Sony Xperia S

評測報告

實拍照片

1.外形靚
2.影相似DC仔，都幾好
3.上網好快
4.手感好，大小適中

1.差電位個蓋好化學下
2.個底殻開得但無得換電
3.食電，都預左

第一次用android嘅機，感覺上網比Ip4快。畫面靚，外形日系feel。其他呢，有待發掘⋯因未用過，要適應下。Sony嘅產品近年真的很有heart，值得一試

靚, 特別!! 唔會好似demo咁, 部部差唔多樣, 無新意, 睇到悶!!
順, 快 !! 開機唔洗等 load SD card !!
鐘意個提示燈!! 唔同提示出唔同色 !! 又靚又實用!!
開相機真係好快, 超方便!! 唔洗又解鎖, 又等開個相機 .
原本個輸入法幾好用, 不過可惜無HK字!
有HDMI係TV用!!
有NFC可以check八達通........如果有埋history就完美!
Mon靚 !! 真係好靚!! 靚到睇相以為好靚, 放上電腦.....@@

無得換電係...........一個好大缺點!! 雖然佢差電時間基本上三粒鐘乜都叉滿, 舊電正常用都頂到一日(打機除外). 慣咗帶多舊電可瘋狂打機架麻!!

插電個蓋真係.......成日驚佢爛!!

由 i9000 轉過嚟, 先係覺得超順啦!! 之前 lag 到暈, 而加真係好爽快!! 由其開關機唔洗等到頸都長, 好快load好!! 白色個納米.......唉!! 好快甩咗, 變咗部機有陰影........等佢出蓋買過換啦!!
不過無電換真係要時間適應, 用開 ip 個D 人會無咁覺, 自己習慣廿四小時長開電話, 平日出街帶多舊電, 一無電一換就搞掂架麻........
插電位都唔明點解唔做推蓋式...................

總括嚟講呢部機係我心目中只有兩個缺點, 就係無電換+ 插電個個蓋 !@@

1.外型冇得頂.靚過三叔及iphone了.日系血統代表作. arc s已見超班
2.微彎型設計手感舒服
3.mon舒服. 色彩唔會太光太人造色. 超豔色不是王道,o岩睇又舒服才是王道.
4.介面設計人性化. 原裝程式已好夠用. 唯一不足係sony推介會隻日本game原來唔係跟機!
5.整體反應快.得心應手.
6.通話清晰.比samsung更清.開頭以為日系機太細聲.但通話時耳仔貼高聽筒位少少就會大聲好多.
7.好快叉滿電.
8.聽歌音質高
9.綜合控制選項易用一天上晒手.
10.樣又靚身材4.3寸又正適合男士一手完成操作.價錢合理近期無敵機之餘.仲要係sony第一重出江湖紀念旗艦機.仲可以綜合應用屋企內sony影音.擴展空間無限.
唔駛多等啦. 依部好野. 十項全能. 單買樣已值得.再加強大功能.值上加值.

1.格硬講就係有極少部份會lag.比iphone不順.
2.電就預左唔夠. 但我每日只係聽一兩首歌睇一兩次片及玩下whatsapp及講下電話同check下股票. 其實係一定夠用.
3.但冇得好似以前咁遇到緊急情況隨時換電解決即時要出街又唔夠電問題
冇得挑剔架啦.4千幾蚊既機.肯定好過s2了. iphone5就未知.
4.冇4g.但我都冇打算用4g plan!
5影相黑夜真係唔得.但又唔好期望手機太多啦. 夠用有突了.

從samsung轉會.samsung其實本身硬件都比iphone優勝.但太悶了. 款款機外型一樣. 一直想轉日系機. 水貨機一開賣超高唔抵價仲要刷rom依樣果樣又有少少唔compatible. 壞機都煩過人. 以前日本仔新機新model奉旨冇香港或其他地區份. 依家同步兼俾好野你算係咁.

xperia s會唔會lag呢? 有時都會偶有一疾的. 一定冇iphone咁順. 但整體肯定userfriendly過iphone因為adnroid可一插即用

ppi 夠高,睇野好靚,唔會得個大字睇出黎既野散. 顏色普通,但好過味精. 720p 4.3都夠晒皮
1200萬同快速拍攝賣點唔錯
Ram夠,開大量程式夠用
有得穿手機繩囉
原生HDMI可以直接當PMP插電視玩同睇片,有埋

真係好食電,可能要fix bug先解決到問題
影相機黑位好唔得,要夠光同對比大先可以好清楚影到黑色
唔夠wide,影野要就位

另外相機設定好似會因為快速拍攝模式而還原
相比其他差唔多尺吋既機,佢就比較長身,入褲袋會唔方便

因為本身有外置電同另一部手機, 100%都仲夠玩到12個鐘左右
如果要靚mon同1200萬鏡頭 暫時無得輸.雖然日系機早就已經有得玩,不過勝在sony有保用同支援

