Sony Xperia Z Ultra 3G

評測報告

外表正, CUP勁, 大芒舒服, 吸引途人目光, 製造搭訕機會
電量對我黎講都足夠
(今日74%開始, 由15:00玩到翌日04:00, 上網, Whatsapp, Wechat, Youtube,
試電影, 4鋪PAD, 15mins講電話, 仲有23%, )

缺點: PAD顏色過份地核突!!!
系統及瀏覽器觸控唔穩定
喇叭細聲 (睇片定來電都係)
打字需比較用力

***以下純粹個人心路歷程與經歷, 如需參考小弟愚意, 請直接到下方觀看
不便之處, 敬請原諒


先講講小弟既手機歷程, iPhone1->2->3->4->Note1->Note2--->以下經歷

早排因Note 2出現問題, 就打算換機啦
(男人買新玩具總要比自己一個理所當然既藉口)

既然搵到個咁靚既原因, Note3又未出, 女人又唔係身邊, 當然上網做下資料搜集啦
開頭既目標係HTC ONE同G Pro, 但突然見到z ultra (以下簡稱zu)上海發佈會既內容
即刻眼前一亮, 其後就不斷搵搵搵, 睇睇睇, 問問問, 有條友就答我,
挑~岩岩先發佈...有排啦~
就係咁, 我既焦點就放返係HTC ONE同G Pro身上...
當兩者比較後都傾向HTC One (外表呀馬...男人...你明的)

但最終...係百記面對佢地果陣...我都係比G Pro個靚芒吸引左
(原來內在美對我而言更重要的XD)

當我擁有左G Pro後, 覺得LG真係好有好有誠意
成部機都好方便, 內置設定已經可以取代到好多app...以下省數百字
但係我同佢熱戀左一段時間(1日), 佢既脾氣最於顯露出黎啦...
有次我同佢答巴士, 咁我就好慣例咁打PAD啦(轉珠Game), 點知轉一次冇1%電
下...咁我一日最多咪只可以打100鋪囉!!
經上既事發生左次後, 我同佢經已埋低左條導火線...
亦因為咁, 我會成日望下個頂既耗電量, 點知...我發現佢會情緒化地收唔到
我以為3台問題, 換數碼通張於試...一樣...
wtf...呢樣野我真係接受唔到, 去返百記換部新既, 點知新果個都係咁...
我對佢既愛就咁慢慢流失左啦...
功能勁過張智霖都好, 作為電話連基本都做唔到...做唔好...88

就係咁...我個心又飛左去zu到...咁岩我收到wilson Email, 話19號有zu試玩會
而且月底就會開售, 即刻同G Pro係咁睇zu (擺明比"面色"你睇, 收唔到呀啦.\"/.)

到左今朝又上網睇下zu幾時到, 禁下禁下見到..."現貨現已發售"
即時換衫飛落旺角, 當我用對手玩弄佢既時候, 佢既外貌真係搞到我...
(G Pro: 色迷心竅)

比部白色新既我唔該!!
(G Pro: #%@&^%*&^#@#)

返到屋企電都唔差就拎黎玩 (叉住玩怕爆炸XD)
佢真係...好大呀......(男人, 別想歪)

但問題又黎啦...我開PAD既時候, 佢d色真係衰到我唔想玩!!!
又話~~靚“芒”是怎麼煉成的~~
又話~~6.4 吋全高清屏幕機~~

我即刻拎G Pro出黎比較....wtf!!!! 差咁遠既!!! 連內置試機片都冇G Pro咁靚
仲有仲有
用唔同既瀏覽器上網都有同一個問題...當你碌佢既時候,
佢一係好敏感咁入左link, 一係就係咁自己放大縮細
仲有
我係室內光線充足既環境下影相都咁油畫既...直情好似返左去Sony Ericsson年代
唔係玩野呀馬...所以我聽日一於踩上專門店問問先, 問完話比大家知=]

優點: 外表正, CUP勁, 大芒舒服, 系統流暢, 吸引途人目光, 製造搭訕機會
電量對我黎講都足夠
(今日74%開始, 由15:00玩到翌日04:00, 上網, Whatsapp, Wechat, Youtube,
試電影, 4鋪PAD, 15mins講電話, 仲有23%, )

