優點:
1- 芒靚, 有 dolby vision. 睇 netflexㄧ流!!
2- Quad Dac冇得頂! 連音質差嘅MP3 得可以提升
3- 影相好多野玩. 畫質有一定水準. 重有個超廣角, ㄧ般影相收貨有餘, 夠方便. 但唔好同相機比較.
4- 電量算唔差. 日常應用足夠一日. (下面有分析)
5- 保留 knock on開關, 指紋辨析响後正中位置
6- 散熱加入 heat pipe導管!! 可以唔洗再擔心boot loop問題.
7- 底面都係全平手機, 鏡頭都冇凸出. 可以放平响枱面打機打字
8- 外形靚仔咗好多.
9- 3防手機. 可以唔洗帶套. Free 晒!!
10- 兩年保. 放心得多
缺點:
1- 取消紅外線. 冇咗remote App. 個人覺得好唔方便!!
2- 取消多張相片牆紙. 冇咗LG特色!! 加入360相同影片牆紙對我個人唔吸引
3- 18:9屏幕呎吋唔吸引. 闊度同5.2" LG G2 ㄧ樣.
4- 冇得換電. 十分可惜!!
5. CPU 唔係835
6. 芒偏藍, 用減小藍光功能黎調色, 就好似加左块黄色濾鏡咁. 好唔自然
評價:
我係G4, V10 用家. 三部G4(自己, 仔女各一部) 分別用咗年半至兩年都死咗la. 老婆用V10 用咗三個月因update 有問題 firmware死機. 換過一次底版. 用到現在快兩年都重用緊. 再買G6 係因為加咗heat pipe又有2年保先買. 用咗G6三星期. 我覺得男士用比較細, 18:9睇 youtube有黑邊. 部份遊戲用18:9會拉長. 但女士or手細嘅人用就一流. 如果有多D女性化色重好. CPU 唔係最新, 但用落都好流暢. 除非你追科技, 唔係別分不大.
如果你比我再簡一部現時旗艦機, 我都會買G6. 個人覺得三叔S8 外形靚, 但功能唔啱我. 左右兩邊曲面睇落部機重窄, 好似4.5" 芒闊咁, 太細la. S8+ 好D. 但價錢功能另ㄧ個問題. Sony 外形最靚. 但4k芒好食電. 影相質素唔得. HTC U11 功能影相都好, 但外形我接受唔到. 重要冇得插耳機. bye bye.
因冇得換電. 我特別留意電量. 以一個鐘頭計(因各人有不同, 只作參考):
Youtube 10%
遊戲(Ace fishing) 15%
Wifi上網睇新聞 5%
影相(半個鐘) 15%
期待V30 可以換返16:9同改善問題. 我會買V30. G6 比個女用最適合!!