5代處理器 + 4020萬像素
對焦比X-T3 快左，準左好多
機身紮實，好揸，比X-T系再多一份專業感，
搭重鏡都冇咁易累。

唔夠X-T5 細部，
反芒係有少少小煩，
冇X-T5咁靚仔

由X-T3 升級上黎，
操控唔同左，唔再係三轉盤，
同埋變左SD +cfe b 少少唔方便。

但係非常適合岩岩轉會富士嘅你，
PASM 會容易上手。

亦都適合持有紅標鏡頭嘅你，
尤其16-55／2.8，從此唔會頭重尾輕。

如果你要富士操控，
冇乜重鏡，
唔駛拍8K
X-T5會係更好選擇

1.續航力非常好
-已開啟飛航模式，預設省電設定下，開住大約8小時，邊行邊影全程拍攝大約3xx張RAW，通常至少還有3x%電量，一般日常使用十分足夠

2.對焦表現良好
-有人類及動物EyeAF（動物EyeAF算係可用）
-AF-C算非常可靠，尤其加埋EyeAF真係好方便，表現同今時今日嘅機比都唔係輸好多，連拍7x張，通常大約只有6至8張唔中，只係計人類EyeAF個人覺得大約有A7iv的7成（不過動物EyeAF嘅辨識度就a7iv完勝）

3.對焦可調整選項多
-對焦點選項就已經分為“定點”及“鎖定”（就算用單點都會鎖定對焦點一開始落在的主體身上）然後各自再有七種模式，另外也可以調整追蹤靈敏度（優先鎖定或切換主體）更可以選擇自動切換垂直/水平AF區域，開啟後會分別記錄相機垂直和水平時的最後對焦點位置，對於經常要兩個方向切換及拍攝一些重複照片時非常實用（例如拍攝大量證件照）另外還有一些細項可調整，基本上可以因應自身習慣和題材的不同作出配合

4.連拍緩衝大，實用性高
-就算使用UHS-I的SD卡（90MB/s寫入），拍攝已壓縮RAW+JPG都可以影大約70多張先慢下來，用UHS-II的話更可以去到130多張才慢下來，雖然對比現在的型號好像很普通，但以每秒10fps來說，最小已經能維持6至7秒，老實說除非技術很差，不然很少需要連拍這麼長時間吧(連拍這麼久根本就是看運氣…)，所以換句話來說，就算用普通的SD卡，連拍都幾乎不會慢下來

5.相片動態範圍高
-高iso表現幾好
-後製方便，就算使用“已壓縮RAW，iso 3200”時，依然能夠做到較大幅度的顏色調校而很小出現斷層，暗部細節也依然不錯，高光位置也還可做到微調，由於iso越高，動態範圍就越差，除非逼不得已，本人很少使iso高過5000，基本上iso 5000前都屬於可調整範圍
-使用“已壓縮RAW，iso 100”時，已經幾乎想點樣調整都可以，就算是高光位置，只要不是一片死白，細節通常都保留得不錯
-可選擇已壓縮RAW/冇壓縮RAW，考慮到成本問題，本人通常都使用已壓縮RAW，個人覺得於後製時沒有太明顯的分別，主要是後者於高光的位置細節保留更好，和更不容易出現斷層，但由於已壓縮RAW就已經很不錯，而後者檔案近乎大一半，也因此會降低可連拍數量，對電腦負荷也更高，需要的儲存容量又多一半，建議因應需要於兩者間切換

6.機身全部按鍵近乎都可以自訂功能
-除了快門、錄影、MENU、DISP和播放鍵以外都可以自訂，總共12個，更可以分開拍照和錄影模式的設定
-Fn鍵提供自訂快速選單，總共12個可自訂功能位置，也是可以分開拍照和錄影模式的設定，如果開啟鎖定轉盤的功能就會兼顧鎖定鍵，長按1秒即可鎖定/解鎖（應該好多人都唔知）
-連轉盤也可選擇對調功能(光圈/快門)和旋轉方向（增加/減少）
-只要設定得好，基本上就好順手（當然要睇自己習慣啦）