1. 當然是設計, 超型, 手感不錯, 很輕身。
2. 畫面顯示相當好, 顏色條線細緻而自然。
3. 機面左上角的提示燈相當之有用, 不一定把電話按著, 都知道有Miss call/ message.
4. 速度快, 即使開過很多apps都沒有lag/ hung. 永遠剩餘2百左右的mb, kill完apps平 均達到35x或以上, ram夠用有餘。
5. for部機既軟件做得相當唔錯, 駁上pc自動安裝. 輕易把唔同牌子型號既手機資料, 輕易轉入新機。 同埋仲有好多備份功能都好好用。
6. 聽歌沒有預期地好聲, 有EQ又有clear bass, 而且最重要係volume夠力推, 只要加上好好既耳筒, 其實拍得住Sensation XE. 呢點我好滿意。
7. 聆聲同埋機身喇叭都夠大聲。唔錯。
8. 個好友Feed功能都唔錯, 拍得住HTC果個。
9. 值得一讚當連接手機到電話之後, 自動裝嚮電腦既軟件, 令我可以好輕鬆將舊有唔同型號既手機資料, 轉到新XS入面, 相當方便。介面比以前好用同方便好多。
10. 32G內置真係算幾夠用, 就算我以前用HTC可以比你插埋卡加埋都唔夠呢個內置多, 其實仲唔洗當要過相去電腦途中又或者過完相之後又要等SD卡 warmup~

1. 佢著重既影相功能反而係我比較失望既地方。手機影相, 我相信大部份人都係用auto影, 我呢兩日影左好多相, 大多數係室內又或者係暗攝, auto追焦慢... 唔好話夜晚用閃光燈, 就算暗D既室內地方出黎既相雜訊都幾勁~ 建議set到用影相制黎影相, 會好D。 因為如果press screen影, 有時focus到喇, 影落去果下反而係唔清既....
呢點我覺得講影相既話, 大家都係1200萬像, Nokia就真係影得好好多。今次個質數同當年我用Satio影差唔多,,, 冇咩改善。 希望日後會有d更新可以改善番個質數。
2. 我覺得打字kepboard真係太細隻, 就算我隻手咁細隻都好難按, 好易按到其他位... 迫住用筆劃輸入。
3. 佢有個好心做壞事既功能. 就係個相簿會自動睇到晒你自己嚮facebook入面d相簿, 或者有d人唔介意, 但係我就好介意, 因為好多朋友手多多會攞你手機相簿黎睇, 而我facebook入面好多相簿都set左privacy,都照show晒出黎. 果一刻我又唔知, 比我朋友睇到晒D相, 整到周身蟻...... 之後原來先知道, 搵番要un tick個sync facebook功能啦, 點知D相竟然仲嚮度. 而且detele唔到個顯示.... 最後搞到打去CS問, 係冇得remove...要reset部機再黎先會睇唔到d相, 之後記得一開始就要untick個功能. 呢度提提咁多brother先, 如果遇到呢個問題都可以注意下。
4. 個叉電個腸掩位個設計真麻麻... 好怕有日大力左少少, 真係成條斷左就麻煩...真係好脆弱。
5. 電池真係用得幾快., 我唔算係高用量用家, 都係聽mp3. 電話一日都係2-3個. 上0下facebook. 朝早番去, 到下奏已經冇左一半或以上, 由於冇得換電, 買個尿袋係必要~~~

除一般基本電話功能外, 本人最著重手機的拍攝及聽mp3的功能。
先說我的用機次序由SE Satio> Nokia N8 > HTC Sensation XE >> Sony Xperia S
整體感覺係相當ok既, 造工幾好, 黑色真係超型, 好在我叫朋友幫我留住隻黑色, 而家出面要出買色要等兩個月先番貨 (佢地話)
好滿意個聽歌功能同音聲質數, 夠力推~~~ 反而唔係咁滿意個影相質數,
真係好希望未來有update改善到, 不過部機咁型仔, 又咁快, 聽歌又好聽~~~ 都抵得住呢個暫時既缺點嘰~~~~ hehehe

1 外型十分討好這是SONY強的項

2 無rOOt也無lag和慢操作暢順和穩定

3 能和其他產品連動發揮如電腦般的功能（原來智能手機功能可以如此強勁）

4 其他如拍攝和MON靚多人說也不多講了

1 最大缺點點一定是食電，在充滿電正常使用下大约可用7至8小時左右（update後）十分食電，希望遟一點更新完會有更大改善

2 usb和hdmi蓋設計厤厤太脆弱和很難蓋回，在時常也充電下十分不便和要很小心（怕整斷）

3 其他人MON黃（但我又真係吾多覺）和cpu弱（但係又好順真係再用耐點先知）

用開NOKⅠA智能手機（舊款機）十分不智能所以換了這款機，因為發覺他的功能十分強

大，可能有人說和同期機硬件比不突出或差一些很普通，但在SONY的整合下它的順暢和穩

定真是喜出望外，亦十分同意SONY暫不出4核是要有好硬件的平行（双核都很食電4核真

是…），而它的強我覺得是在速動其他產品如電腦和電視，它可在同一wifi網絡下速接電腦

和使可電腦內的資原和在電視無線播放真係十分方便和神奇，而接上hdmi線後可用電視摇

控控制手機這功能對多媒體十分好用（要有hdmi sync至得），再接上無缐鍵盤更像部

netbook，覺得可能這未來智能手機的方向。