Samsung Galaxy Note 9

評測報告

實拍照片

機身做工紮實(應該啦賣到咁鬼貴)
Samsung pay俾錢係方便嘅
當時我買有五舊水八達通回贈係吸引
影相算可以啦(個相機hang機嘅時候)
喺出面大部分旗艦機都冇得插外置sd卡嘅時候，三叔有係一個好大嘅賣點(開頭我亦都係因為咁所以買)

系統極不穩定， 經常出現無法顯示圖像分析， 打上三星客戶服務熱線搞足兩個星期試過任何方法都係解決唔到， 最後我要將手機重置，所有資料，app，要由頭裝一次先至冇事！


另外一個最嚴重嘅問題就係個相機會成日窒機， 即係當我想影相嘅時候佢會凍結咗喺一個我捕捉緊嘅畫面， 而禁唔到快門，相機板面完全冇反應， 退出相機關閉再入返去隔一陣又係咁， 要重新啟動電話先可以暫時解決！


藍牙又係非常古怪， 同我個jbl藍牙耳機完全夾唔到，經常斷線，我初初以為係我個耳機壞， 但我而家用mate20X完全冇問題！


Note9佢嘅原生手寫輸入法設計極之古怪， 當你喺輸入嘅位置手寫輸入時，佢會喺你手寫嘅版面一直出現文字，你寫幾隻字當然冇問題，但如果你有一大段文字輸入佢就會喺你手寫板嘅位置出現所有你所輸入嘅嘢， 變相令到你可以寫字嘅地方越嚟越少！呢個設計簡直係極之反智！

電量唔好想像中咁襟用， 電池係加大咗， 但只能夠勉強用一日，有時放工都要叉叉電先夠膽約朋友食飯


垃圾app都係一大堆， 但又唔畀你剷除


曲mon！！！完全唔知邊個蛋散發名曲mon呢樣嘢， mon貼極之難買， 用到兩舊水一張uv貼，最多只能靚靚仔仔用到三兩個星期， 之後又係起白邊！


唔知呢個乜鬼嘢快充， 叉電慢到嘔


部機用起黎真係好熱， 可以講得上係熱到辣手， 有個note7嘅陰影，放褲袋真係好驚

申利！我絕對唔係打手，如果我係打手畀雷劈， 我所發表嘅全部都係我便用之後嘅感覺！

講番部機， 大佬呀！你賣到咁貴！唔該你畀啲誠意好唔好！ 個系統有問題， 相機又有問題， 淨係呢兩樣嘢都死得啦， 我由華為mate 9轉過嚟用note 9 呢兩個月真係用得好痛苦， 啲人成日鬧大陸機唔好， 但講真人哋設計個系統設計個版面係為咗方便用家， 上手舒服冇多餘嘢， 我唔明你堂堂三叔出部旗艦機點解可以衰到咁， 仲要出咗短短兩個月都唔夠就減完一次㗎又減一次， 搞到個二手價賤過地底泥， 到底錯寫字樓班契弟識唔識做marketing！！本身諗住拿拿聲買登記咗個兩年保用咁起碼可以用兩年，貴啲都唔緊要，除番開條數都唔係好大， 但我真係估唔到兩個月都冇我就頂唔順要賣咗部機 ， 我而家轉咗用華為mate20X， 講真唔係話要同人賣廣告，但人哋真係好用你太多， 我朝頭早九點鐘出門口，夜晚返到屋企都差唔多仲有50個%電(講緊係勁用電話，因為我用電話包含工作)， 而且部機爽到不得了，影相更加係靚你十倍！

最後總結:
三星電話真係唔會再有下一次，我上次買嘅時候就係note7， 本身諗住買個電話，點知變咗買個手榴彈！又係搞到一鑊粥！買曬啲配件返嚟最後又係變曬垃圾， 過咗兩年諗住畀個機會試，下點知又係咁樣，真係抵你啲銷量越來越差！

旗艦機

經常出問題, 間中八達通感應唔到, 之後Mon 變黄, 仲有横紋.

部機昨晚開始頻頻reboot, 今天更嚴重, 拿去Samsung服務中心, 職員說底板同個Mon都要換, 建議我買個新的比較劃算。。。Note 9! 當年旗艦, 剛剛兩年就打柴, 職員仲覺得理所當然, 我無言。

N/A

N/A

1）有mon貼，曲位經常接觸唔到
2）試過來電唔聽，跟住壞機，打唔返電話，要重新開機
3）間唔中網頁會停頓不能動，fb突然斷線（ps同一個上網公司，舊機無試過）
4）屏幕截圖要手撥，有機會撥開截錯圖（舊機係頂部有圖示按）
5)冇計數機
咁耐都冇一部機感覺差到要上黎講兩句。