個仔出世咗剛剛兩個月，呢兩個月以來，真係忙到無時間休息，莫講話認認真真拎部相機去同佢影相啦！
曾經有個客人同我講，你個仔就幸福啦！一出世就肯定有大把靚相啦！

查實剛剛好相反，呢兩個月逢星期六日都要出job，平常日子就晚晚見兩三個客，唔到零晨一點都唔可以離開公司！
眼見Covan仔越嚟越大，唔可以再等喇！再等多一個半個月，個樣都再唔係BB樣喇！
尋日帶咗Covan仔去打咗兩支針，見佢只係喊咗兩下就收晒聲，而今日亦無發燒情況，所以我決定推遲見兩個客人，我都要攝個時間幫個仔認認真真去影輯相，目的係要捉緊BB天天轉變嘅樣子！


隻衰豬只係俾咗我乖乖嘅5分鐘，我要抓緊時間喇！
哈哈哈哈…..最終隻衰豬俾我玩到喊，佢就以敬茶向我呢個爸B回禮，向我控訴！
Covan Covan…你駛唔駛咁可愛呀？
冧死人咩！