7.鏡頭選擇多
-原廠本身已經選擇多，近年亦都越嚟越勁，仲有一堆平靚正嘅副廠鏡頭，基本上大多數焦段平至貴都有得選擇，仲有大量轉接環可以用返啲舊鏡頭

8.好難過熱
-雖然呢樣本身應該就基本嘢，不過依家好多新機都會過熱…呢部機本人就從來都未試過過熱嘅，連警告都未試過

9.鏡頭釋放掣在內側
-雖然好多人覺得呢樣係缺點，但事實上個掣的位置用右手捉住部機的手柄時，中指稍為伸出少少就撳到，反而係外側的時候就要特登轉手，而就算用左手揸住部a7iii，因為個掣偏下方，部機又算細部，其實好似揸住部手機咁就已經撳到，左右手用起都好方便，所以我覺得可能係習慣問題，用開嘅唔係咁，所以就覺得唔順手

10.雙SD卡
-可以做備份又得，分開儲存影片同相片又得，甚至乎分開RAW同JPG都得

1.個Menu亂到七彩
-分類其實都勉強合理，但係選項太多，又冇做細項分類，仲要橫向一頁頁咁過，最死係個Mon係Touch Mon但係個Menu唔可以用，翻譯得又唔係幾好，好似咩“過片模式”唔知以為係咩菲林嘢，睇完都唔知到底係咩，又冇說明，點知原來係所有用到連拍嘅功能（包圍曝光連拍）+計時放埋一齊叫做“過片模式”，冇用過Sony真係鬼知你係咩…變相要花時間適應同上網研究（好彩都仲有個我的選單同埋大量自訂，可以將常用嘅功能放喺嗰度，基本上只要摸熟左同埋設定好啲按鍵，大多數時間都唔洗再入個Menu）

2.令人疑惑的Mon
-首先同時偏紅加少少綠，呢樣都唔算太大影響，最死係仲要個動態範圍差，高光位有時會爆光，搞到以為影出來有問題，睇返Histogram先發現原來係個mon廢（好彩個觀視窗算係正常，同埋本人幾乎都會後期處理顏色所以影響不大）
-雖然係Touch Mon，但係淨係可以用來選擇對焦點，仲要反應又唔係好…唔知整嚟做乜

3.手感算一般
-雖然其實本人覺得還可接受（可能因為隻手唔大）但N家入門的Z5手柄都舒服過佢少少，同自家a7r4或者更新的型號相比亦都有幾明顯嘅分別，手柄唔係唔舒服，但硬係覺得爭少少，啲按鍵其實又未去到鬆咁誇張，但係就冇乜手感，即係好似機械鍵盤同薄膜鍵盤嘅分別，冇對比嘅時候覺得ok，有就覺得佢麻麻，但其實唔太影響使用，純粹係感受問題

4.防手震比較較弱
-雖然話就話有五級防震，但實情通常快門慢三級，已經盡左，但其實影響又唔係真係咁大，因為正路都唔會放得太慢，要用慢快門的題材就通常都會用腳架
-拍片影響就大啲，雖然真係要好順滑其實都係應該要上防震器，但係佢衰到有時啲微幅震動都睇到，對比起其他廠商係真係爭啲

其實就算以今時今日來講，呢部機都唔算過時嘅，喺影相方面冇乜大缺點，雖然拍片唔係勁，但係功能都比得好足，都有超採樣4K又有齊晒s-log hlg個啲相信大多數人都唔會點用嘅功能，如果主要係拍片，今時今日應該都唔會揀佢，但如果係影相為主，間唔中拍下片，其實呢部機除咗個mon真係冇乜缺點，雖然像素好似唔高但其實就算係晒相都已經可以去到S12R，現代人一般只係放上網其實再高都唔係太有意義，夠用的像素，可靠的對焦及連拍，不錯的感光度表現和良好的動態範圍減少後製難度，加上像素不算特別高，對鏡頭同電腦的要求也不高，又可以節省儲存相片的成本。
而且性價比高的鏡頭選擇又多，像是原廠的55和85mm1.8畫質不錯，二手價錢也值得入手，流通量又高，Samyang近年出的1.8系列價錢平，輕盈又畫質不俗，仲有好多人都認識的龍仔同SIGMA。
基本上依家不同價位的鏡頭都有得選擇就只有Sony，而A7iii在Sony現有的機型上依然屬於不錯的選擇，比舊的a7ii好非常多的對焦及改善了各種缺點，價錢相比a7iv都平幾多但又唔算太差，所以呢部機到今時今日依然算唔錯，見個二手價企得幾鬼硬淨就知。

