優點:
-電力強勁,基本上唔洗帶尿袋出街。
-穩定性高,雖然冇S8XX CPU咁快,但穩定真係好高
-前置喇叭音量超強
-5.9吋金屬機身外觀超型
-相機硬件雖然唔強,但相機對焦快,調節靈活高
-狂打機都好少熱量
-5.9吋mon,但冇虛擬鍵,讚!
缺點:
-好重
-太大部,落住佢行動唔太方便
-配件太少
-原生介面好死板,冇LG個d咁生動活潑。
-相機像素太低,影路牌文字會矇查查
-鏡頭玻璃好容易留指紋 (不過都好容易沬走)
-拍攝動態範圍唔夠 , 用HDR等於過曝而唔係增加動態範圍。
-配件少加上冇得換電,我諗用多2~3年一係去HTC維修部換電一係換機。
評價:
見仁見智
如果你做勞動性工作既人,我唔推薦呢部機,因為真係好大好重,會令到你行動唔方便。
如果你做文職,呢部機幾好用。呢部機,打機,上網,睇片,發熱量都好低,電力強勁,音質同晝質都好靚,絕對適合文職人員空閒時娛樂使用。
影相,雖然我指出像素太低,動態範圍唔夠呢d缺點,但佢對焦快,調節靈活高呢d人性化的優點,已經足夠彌補佢既缺點。1020冇錯拍攝質素係好,但唔夠人性化已經扣左唔少分。
另外,大家可能都會擔心過多2~3年冇零件for佢維修,但人會進步,過多2~3年,就算係全新htc one max,呢部機都未必夠你用啦。當年S2同iphone 4幾風光,而家又咪係5~6百蚊街貨。