賣家唔係二手佬, 幫襯佢買野放心好多. 隻硬碟未得閒試, 應該冇咩問題.

收音機極之新淨, 而且接收同聲音都非常不錯, 又可以收FM/AM, 操作方面就要睇說明書先掂. 感覺部機幾慳電, 由交收到依家聽咗幾個鐘都仲有好多電. 唔明白點解咁好既收音機賣家會出售, 仲要係咁平宜既價錢, 須知呢部係DSP收音機, 出面買冇可能呢個價錢, 而且呢個牌子係香港亦唔知邊度有得買.

硬碟比想像中新淨得多，應該真係好少用。試裝 Win10 成功，表示硬碟100%運作正常， 而且安靜冇怪聲， 非常ok。 另外送既硬碟架都好實用。 賣家啲野真係相當唔錯，如果日後賣家有野再賣唔好錯過啦。 另外想同賣家講聲唔好意思，時間上安排得唔好，要你趕過嚟交收。

已經用咗一段時間，底板同新既一樣，功耗比想像中低，成部電腦連埋硬碟，鍵盤，滑鼠，火牛加埋大約20幾watt， 而且速度亦ok快，用嚟做文書非常唔錯。

部機比想象中新淨，開機試過運作正常。扣除2個墨盒計，淨機呢個價算合理，因爲新淨同有保養。好多年冇登入dcfever，估唔到呢度原來有幾多野賣。以後除左雅虎拍賣都可以睇埋呢度。