Huawei Mate 10 Pro

1) 影相靚, 對焦都快, 人像前後景深都自然, 什麼光圈唔講啦,好多人唔識, 但
放落電腦睇靚就夠
2) 電量比IP7+ 好太多太多, 淨係快充＋
耐量用已經值得轉機, 4000 mah 電,
唔係得個樣, 中度使用, 得閒打下機(唔係
成日打,我玩靚畫面既7騎士及傳說), FB,
IG, WTSAPP, WECHAT, 上網等等, 十幾個
小時使用仲有電淨, 唔係吹水!
3) MON 清, 色水自然, 18:9 , 暫時無Apps 係出現黑邊, 修長機身, 手握感很好
4) 藍色黑色機身真係很靚
5) 無諗過都有幾多主題( 原生主題真係唔靚仔)
6) 6 GB RAM + 128 GB ROM,夠用有突
7) 打機同我部機IP7+ 一樣咁順 ( 玩傳說都係咁順, 睇唔到有分別)
8) 終於可以再DOWNLOAD 片落黎睇啦( 但呢個唔係華為專門既, 而係
Android 開放安裝第三者軟件既效果)
9) 雙SPEAKER 夠大聲, 但啲聲比IP7+尖
10) 唔洗再用ITUNES 過野, BACKUP, 起碼最基本,我聽到你隻鈴聲好好聽, 藍
牙SEND 比我都用到先啦
11) 指模解鎖真係好快, TOUCH 一下即開, 手指有少少水都過到, 掂!
12) 有防水

1) 鈴聲使用時啲聲會變尖, 不能使用原檔音質 (唔知係咪我唔識用)
2) 不能調較震動強度, 不論觸控OR 來電鈴聲
3) HKD-$6080 買既, 貴唔貴見仁見智啦
4) 行街買配件選擇比較少, 但淘寶都有好多
5) 收音太勁? 搭車時反而有時錄左D 行車聲, 而聽唔到自己把聲? ( 但只
係好少發生)
6) 無3.5 MM 孔, 但我用開藍牙, 無乜所謂
7) 內置既螢幕錄影功能係癈既， 低解像度又疾，仲要無setting ( 但呢個功能可有可無， 而iphone 既螢幕錄影真係堅順堅靚 )

1) 我之前用HTC M7> LG G2> SAMSUNG S6> NOTE 5> S7 EDGE 128 GB> IP7+ , 現在主力MATE 10 PRO + 副機IP 7+, SO FAR 第一次用國產機,仲要係6千蚊, 本來有啲掙扎, 但用落真係唔錯, 機身靚, 電量充足 ,感覺安全可靠。 我有時IP7+ 唔記得充電出門, 真係有種怕既感覺 , 充電慢到嘔, 用電又快, 基本上得返40 % 電時已經好無安全感, 而呢部華為本身粒電大, 充電都好快, 好有驚喜, 同埋部機都好順, 同IPHONE 真係有得FIGHT, 但公平啲講, IPHONE 開APP 真係快啲既, 但IPHONE都有好多缺點, 所以用返Android 真係有種被解放既感覺, 以下有我用IP 7+ 既評論: http://www.dcfever.com/phones/readreviews.php?id=2483

2) 有諗過買NOTE 8/ HTC U11+/ LG V30, 最後買華為, 因為想試下國產牌子華為既mate10 pro 憑乜野咁大膽賣過6千大元, 同埋唔想綁死自己用***(近幾部都係***), 點知用落覺真係唔錯, 幾好用有驚喜, 當然再平啲緊係好啲, 但如果你對4 GB RAM 及比較闊既機身唔抗拒既, MATE 10 ( NOT PRO 版) 會比較適合你, 高啲解像度之餘，而且仲平千幾蚊

1. 很順, 之前主要用三星S同Note系的手機, 明年比三星順很多, 比Note8都要順
2. 沒有發熱及reboot的情況, 打一兩小時遊戲手機都可以保持正常溫度
3. Leica 鏡拍攝質素很好, 大光圈夜拍效果明顯
4. 電量出色, 用一天(8-10小時)沒什麼大問題, (高用量用家)
5. 外型及設計很好, 本來考慮Note8的, 但感覺真的太長了, 呢部真係岩岩好
6. 雙卡支援4G, 現在很多大陸卡或旅遊卡支援4G, 雙4G可以不用把主卡換出

1. 不支援記憶卡, 不明白為什麼不跟Mate10一樣可以選擇用雙卡或用SD card
2. 影相是很好, 但日拍比Mate9分別其實不太明顯, 而且人像模式美化效果太強,顯得得有點假 (可能對其他人來說是一個優點....嘿嘿..)
3. 螢幕光度不足, 比之前的Mate9其實有明顯分別, 在室外太陽下就算把光度調教去最亮有時也是看不太清楚(應該是amoled的問題)
4. 真的有點貴...

