Cesky Krumlov 捷克古老小鎮
Hello 初黎報到 仲觸摸緊呢個page 希望可以快D上手再share多D遊記俾大家 ：）
而家旅行緊唔係好多空餘時間所以update得會有D慢，不過你地如果有興趣可以去住我個page度睇住先：）
https://www.facebook.com/dreamwhenyouarestillyoung
捷克除左Prague，另外一個我叫得出名既地方就係Cesky Krumlov（中文好似係古姆洛夫），800年前已經有呢個地方，經過5個家族既統治，而家成為繼Prague之後另一個旅遊熱點。
上網搵到間幾正既coach公司，坐左3個鐘冷氣巴就到左呢個好似世外桃源既地方（最後係發覺自己諗多左，雖然係好靚好靚但大陸人亦都好多好多，係街頭大叫同係街尾既朋友講野⋯⋯強國人真係無得頂）舊式小鎮路都凹凸過人，2個女仔拖住個gip行上行落先去到間B＆B真係唔簡單。呀同埋呢度全個市已經變左遊客區全條街只會見到3樣野：1. B＆B 2.手信舖 3.餐廳，全部為遊客而設。
雖然我地淨係留左短短一日多幾個鐘，但已經行過晒中心UNESCO果區每條街，為左幫我娘親買野連每一間手信舖都入過晒。成個小鎮係由一條河去貫穿，係地圖睇條河係S字形咁由上流向下，所以好多tourists黎到呢度都會玩kayaking。加上呢幾日真係好熱，成30度（我知香港更加熱，但呢度多數係舊建築間間屋閒閒地幾百年歷史，係無加裝冷氣），日日行過橋都見到樓下好多人係度划住隻kayak玩激流（一兩個激流位啦）。
真係好難形容呢個小鎮有幾細，但係當我上網搵野食既時候發現tripadvisor只係list左87間餐廳同café同bar⋯⋯ 真係得好少。同埋我都唔算係認路神手，通常去玩係我睇map我朋友認路，但呢度真係唔洗map都可以好快記得每一個地方點去，同埋行一兩個字就可以去到全部景點。第一日我地4點先酒店行出街，但係行兩行就發覺如果我地行得快一晚就可以行晒所有地方。所以我地採取退休生活mode用婆婆速度行，間間舖都入去蒲下，見有café就入去坐下欣賞下靚景，務求唔好一日行晒所有野第2日悶死。
去到歐洲好多地方都有個tower／cathedral，俾少少錢就可以行上去睇全個town既景。（不過多數都值既，人地D建築style真係同香港既skyscrapers差好遠），上次係Firenze行414級行到崩潰上到去都哇一聲唔記得晒行上去係幾咁辛苦，今次上個塔，我諗行左100級到啦，對行過400幾級既我地黎講絕對輕鬆。老實講全景就同Firenze大同小異，不過加返條貫穿全鎮既河真係差好遠，再加上有太陽條河會發光的⋯⋯好靚好靚，雖然大同小異但始終唔同地方有自己特色，香港上到山頂睇夜景都好靚架我覺得。
至於食，由Prague開始我地每一餐都食捷克菜真係食到咀都wear埋，係就係平但唔係特別好食⋯⋯所以最後一晚就去左間好full booked既grill restaurant食。真係大大個爐係康燒D扒同ribs，食完返到房成身都係味sosad。雖然終於唔係食Czech food但都唔係好好食⋯⋯類似美式steakhouse既grill究竟點解佢會咁旺場。不過staff就好nice好記得serve我地果個哥哥後頸有個漢字紋身好eye－catching，一睇，係’暴徒’⋯⋯究竟佢係用邊個英文字去翻譯’暴徒’呢個term出黎？不過佢份人就完全同暴徒相反好鬼nice，埋單果陣同我地講’wow you two speak really good english’ 拿其實就唔係我地英文好，佢係想暗串我地隔離台中國人，叫佢黎落單仲係度慢慢查字典查’pork’點解’chop’點解呀暴徒哥哥反晒白眼⋯⋯同埋果班呀嬸完全無禮貌見到我地食緊ribs一句彈過黎’你們吃的是什麼’ 完全無’你好’／’請問’／又或者UM住良心講既’美女’。
