Sony Xperia Z

評測報告

實拍照片

1. Mobile BRAVIA Engine 2 加強影像質數技術, 畫面顏色自然, 細緻度好高. 真係好靚~
2. 電量今次有驚喜, 以前一般使用, 一日真係好Mud. 而家番到屋企都仲有一半電.
3. 電源管理加入 stamina模式, 可以set指定app嚮熄左screen備用時間,仍然可以繼續運作, 好實用咁幫到慳更多電之餘, 又唔怕失去聯絡.
4. 今次walkman加入"clear audio"技術, 聽歌真係好靚聲, 層次感豐富, 而且個bass好夠力, volume輸出亦都好夠大力~ 照顧到對音質有要求0既用家.
5. 相機加入左好多DC既場景功能, 可以用美肌拍攝, 好多唔同0既濾鏡可以用, 亦都有高級自動功能, 偵測場景都好靈敏。
6. 日系清新簡約設計, 機身修長, 而且真係又輕又薄. 佢好細心咁將個開關整嚮右手邊中間位, 方便用家按.
7. 按功能鍵可以見到sony個小工具, 幾實用又方便, 有計算機, 又有我平時開會用0既錄音機~
8. 速度真係好快, 開左好多app都好順, 平時用task killer, kill完app完佢有成12xx mb. 真係唔錯~~
9. sony自家天氣同個control panel 又簡單又靚又方便,咩都可以一次過嚮上面set.
10. 機面右上角0既提示燈, 方便提示有Miss call. 有message收到, 充緊電情況等等~

1. 由於防水防塵, 機身周圍0既插口, 都要用蓋掩0既設計, 由於我一出門口就插耳筒, 番到公司收番耳筒. 就插叉電, 出到街有時又插外置叉電, 其實成日要掩來掩去, 有電話黎, 接左電話又要叫人等等, 我要插番耳機, 不過唔係一插就得, 要liu開個掩, 其實真係幾麻煩, 而且亦都好怕之後一直都係咁0既話, 個掩會鬆. 怕整爛佢~
2. 影相質數我覺得同之前TX都差唔多, 只不過見到影出黎雜訊真係抑制左, 同上一個師兄話斎, 有少少油畫feel. 感覺好似只不過柔化左姐~
3. 開相機要load好幾秒, 有d慢..
4. 佢實在係一塊前後鏡咁, 真係好易留油印, 手指毛印, 變相我真係不其然要一直用眼鏡布不停抹住, 情況就好似大商場個大型玻璃門一樣, 哈哈~

之前由xperia S轉TX, 之後轉左lumia 920, 而家再放左920同TX, 轉左呢部. 點解轉呢部原因我真係用唔習WP8個平台, 佢真係好靚好快, 不過冇速成同好多app都冇. 後來見sony推呢部Z, 比個廣告吸引左~直至落埋訂, 咁就好順利成章放左920. 覺真, 我個人感覺, 我到而家都覺得920個機款型好多, 影相800萬像出黎我覺得仲靚過Z~好多驚喜, 連收機佬佢地都話, 920係一部好0野, 只不過個WP8 仲未成熟, 又冇咩app. Z唔係一部唔好0既機, 佢真係都好好, 只不過, 我好掛住920果個好多0野覺得好創新, 比到我好多驚喜0既感覺., 呢部我感覺好似用番我部TX,只不過長左., 薄左闊左, 雖然佢覺到影相係Z主打功能, 不過冇咩驚喜, 有少少雷聲大, 佢0既濾鏡功能, 而家有太多app可以代替, 反而好想sony實實際際好似nokia咁有誠意出個pure view技術仲好~ lumia真係好型, 聽歌又有杜比又靚聲, 起初真係估佢唔到咁靚聲, 所以我而家仲好掛住佢. 我個人覺得Z今次比我0既驚喜係個 walkman 個 pure audio 真係幾靚聲姐~ 所以總結, 嚮nokia仲未有更新0既型號, 同WP8 仲未加番速成0既時間, 黎緊htc one出, 我會放Z, 出one喇~