之前一直都是用三星的手機, 其實問題真的有不少, 發熱, 自動熄機, lag, 用電倒水由S2,Note2, Note3, Note4, S6, S7...一直如是, 上年試試轉用華為Mate9, 所有問題真的得到解決, 用過的人都應該會明白, 整體的使用體驗唔係話分開來睇有咩優點缺點咁可以表達. 講真, 係返唔到轉頭, 好似呢部開價賣成6千幾, 我諗好多未用過Mate系的人都會覺得痴線, 咁的價錢買部大陸野, 不過用開的人都應該會知道係真係貴, 不過都會買.
其實之前部Mate9真係可以繼續用, 唔換, 因為真係用左一年係無問題, 唯一的係我想要用雙卡, 64gb又唔夠我用, 影相夜拍又真係唔多得 (Mate9 光圈係F2.2, Mate10 pro 係1.7F), 所以真係都考慮左好耐先換.
之前用開的三星機, 講真, 用左一年後真係即時留意新機動向, 唔駛諗一定要換, 因為真係問題多多, 又lag用電又快, 換機的需求好大.
華為機其中一個優點係真係好耐用, 我朋友部Mate7用左兩年, 都係諗好耐先換Mate10 pro, 因為真係無乜問題啊...

鏡頭好, 但相機軟件差.

英文鍵盤竟然無提議字,
語音助手竟然只懂打出電話. 莫說同samsung, iphone比, 連國內版都識創建.
視屏顏色恐怖
電流唔覺好慢, 關冇用的apps

只到中階機水平但賣高端機價錢. 同note 8, iphone8 無得比

買asus zenfone 好過, 起碼平, 功能一樣.

原來華為唔識英文嘅.怪不得美國唔俾佢上台去呃錢.
大陸嘢還是停留係呃錢階段.

優點已畀其他師兄講嗮，電量真係超級耐用 ，相機亦冇得彈 ，其他都唔使我補充……

1，冇3.5耳機插窿真係唔方便 2，信息通知音冇得較大細聲超級唔方便 3，唔可以插外置卡

之前幾年由nokia到用3叔D機，一路都覺得幾好，見越來越多同事轉用華為，自己亦想換機就買咗部，用咗幾日真心覺得唔錯，打機，上fb全部都好順又唔熱，掂！！！

電量持久

硬係覺得佢個menu有土味， 好似啲老人機
除了 標榜 影相， 冇其他賣點， 但佢影相 又唔係話真係 最高班， 其實同u11 或 s8 差不了多少
如果對比番個賣點 算係貴

借人哋部機玩咗兩日， 真係覺得麻麻 而且以前 也買過佢 華為mate 7， 玩咗一陣間就放咗， 硬係覺得佢老老土土似老人機， 影相又唔係超班， 現今次佢出新機 就借嚟玩下 原來同以前差不了多少， 最緊要 係沒有什麼賣點

1) 電真的很長，充電快且唔熱
2) 操作非常順、快、穩定
3) 接收力強兼好快囉返網絡訊號
4) 通話極清晰，嘈雜環境細細聲講對方都收得好清
5) 影相非常高質，顏色及色溫準確度不錯，低光環境下暗位同光位細節好好

1) HDR無自動
2) 原裝中文手寫輸入低能，不過問題好易解決，download個google粵音就得
3) 無3.5mm，真係無咁方便

身邊用過華為機的朋友同事都讚華為，我之前由用Apple, 到Samsung Note系列，到Google親生仔。在上年11月尾Mate 10 Pro出港行時便即購入試試有幾好。
優點如上述，其實好多評測都講過，我只係親身印証，用後我亦推介了給老婆、女兒、同事朋友。這個世上沒有無敵的機，對於日常商務需要及對拍照有要求，Mate 10 Pro目前我用得十方滿意。