網好方便
聯絡人可連結Gmail, facebook(相片,生日等), 行事歷可顯示fb朋友的生日
聯絡人&行事歷可同步 Outlook Express or MS Office Outlook
拎起手機時自動降低鈴聲音量
將手機面向下會靜音
螢幕下面4個主要鍵為輕觸式, 比實體鍵唔駛用咁多力

耗電(好似好Desire少少, 但比Wildfire差)
雖則是電容式(一般人以為的熱感, 實則同熱係無關...)Touch Screen, 但始終比iphone還差少少, 不過一般時間無問題
第一次用傳送資料transform data, 電話簿無咗我個number, 但係舊機明明係有....喺x訊攪咗一個鐘都係唔得, 用返傳統方法export 去sd card, 再import就無事
mon大咗長咗, 打直單手揸機唔能夠淨用姆指控制自如
電磁蓋仍然好薄, 打開時好易整爛
開car panel 試過無啦啦reboot過一次
間唔中有輕微lag,
首次配對藍芽裝置時, 開啟藍芽後要再剔選[可被偵測]只有120秒, 如時間過後未能配對, 要再按多次
無得設定群組來電鈴聲, 要一個個set

自己用咗Desire差唔多一年, 女友亦用咗Wildfire 10個月, 女友覺得Wildfire 唔夠用所以換機, 所以都係講返比較呢3部機
比較過3部機, 可知Incredible S作出不少修改, 方便更多
通話中(耳仔貼住聽筒)mon會自動熄, 感光位置喺螢幕左上角黑色邊位(h字左邊5mm左右), 唔好有嘢遮到佢
螢幕右上角黑色邊位係鏡頭,
機背左下方有2個/左上1個收音孔應該係用嚟消除雜音(軟件過濾), 所以最好唔好有嘢阻到佢
底蓋一定要夾實先會接收到訊號

- 有HTC 一貫好用的 HTC SENSE, 唔好睇小HTC SENSE, 佢的 WIDGET 實用, CONTACTS 好好用, DIALPAD 又有 SMARTDIAL, 又有錄音程式 (SONY ERICSSON 的 XPERA ARC 連呢啲基本嘢都無, CONTACT 將好多FIELD 遮哂, 連生日日期都無)
- 快. 因為有七佰幾MB RAM, 行起黎好順暢. 比 HTC DESIRE 同 XPERIA ARC 明顯地快好多.
- 多ROM, 唔使好似DESIRE 咁下下要將啲APP 轉去 SD 卡度.
- 通話質素好. 有雙咪降噪. 真係WORK 的, 聽筒又夠大聲, 唔使推到盡都得.
- 影相靚, 第一批機就麻麻地. 好過 XPERIA ARC, 一味將曝光推到最高, 搞到啲相失真又光得滯. 相機可以關閉 快門聲, ARC 無!! 前置相機的質素都唔差, 有 130M PIXEL.

- 比 DESIRE 無咗個OPTICAL TRACKBALL, 編輯文字時無咁方便 不過還好KEYBOARD下面有上下左右的　箭咀.
- 手機接能力收跟 DESIRE 一樣, 但還是比 SAMSUNG 的機差. 不過比 XPERIA ARC 好, ARC 是最差的! INCREDIBLE S 呢方面有需要改善.

- HTC SENSE 好用, 實用. HTC 的 UPGRADE 快過 SONY ERICSSON 同 MOTOROLA. 佢地真係會將意見反映俾台灣總部知.
- 若果你有好多聯絡人, 好多 CALENDAR 記錄就最好用 HTC 的機. 因為其他牌子只著重某功能強大, 而唔照顧用家的體驗.

快, 流暢, 好手感, 靚MON, 軟體配套人性化, 抗聲噪一流.
雖然係SINGLE CORE, 但開多個程序都運作流暢, 未HAND過機, 但回HOME鍵有輕微的LOADING.
背部不規則設計, 非平滑面, 易於掌握.(本人手指長)
MON有4吋, 最佳視覺尺寸(本人而言), 閱讀感舒適.
人性化: 很貼心的口袋模式, 會自動轉向的按鍵, 內置軟體基本解決本人所需.(工作為主)
抗聲噪功夫了得.

用電多, 按HOME鍵要LOAD一陣.
操作基本穩定, 買左一個月左右, 未關過機, 但係部機自己RESTART左一次, 吾知咩事.
選擇\"操作模式\"時, 不及WILDFIRE方便.
少用3G流量, 吾敢評價佢既耗電量(我見好多網友都話佢電短)
我本人就LOAD MAIL, MSN同FB等, 吾打機, 一日(用18小時, 但24小時長開)用三分一至一半左右. 日日都插住充電來訓, 第朝又滿晒, 所以耗電量吾敢評價.
只能講, 同一用法,用量, I PHONE 4同佢差不多.

本身用IPHONE4, WILDFIRE及P1i.
因p1i退役, 換上INCREDIBLE S, 三部機一齊用, WILDFIRE無得比, 吾同GRADE. 但I PHONE 4同此機郤不相佰仲, 但整體上, INCREDIBLE S要稍勝於I PHONE 4, 詳細吾講咁多, 因為有排講, 可以自行上網SEARCH. 就係輕已經係一大點, MON大一點, 但I PHONE 4既MON係READING 方面係好過佢, 但影相, INCREDIBLE 係好過I PHONE 4, 吾係像素問題, 成像質素及相機軟體較好.

我吾打機, 用既都係BUSINESS既野, 故多為MAIL, MSN及FACEBOOK. OFFICE, PDF應用等等.
開一個5MB的EXCEL FILES, I PHONE 4 無話記憶體不足, 但INCREDIBLE S郤不止一次顯示RAM不足, 且未能成功打開.

吾係部機吾好, 佢係硬體上WIN晒, 只係i OS 係穩定好多.

但用左3個幾星期, 三部機未關過機, I PHONE 4久吾久會呆係度LOAD吾到D 上網資料(WIFI), 而INCREDILBE就未試過LOAD吾到上網既資料.

最後, 我覺得, 佢係一部誠意之作, 特別係軟體既人性化方面, I PHONE 4及吾上HTC.

只係ANDROID既APPS太簡單, 且無乜專業野, 參差太過.

但點都好, 呢部機, 你無論用來工作或娛樂, 絕對可以勝任.

一街都係I PHONE 4, 吾想撞機, 又想快, 順, 型, 正, 呢部係好選擇.