缺點: PAD顏色過份地核突!!!
系統及瀏覽器觸控唔穩定
喇叭細聲 (睇片定來電都係)
打字需比較用力

***可能我部機係萬中無一既壞機~~勸各師兄試真d部機先科水, 心急未必好事/0\

1. MON. 比Z好三倍以上，同樣平放立見高下。
2. 鋁框加超薄設計配上 6.44吋IPS MON. 感覺同以往SONY機係有不同，好左。
3. 防水耳筒位終於無左個蓋
4. 鋁框令手感不錯.

1. 電.
2. 聽筒聲音比Z差。音量也小了很多 (對方話聲有點空洞)
3. 中文輸入法，字庫有問題，有些不常用字會排到前方。
特別報導. 今日買埋佢既充電座. DK30. 簡直混醬!!
1) 充電器與電線是連為一體，無法分離，即係電線位無得換，長短無得換。
2) 佢一條坑俾你隊部機落去，送左兩個SIZE既槽，一個係預你無用套，一個預有。
但兩個套你都咪洗指意一放落去叉到電，跟本唔知邊個位，有磁力痴住唔等如叉到，到慢慢前後移動搵佢個兩點連接點，好似碌卡咁將部機碌上碌下。
佢預你唔用機套個個太緊，我碌幾下，MON面貼已出現氣泡。
預你用機套個個勁鬆，但一樣對唔到位，因我無用機套，對到位一放手，歪左....差唔到。
呢舊野我唔知邊個天才諗出黎既。好野!! 245元，嚴錢腥朋友不妨一試。(推薦度: 負3星)

個D咩無補光燈/800萬像相機不作為其缺點，而CPU既實力亦不作為其優點，因為:
買得就預佢無補光燈，你買左先知呀?
用得六千幾蚊既旗艦機，就預左佢快，因此快不成為其優點。

係出機之前，我已經上過MOBILE01, HKEPC, RINGHK, EPRICEHK, ENGADGET, 等等網站詳細參考，都無話佢用電情況係咁淒美!!!
俾大家做個參考，我七點半叉到100%拎出街。
省電模式已開, 關閉屏幕時，待命軟件如下:
kkbox, whatsapp, gmail. QQ, Airdroid.

七點半出街，駁藍芽耳機，聽歌. (歌曲LOAD定，不是串流).
其間玩QQ及WHATSAPP. 總共發出訊息不超過50段對話. (約我發25段，接收了25段)
九點半. 只餘下79%!!!!!!
仲有個重點我未講, 我只係插左張2G 咭入去.... 其間無上任何網頁. 只是訊息互傳，MON亦無長著。 只係開藍芽駁耳機聽歌!! 同手多多LOAD左一個APP咁大把. (18M)
what the fuXX?!

Sony 既機我知不嬲燒電，會隨往後UPGRADE好轉，但都未試過如此淒美，如此混醬, 咁你叫我點出街用一日? 咁大部機，即係著MON要插尿袋? 玩EVA咁玩，一出機時間就倒數呀?

仲有，佢個聲效加強MODE, 開左變大會堂演奏廳，難聽到痺! 我關左佢即時好好多。
不過佢實在太大部同太薄，雙手打我係地鐵剎車都跣手左兩次。

但部機外型同手感真係好正，我....依然推介....
只係用左呢部機，相信尿袋變為必需之物! (正常用量既用家都一定要帶上)

我未試插張3G咭入去，試埋，可能會係度改個報告為不推薦亦未可知。
--------
今日更新:
我用左張3G咭，十點半拔電，光度調為約20%.
全日出左兩個鐘街，亦無連接WIFI. 全程用3G上網。
上網睇網頁約30分鐘，無講電話，QQ, WHATSAPP時間加加埋約1小時. (預多無預小，實際約45分鐘)
四點四十五分，電池: 27%.....
呢個都唔係致命，我發覺佢同Z一開始一樣，我關左部機，開左電源節約，佢都會一個鐘跌2%.
我觀察多幾日，依家好大機會我會改為不推薦....
------------------------------------------------------

用左幾日，電量正常番喎，唔知SONY D機攪乜鬼，之前部Z都係咁，依家都頂到一日既，八點零無電。算拉. OK. 我諗會越用越好。

一樓個位CHING，你講到佢一文不值無優點，但缺點TOO MUCH，咁都唔係問題，但你部Z真係有咁慘痛既經歷，你仲走去買ZU, 咁睇怕你問題大過SONY問題喎。