浪漫之路～羅滕堡Rothenburg

羅滕堡Rothenburg

在Steinach轉一程車，一小時左右就到羅滕堡火車站Rothenburg ob der Tauber。羅滕堡也是浪漫之路的其中一站。看看火車站的地圖，有位外藉後生仔問我是那裡人？我說Hong Kong。跟住他同前面的朋友講，原來他以為我和他兩個朋友一樣都是韓國人，他們應該是在hostel 認識的，年青人就是柴娃娃一班人去玩，我也不理他們了，直接去古城區了。

經過城門，入城，從地圖看這個城應該保存得幾好，整個城的外貌都保留著。

一直走就會去到市政廳，非常浪漫的廣場。轉左落就是羅滕堡的明信片位，已經有位應該是泰仔擺晒post 咁影相，我都想有人幫我影…跟住一班強國人殺到，就一湧而上，泰仔同家人都好無耐，我都向前走避開他們，稍後再回來影。食個朱力雪球，再返去影。

市政廳Rothenburg Town Hall (Rathaus)

回到廣場，聽到香港導遊講解，原來那個是聖雅各教堂，唔該，慢慢步行去教堂，香港爸爸見兩個女團友已經看完返轉頭，大呼“咁快睇完”，跟團就是要分鈔必爭！入到教堂，原來要3歐，唔怪得佢地咁快走啦，偷看一下又唔係好靚，我都走了。

去到bur garden ,都有個展望台，睇到草，草，同草，另一邊就睇到小小羅登堡外牆。





在城內隨意走走，走上城牆Town Walls看看，應該可以走一圈的。回到城門入口，要比三歐就睇到聲稱是最美的羅登堡全景，又要收錢，這就是德國人的生財之道，sorry , not my cup of tea!

睇睇鐘,18:06有火車離開，已經18：00了，又跑，終於18：05上到火車，就係咁完成左，奔跑吧，羅滕堡之旅！

回到Wurzburg ,已經是下午七時多，在車站的asianhung 食了一個又平又正的雞肉炒麵，4.95 歐。

再出去拍攝夜景，拍攝完主教宮，太陽都已經接近完成日落…去到橋已經看不見太陽了，晚上的橋就變成了飲酒作樂的地方！






下一站 ~ 德國 ~ 海德堡
http://travelwilson.blogspot.hk/2015/11/52-1-aug-2015-day-28-heidelberg.html