難得一日天朗氣清，興之所至，攞番部菲林機出來，用差不多一元一格的 Reala 菲林影了一輯相，揀了一張晒大，當堂嚇了一跳，玩了幾年數碼，好耐未見過咁清既相！從局部放大圖可以看到相中細小建築物的線條清晰可見，甚至可以看到單位的窗框！數碼相機要有此效果，起碼要有一千萬像素！

自此之後，再無乜心機玩數碼，除非千萬像素的數碼單鏡反光機跌至一個我負擔得起的價錢，這部幾百蚊都無人要的菲林殘機才會正式退役！

*** 順便一提，我玩了菲林十六年，才知道某大廠的菲林好唔掂，微粒超粗，ISO 100 幾乎等於數碼機的 ISO 400！一晒大相就慘不忍睹！直至我改用 富士Reala 菲林，才做到較為滿意的效果！