外形討好，Mon顏色好自然，無三叔咁搶，隻眼會舒服啲；
耗電量都比三叔好！

用咗幾日，最頂唔住係超野塵，可能因為塊所謂強化玻璃令靜電曾加所至．

都無後悔，因為個人很想要部型仔嘅防水機，市場別無他選！

似乎係一部揉合而家最update配置、功能於一身的旗鑑機。
個人感覺mon既色彩清淡但討好。
款式簡約，造工唔錯，防水尤其防塵係好優點。
電話繩位抵讚。

或者在缺點方面我就講多少少laa
mon聲稱5寸，減去虛擬鍵，實際變成4.7寸；
電力我尚可接受，但係開一些apps不消一會就好熱，直頭係燙；
Sony既介面需要時間習慣；我係認為呢方面samsung做得更好；
防水蓋設計…確實都同時帶來不方便不美觀。
所謂雙鏡面，卻外加一層膠膜，感覺只係雙膠面而已，比當時ip4的感受差遠了…
內置相機是失望了，啟動慢，畫質太油畫，說是1300萬像，全畫面16:9卻只有900…

由ip到note到z，最滿意既係個mon，畫色紮實卻唔會係過火的濃豔。
機身輕巧番好多，少左一份累贅，卻仍然有大mon既感受。
不過總括黎講未有太多驚喜。如果唔係急需出機，當然想等埋s4, one, 再作比較了。

5"mon 加上輕巧機身，單手觸得穩兼可控制，開關制位置就手。
日系風格，機身紮實。
預留手繩穿孔位置。
1,300萬像相機。
快速充電。
聽歌音色不俗。
防水。
擁有多個制式的4G。

防水關係，sd卡、sim咭、耳機位、usb位全部加上保護蓋，聽歌、充電全部要先拉開保護蓋，有點條條fing感覺。
如果使用保護殼，用原廠差電座充電時，必須除保護殼。
電量不足，(只係上FB、Whatsapp、聽歌) 難以應付一日需要。
揚聲器音質差。
相機質素普通。
論屏幕色彩，仍不及上一代三叔，如NOTE。
機身易有手指印。
通話時，音量最大，依然細聲。

‧用了四天，關機後，不能再開機(睇返原來有ching都有同樣問題) ，立即到分銷商換機，竟說SONY代理規定，凡啟動不到的手機，必須在購買日七天內帶同手機到代理維修部檢查，證明並非人為因素，才會發出一張準許換機證明書，再將換機證明書及手機，帶回分銷商換機，由於我所購的是紫色，暫無貨，再要等供應商返貨才可換，電子產品有損壞，不足為奇，但售後服務這一環，卻是有迫切的檢討地方。
‧本人Smartphone 用過一部 SE，兩部三叔，對上一部係NOTE，難免有比較，論人性化設計來說NOTE明顯比較貼心，例如來電及通知聲音量可獨立調校，但Z就不能。一次過可停止程式運作，N就要逐個程式去按。
‧用開第一代NOTE，論屏幕色彩及鮮艷，Z郤未能超越。
‧揚聲器音質方面比較差，如果睇片不用耳機，實在難以接受。
‧跟機的入耳式耳筒MH-EX300AP，聲稱價值>$300，如果要比錢買的，以差不多的價格比較，卻有其他品牌比它出色，但以跟機送的來計，卻又物超所值。
最後我會用盤菜來比喻Z，供能應該有的都全部堆砌到此機，但味道質量卻有進步空間。

- 4G LTE
- very good display (compared to Samsung S3 & Note II)
- Sony's OS is at least as good as HTC
- very good sound quality (not less then HTC's beats)
- camera is a leap forward than 800 mp

- not replaceable battery, battery lasts too short
(I can watch the power % is dropping just after opened & closed some small apps)

No phone is perfect, I just compared to the other models in the market:
- display is much better than Samsung, not just pixels but the color quality as well
- having SD card slot is better than HTC's butterfly
- multi LTE channels, no need for wait too long like like Samsung (alwasys 3G first, then 4G, painful in waiting)
- big screen than iphone 4/5 (I originally loved iphone)

Only drawback is the battery, I buy a external battery pack.

部機超正！聲音靚！

電好快用完！

我之前用note 2經常 hand 機，又大部放係袋唔方便！