真係好輕便
EVF與現時機身同級，曝光色準奇高
CMOS與現時機身同級
特殊三轉盤系統Sony APS-C僅此一部
外國討論區公認手感最好的Sony無反

沒有wi-fi
低光環境對焦性能原始
沒有PDAF
如果顯示屏可以360度旋轉就會更好
拍片用新款嘅機身較好

由於太多人跳船，手痕的我就入咗會Sony APS-C E-mount。

入咗會年幾，都有試過玩唔同既sony無反機身，由最原始嘅nex-3，到較近期嘅a6000。今日想特別寫呢一篇用家心得，想分享下用過呢部nex7的一啲個人體驗。

雖然sony已經放棄咗呢條line，但係不得不講nex7係我呢一年間入咗會用得最頻密嘅一部相機機身。雖然sony無反相機系統嘅menu系統為人詬病，但係Nex7 的特殊三轉盤系統以及多個自訂的custom buttons，某程度上剋服了相機主要功能菜單難以使用呢個問題。反正常用嘅設定擺曬喺功能鍵，基本上主要菜單都唔使開咁濟。

雖然係sony比較早期嘅無反相機，但係nex-7用想旗艦A99 DSLR 的感光元件，所以影出嚟嘅相細節確實好高，顏色亦都相當討好。唯一衰在AF技術年代久遠，低光環境對焦緩慢同埋會失焦。

如果你問我今時今日食唔食得去買呢部機自用，我會話而家二手市場嘅價錢，確實已經回落咗好多，買完返嚟都唔會肉痛。我諗最需要考慮嘅因素係，你攞呢部機係攞嚟影相定係拍片，如果係淨係攞嚟影相，呢部機到今日而言，依然係一部relevant 嘅無反相機。但如果需要拍片，我就唔會建議用呢部機啦。

高解像度嘅EVF，亦都係呢部機嘅賣點，佢係用相二百多萬高像素EVF，與現時嘅sony aps-c無反機身用嘅同級，對構圖非常有幫助。除此之外用EVF影相色準、曝光準高。減少後製retouch嘅時間。

唔該sony聽取各位用家嘅意見快啲出多條A7000 line，畀啲真心想影相嘅用家可以有最好嘅aps-c快樂攝影體驗。

輕細
防震勁
可以玩入門機無嘅功能(Live Comp, Live bulb)
有Pen F profile
機身靚仔
2千萬像素
Face/ Eye detection 係EM1X
同EM5-III, OM-5 用BL-50電

無EVF
Micro USB
無PDAF，對焦唔夠快

見無人寫，我寫。

如果你接受到冇EVF，又想有部細機可以影到靚相， 就可以買。 市面上唯一咁細部可換鏡頭，有防震相機

影會跑嘅小朋友， 就好難。預左配F1.7, F1.8定焦， 唔好諗F4, F2.8 zoom。

28mm鏡頭非常銳利色彩自然
漂亮散景
機身輕
風景人像及食物效果好
可以裁剪35 50 and 75mm
Apps 方便穩定
相片立體感極強，同Canon 風格不同
對焦快
外型搶眼又低調
好易上手好用

睇相時放大制唔喺太方便

之前一路都係用Olympus同Canon 系統，因為開關又要去旅行所以諗住買部輕相機，我自己都真係喺Canon同Olympus fans ，由於去旅行通關之後太多野搞所以決定買部輕身嘅相機，咁所以就買Q2。
先講外型非常清新有型，完全配合去旅行，去法國，去日本，去南美都配合。絕對係JamesBond首選，入去米芝蓮餐廳都唔覺得論盡。

- 所謂嘅菲林味 (?) 我自己有玩過陣CMOS機, 對比下唔識講係咪菲林味, 不過M8既相的確係偏暖, 我自己個人冇乜感覺, 因為我多數影黑白
- 黑白真係好靚, 呢個唔講得少, 佢對比度同灰階都做得好足, 尤其係大陽光既時候, 實物同建築物都有好好嘅效果, 不過黑白得JPG冇DNG的確有D人會唔鐘意

