青海省 - 大西北之旅 第三站

青海省 - 大西北之旅

第三站

茶卡鹽湖

dcf-travel-img-6111
黑馬河去茶卡鹽湖大約80公里,大約一個半鐘就會去到,途經海拔 “3817米" 嘅橡皮山。後來發現大部份嘅地方與地方之間都要穿山過嶺,好少有一條簡簡單單嘅路可以直達目的地。朝早停左雨,有啲太陽地半乾,雖然好似有點漸放晴嘅跡象,但係我哋睇天氣報告同問過當地人都話,好大可能會繼續落雨,如期係咁,經過討論後不如博一博,直接去茶卡鹽湖,因為落雨後嘅鹽湖雨水量多最有機會睇到天空之鏡,之後先返黎青海湖玩。

係出發前有朋友同我講過,沿途都有唔少大貨車,因為地方比較偏僻好多物資都係靠佢哋運入去,所以唔多建議我自駕,中途真係見到幾架大貨車係啲灣位成架炒左,初時都有啲擔心,不過渣慣左都還好,此終大部份地方都鳥無人煙,影都無隻。

天空之鏡沿於南美嘅 "玻利維亞烏尤尼鹽湖“,初時係睇日本電視節目介紹先知呢個地方( https://www.youtube.com/watch?v=_epjX_Bwfes ) 不過去南美真係好貴,所以將呢個目標留待 30歲前實行,後黎係Instagram 發現原來中國都有一個類似嘅地方,近近地不如返去走轉,而且返大陸好經濟,之後Utravel 更大肆介紹,我就決定左更加要係未咁多人去之前快啲去!此終交通唔方便呀嗎,好多人都會止步 XD

dcf-travel-img-6108

dcf-travel-img-6107

dcf-travel-img-6104

dcf-travel-img-6106茶卡鹽湖為處於茶卡鎮,面積接近十個西湖咁大,"茶卡” 係藏語,即鹽池。佢亦都係《中國國家地理》評選出55個必去嘅地方之一,由於平地上嘅鹽晶體會係雨後會產生反射,形成天地合一嘅景象。 

dcf-travel-img-6105dcf-travel-img-6103dcf-travel-img-6102dcf-travel-img-6101dcf-travel-img-6100dcf-travel-img-6099

好彩皇天不負有心人,沿途太陽愈黎愈猛,天氣逐漸放晴,藍天白雲目不暇給,非文字可以描述到嘅美,呢度有個特別嘅地方,佢有架小火車,條路軌係鹽湖中間,主要用途應該係運送啲工人去開工,都可以坐到幾遠㗎,但價錢真係見人見致,我去個陣佢開50蚊人仔一位,夠十個人先開車,我屌你喇 50 蚊,我有手有腳唔識行下,又唔係無得行,有人話佢哋唔同時侯唔同價錢,開天殺價,正仆街黎!呢個景點亦都係因為大同靚,所以有排你玩,非常值得花時間去。

dcf-travel-img-6098

溫暖提示:
著水靴或者拖鞋比較好,可以自由穿梭鹽湖,因為都有返大約5 cm 嘅深度,你要落去影相,著波鞋踏落去一定濕,而且行完都要用清水沖洗對鞋,唔係你對鞋好快打柴。除左呢樣野,鹽湖上仲有啲明顯黑左嘅窿,應該有返咁上下深,踏左落去隨時會整親,小心為妙!

‪#‎遊記‬ ‪#‎青海省‬ ‪#‎茶卡鹽湖‬ ‪#‎ChakaSaltLake‬ ‪#‎青海‬ ‪#‎Qinghai‬

More at www.facebook.com/mth514

更多中國旅遊攝影資訊

我的旅程