我部係4G RAM+64G ROM
性價比超高，抵用。功能又多。
附有快速充電器。
用上嚟都算非常之暢順。
仲有就係非常之多唔同嘅band，如果你經常出外就非常之適合，好多國家都用到。
還有華碩差唔多個個星期都有update。

缺點其實唔多:
首先係收音機音質差，仲要係mono！好彩mp3播放屬於正常。完全唔明白點解收音機係mono？整埋stereo成本多幾多呀？
另外本機最大敗筆係長按關機制可以隨時關機，就算你鎖咗畫面都係咁。呢個設計簡直係黐綫。其他牌子機長按關機制之後要再在畫面選擇"關機"先可關機，但佢唔駛，佢只要長按關機制約5秒左右就會自動熄。導致有時放在褲袋，無意中壓到關機制就會自己關了機而唔知道。非常白痴！搞到我現時一定要部機向上放，唔敢向下放，如果向下，個開關制真係會壓到褲袋裡面啲銀仔或鎖匙，無緣無故熄機。
另外就係畫面比較暗，就算校到最光都係比其他機暗。
機背比較難開，説明書又寫得好唔清楚，開兩次就花。
最後係換唔到電。

唔明白點解好多人都話佢食電，我完全唔覺。比起我舊時部sony(就算係新嗰陣)都好非常之多。例如出街8個鐘，出街前100%，中間有用，打電話，上網，聽收音機等等，但唔係不停咁玩，返屋企都仲有70%，非常合理喎。如果舊時部sony我諗50%都冇。

另外有人彈佢影相差，我亦係完全唔覺，可能我冇特別要求，但係影相真係唔覺佢差，非常之合理。不過佢嘅顯示就的確係比較暗，而且顔色唔係咁鮮艷。

我建議華碩真係要改改個關機制，我見過或用過嘅機都冇一隻咁白痴，希望佢嘅update會改善呢個問題。

另外我建議大家買64GB而不要買32GB，雖然你可能話唔需要64GB咁大，但係64GB版嘅CPU唔同嘅，係快啲嘅，而且附送快速叉機，淨係呢兩樣都抵返個差價有餘。

Specification 很強而價錢不太高
隨機已配備很多APPS，如果合心水可以省卻安裝新APPS的麻煩。
可以鎖APP和限制APPS自動開啟

耗電大但無得換電
SIM2只有2G
拍照質素一般
有行64BIT的能力但未配有64BIT的OS
隨機已配備很多APPS，如果不合心水會很麻煩地去刪除。

這部機自推出以來，好評和劣評參半。不過能夠引來很多打手圍攻，這部機的高性價比可能是主要原因。這部機用起來很順，而且有齊很多功能包括快叉，NFC，GPS，而且經常有更新改進性能，附上的APPS中亦有管理APPS自動開啟及清理記憶體。這些都是這機正面之處。

不過這機耗電是一個問題，更大問題是不能換電池。如果用這手機早上上班玩一粒鐘，中午食飯玩一粒鐘，返屋企路上又玩一粒鐘，電池係夠的。但想玩耐些，平時需要記得手動去清理記憶體去加長電池使用，或者在公司內不斷叉電。某些省電模式更會停了WIFI，要搞成咁去延長電池，感覺有些辛苦。

眼見ZENFONE SELFIE可以換電而SIM2又唔止2G，令人對ZENFONE2在這兩方面有點失望。

即使是這樣，這部機的性能好，而且廠家不斷有更新，令用家對產品有希望。

性價比高，二千多港元有4GB RAM，64GB內存，比得上三四千元手機

我一向好支持華碩品牌，但此手機小毛病多，雖然有4GB RAM，但ASUS一大堆垃圾APP佔去了大部份空間，一隻ASUS launcher就佔77MB，反映設計不夠周全，品質有待改善。

我一向好支持華碩品牌，我買此手機第一日，第一個問題就是打不開機殼入SIM卡，搞了兩天都不成功，氣死！只好帶去維修中心開苞！我問過維修中心職員，他說好多客戶都係打不開機殼！我想去華碩放在YOUTUBE的留言區留言，卻不準留言，好明顯很多人遇到此問題，卻被禁聲。我用此手機一周之後，充電器就無法充電，我又被迫再去維修中心，原來只是充電器頭鬆了一些，接觸不良小毛病！維修員一拍就好！氣死！我個人較喜歡大Mon的手機，建議ASUS推出性能強6吋以上的手機。

覺得價錢 OK LA
介面都唔錯

太多無謂 apps 機背自已run，最慘就係，手動關左，自己又會彈出黎
間中sim 1接觸唔到 (用1010，有兩部電話對比)
間中data 斷下斷 (用1010，有兩部電話對比)

後悔買左

1. 4GB RAM令人心情好
2. 繁體字順眼，整體設計一流，感覺流暢
3. 快速充電

1. 機內最大問題是電池：用得快，不能自己換電池，易故障
2. 重，重心不平衡，手易疲累，對健康不好，且易跌，買機首3日已跌了2次，用慣輕機的人要先適應
3. 拍照沒有相象的好，勉強可接受
4. 客服維修

用了近4個月
首幾日：暢快，但重，手易累，一得必有一失
首一個月：適應了重量，上手不錯
第二個月：手指開始不適
第三個月：電池故障，令屏幕感應出問題，因為用於辦公，沒時間備份和清洗資料去維修，勉強用

平，以2499 买到大MON ， RAM足够

1 太重 2 滑手易跌 3 聲音細 4 維修服務極差, 0 分

用了一个月， 小孩拿手機時不慎掉地上， 濕水，馬上用紙巾擦乾關機，風筒冷風吹，乾燥劑（吸濕大笨象）乾燥一晚，然後送維修。兩天后回复零件全報廢，維修費用2800元。保養不包進水可以理解，但說所有零件全壞， 難道ASUS手機是用垃圾/回收零件組裝的？
還是根本不想維修？

我的IPHONE 5 掉入小水池，1米多深，花幾分鐘撈起來， 吹乾什麼事也沒有。 Moto 也是， 沒標示防水，掉水里撈起來吹乾，毫髮未損。
結論：一分錢一分貨。

2500看似性價比高，其實扣除維修保養（０分），壽命一個月，按一年壽命計算，　其實超貴。

平抵用，夠快。

電用9小時快無電。

用咗半個月，真係抵買，相機也可以自己set唔錯，本來想買三叔及so，好彩無買錯，$2000內有如此功能真低。

以$1500二手價購入，好順反應快過2G ram 好多，同用四千蚊機冇分別。

熱，用電快，影相一般

抵用，好順有4G ram，仲可以插卡，一定夠用

性價比高,兩千三唔洗就64g容量,閃光燈夠勁當電筒用一流

處理器相容有待改善,app經常彈的,影相真的麻麻放大起格非常嚴重,电量最多大半天尿袋必需的,聽歌不要有太大期望,同一耳机和主机z3一比立見高下,4g ram本是優點,但內置app太多吃了一大半,得物無所用

當副机粗用它一流,64g容量兩千三唔洗你想點呀,但當主机就不建議哪,不計电量要尿袋和影相聽歌,單是彈app已不可接受了,希望官方及早改善,不言加幾舊出s801机更好,如E8 水貸G3,
我有少少中伏感

部機真係好抵，夠快，好流暢，手感也不錯！
外形也討好！

基本上用大半日已經無電！

如果外出一定要用power bank
但用power bank 時部機熱得好勁！
所以要考慮返自己的用機習慣！
如果經常由早到晚不在室內(or 有位差電的地方)！
真係要考慮一下！
(上星期去旅行用佢真係有點中伏feel)

否則都值得買！