其實係我諗作品題目既時侯, 我亦都有諗過係"珍惜眼前人". 但係回想番當時我有衝動去偷拍佢地都係因為佢地太過恩愛. 相信拍攝落黎一定會係一張美好既相片. 當時係12月, 天氣最凍既時侯, 本來只係想係尖沙咀影下夜景. 點知發現獵物, 立即走前兩步, 將呢刻留住. 當時我冇諗過呢個夜景, 用1/20 加is , foucal length 105mm, 能唔能夠影到, 心裡面只想能夠拍攝到. 無閃光燈既輔助, 夜景人像真係好難拍攝. 汒汒人海要搵到人生真正屬於自己既另一半真係唔易, 拍拖結婚亦都唔係兩個人既事. 但係呢一刻就真真正正屬於佢地兩個. 旁若無人, 令人羨慕. 世事冇常, 拍攝既樂趣就係能夠將每一刻留住. 我既器材係canon 350d + EF24-105 is. 雖然機身仍然係入門機, 但係從來都冇埋怨入門機係影唔到靚相. 縱使用了1年多, 知道佢地優點與缺點, 亦知道有好多限制, 但係由我一開始接觸單反, 呢部機已經俾左好多靚相我. 最後, 雖然我唔認識呢對情侶, 但係我都希望佢地能夠攬住每一個聖誕節.