黑臉琵鷺，台灣譯做黑面琵鷺，又稱匙嘴鷺、琵琶嘴鷺。因為佢扁平如湯匙狀嘅長嘴，同中國樂器中嘅琵琶極之相似，所以有個咁嘅名；亦因為佢姿態優雅，又俾人讚做「黑面舞者」、「黑面天使」；屬鸛形目、朱鷺科、琵鷺亞科。琵鷺亞科族群響全世界共有六種，其中以黑臉琵鷺數量最為稀少，屬全球瀕危物種類別之一。所以當黑臉琵鷺響每年10月至遞年2月過冬時，東南亞睇雀嘅人會到處觀測同關注佢過冬狀況同統計一下。