- x1.33 (呢個兩睇, 枝50真係難用咗好多, 35冇乜問題, 135反而有好處)
- 可接受ISO低, 真係當菲林機用係正確因為都係日光機, 當然你有腳架影既話某D night shots都可以幾靚
- Loading超慢 (其實我覺得都可以係一種玩法嚟, 逼你慢影細心影)
- 個芒真係有D垃圾, 唔係解像度, 係個材質, 感覺真係好硬膠, 仲要我嗰個有兩點好似水珠咁既野喺裡面
- SD card接受範圍窄, 32GB以上會讀唔到, 快load卡都唔得, 好似D女人/乸型港男咁, 問佢想食乜, 你講曬比佢聽佢都話唔食, 原來佢自己心目中淨係想食日本野

小弟係攝影新手嚟, 本身係玩菲林先, 第一部玩既135菲林相機係Leica iiif.
玩咗一排都係決定轉去玩數碼
都係想玩翻Leica因為有三枝佢既老鏡, 但又唔捨得洗太多錢, 所以揀咗呢部M系最平既M8 (唔係8.2)

本身其實儲夠錢可以沖M9或者M240
但真係想玩CCD多D, M9個CCD我真係睇d人話換完有機會要再換, 真係有d驚
同埋我對佢個黑白有興趣, 所以都係揀咗佢
最緊要係咩呀, 真係平一節喎, 真正嘅窮L玩Leica

買之前都知㗎啦
又x1.33 CF, 又話要UV/IR cut, 龜速Loading, 一堆麻煩嘢
但自己因為由iiif玩起, 覺得應該可以handle到呢堆問題

呢一年, 證明自己真係handle到既, 我多數都影開50mm, 咁咪主用枝35mm囉
龜速loading冇問題, 我玩開菲林都慣咗唔睇芒
UV/IR? 其實我買唔到, 所以我都係主影黑白, 但其實我個人都幾鐘意用冇filter既情況下影花花草草

結果係咩, 真係玩得好開心
D黑白效果真係好滿意, 我自己玩到愛不惜手, 直頭日日去邊都要陀住部機
見到D陽光啱個景正就唔理3721開蓋影

呢部野同主流相機嘅性能同範用性比一定係冇得比
但佢有佢自己既一套美感同用武之地
佢係一把古時打造既劍, 根本落唔到而家以熱兵器為主流嘅戰場, 但佢仲有屬於佢, 俾佢展示到使用者實力嘅地方

如果你係想買呢部嘢滿足用奶嘅虛榮心, 你可以唔洗買
如果你係想用佢嚟入數碼奶坑, 你要有心理準備佢唔會俾到方便您, 反而係你要就佢
但我寫包單只要肯就佢發揮得到佢嘅話, 佢真係一部好M機, 一部好相機

1 操作直白！
2 只有35mm，你可以固定左這一個焦段，去掌握一個焦距先！係一個非常之神奇嘅練習！
3 準確白平衡
4 F2光圈

1 己停產。
2 有時！部機會話比你聽，你的缺點在哪裏。

沒有想過會為十二年前的電子產品寫用後感覺！會有什麼人去看？

我早一年前好幸運買到一部極新的二手x100，一直用開canon單反相機，購入之後就由一個假日攝影生活變成日常生活攝影記錄者。當然iPhone都可以記錄生活！X100卻記錄左我一年對攝影的想法，從以為自己知到發覺自己白痴，到掌握光圈、快門、ISO和白平衡等等，這部相機都沒有給我什麼自動化的方便快捷，只是有一個非常直觀的簡單操作！多了就減，小了就加。令我好快就掌握得到相機各樣參數的變化對相片的影響，又以為掌握到這些可以影到靚相，其實又唔係，慢慢發現其實這些基本的操作只係好似一種工具，這種工具依然要靠着自己對光對影的想法才能夠拍出好照片來！富士所設計的這一部X100，可以講得上是一部最基本最直接的相機，表達左對光影控制的一種藝術，他本身就是一個藝術品，沒有多餘的想法，只係好直接咁教識你控制光和影。這是我用Canon的時候從來沒有想過的。我不是說Canon不好，只是覺得Canon仲壞咗我。現在我好多時候都會用返Canon但係都會用M mode！希望自己控制得到自己想要嘅相片特色。相信沒有X100這一種基本攝影操作，好可能要發得上更長時間才會明白如何去掌握光與影。多謝富士！

一定要光D
太暗影唔到