Encore 老鍋台式火鍋

好慘……有時食左好野真係返唔到轉頭！我又忍唔住去左食老鍋台式火鍋喇！

因為今次成班朋友圍埋一齊最好都應該係打邊爐，所以向佢地推介左呢間餐廳，難得大家信得過我，今次一定唔會令大家失望！

今次因為人多，所以點左好多上次冇試過的餸，淨係牛都叫左幾款，例如 安格斯牛肩甲、安格牛小排、A3和牛等等，每款牛都有唔同既味道，新鮮少肥，唔似酒樓無論你點咩牛都係拎果碟出黎:( 擺得好有心機之餘真係好好食！

人一世物一世，亦點左個加州象拔蚌刷身，彈性十足，味道鮮甜。

至於豬，其實又係我食過咁耐打邊爐覺得最好食既！因為口感同味道和其他店唔同，忍唔住問左職員，佢地話係叫杜洛克豬，是老闆親自挑選的。其實我未聽過呢種豬呀……但真係堅正!

手打丸上次已經講過有幾好食，原來傾開先知佢地店舖每日每款丸只手打100粒，賣完就冇，我地即時叫鵝肝墨魚丸同黑松露蝦丸黎試，永遠手打丸都係最好食<3呢個值得大家一試。

最後想講下呢到D侍應姨姨，態度服務實在太窩心，會久唔久走過黎睇下我地有冇野需要，又主動換D乾淨既碟比我地，令我有D唔好意思，辛苦晒佢。如果大家需要服務，張每枱都會設有一個CALL制，唔洗舉手舉到攰都冇人理。

睇到 老鍋台式火鍋 最近某D時段做緊8折，想食有質素火鍋既朋友，比次機會自己食下好野啦！

#隔左兩日又去食90分鐘火鍋放題完全不能比
#返唔到轉頭
#朋友話響鈴無敵
#仲有好多正野不能盡錄

＝×＝×＝×＝×＝×＝×＝×＝×＝×＝×
【Like my Fb page】https://www.facebook.com/photography.tomob/
【Follow IG】https://www.instagram.com/sunshinetomob
【Website】http://sunshinetomob.com
【專欄】http://www.gotrip.hk/author/tomomiwong/